الكروز و زيت شل 5000

**abou-yahia** · 22-04-2013 07:15 PM

المشاركة الأصلية كتبت بواسطة leitosr

الجهاز كان زي دي كدا بس كان لونه أصفر علي شكل بنزينة شل, بس مش لاقي له صور عال نت.
وكان عليه مؤشر ملون بدرجات من الأول الأصفر لحد الاحمر

وانا الزيت بتاعي كان تحت النص ناحية الأصفر.

شكرا

تثريبا شل هيه الوحيده اللي عندها الموضوع ده :-)

**Ahmed Amin** · 23-04-2013 05:37 AM

الجهاز كان زي دا بالظبط بس كان أعرض ولونه أصفر وعليه لوجو شل بتاعهم.
وانا مكنتش أعرف أي حاجة عن الموضوع دا إلا لما قالو لي بس جيه بفايدة والحمدلله.
وأنا دايماً براتاح لبنزين شل والزيوت بتاعتهم من زمان.

**Ahmed Amin** · 23-04-2013 05:47 AM

المشاركة الأصلية كتبت بواسطة abou-yahia

تغير لو الزيت عشان من ضمن وظائفه التنظيف اهم حاجه ميكونش نازل محروق

فالعربيات الجديده اكيد ميكونش الموتور لحق يحتاج كده

لاكن طبعا ده استهبال من التوكيلات

نصيحه اضافيه مجربها في البيجو

الشيل الالترا ممتاز

طيب انا دلوقتي عندي مشكلة بقالها فترة في البيجو ومش عارف دا الطبيعي ولا لأ.
يعني انا زي ما قلت الانسر كنت بحط لها الشل الأصفر ال 5000 وكنت بنزله علي 3500 كيلو او 4000 وساعات كان بوصل بيه ل 6000 قبل ما أعرف قصة الشل الألترا ال 10.000
وكان بنزل زي الفل دايما يعني أخرة ينزل بني فاتح وعمرة ما يوصل للبني الغامق..

أما البيجو بصراحة تعباني في موضوع الزيت دا, بحط لها الشل الالترا من يوم ما جبناها,
وبينزل لونه أسود مش عارف السواد دا بيجي منين حرق للزيت ولا في وساخة جوا المكنة وساعات بينزل ناقص اخر مرة نزل منها حوالي 2لتر ونص بس لما نزلته بجهاز الشفط ف بيجو صلاح سالم. مع ان مؤشر الحرارة مش بيعلي عن الحد الطبيعي ودا اللي مطمني نوعاً ما.
بس ان الزيت يقل كدا برضه وينزل مهبب كدا دا بيقلقني.
لما نزلته ومكنتش كملت عليه ال 10.000 كيلو.

بالنسبة للحلول أنا لسه مبحثتش أكتر ف الموضوع دا ,,,
بس ناس قالت لي نزلة بدري علي 8000 وناس أفتت فتوة مش مرتاح لها اني أحط الشل الاحمر الالف كيلو وادور بيه العربية دقيقتين وبعد كدا انزلة عشان ينضف,
بس انا قريت ف مكان ان لزوجة الزيت دا وحشة عال مكنة وممكن تأذي عمود الكامات
وأخر حاجة بفكر فيها ال Engine Flush
بس كان في موضوع عنه أنو لو الموتور مايل ممكن يبات منه شوية جوا الموتور ولما تخلص تنضيف الموتور ممكن يتبقي منه شوية جوا المكنة برضه ودا غلط,
ومش عارف أعمل أيه لسه ف الموضوع دا.

وناس قالت لي هيا البيجو كدا ودا طبيعي بس انا مش مقتنع,
لأني كنت بشوف الزيت بينزل حلو من الأنسر حتي لو أتأخرت عم معاد التغيير,
وقلت ممكن يكون دا فرق التخليقني من المعدني ؟
لو دا الفرق ياريت حق يقولي.

فأنت أيه أخبار الزيت معاك يا أبويحي,
لما بتنزله بيبقي لونه عامل أزاي وبتقعده كام كيلو في العربية.
وهل جربت قبل كدا تعمل ال Enging Flush والسيراتيك والحاجات دي ؟

**Ahmed Amin** · 23-04-2013 05:50 AM

المشاركة الأصلية كتبت بواسطة hossam_elwani

طيب هيا الكروز بتاخد 4.5 لتر لما الفلتر يكون جديد ولا لو الفلتر موجود بالفعل وفيه زيت ؟؟

4.5 دي أنا اول مرة أسمعها وأعتقد انها مش صح,
هتجيب نص كيلو فرط ولا سايب لعربية جديدة ازاي ولا هتجيب 2 جركن وتاخد واحد كامل ونص كيلو من واحد.!

الطبيعي ان علب الزيت كلها 4 لتر والمكن ال 1600 بياخد في العادي الاربعه لتر مع تغير الفلتر..
أو 3.5 ل 3.75 لتر لو هتغير زيت من غير فلتر.

لكن أنا معرفش لو الكروز هتفرق ومعتقدش أنها هتفرق
فأنت أتاكد من مهندس في التوكيل أو من الناس اللي معاهم.
بس زي ما قلت لك ان الطبيعي والاستاندرد أن المكن ال 1600 سي سي بتاخد علبة الزيت العادية ال 4 لتر بتغيير الفلتر او 3.5 من لو مش هتغير الفلتر ويستني معاك شوية.

**Ahmed Amin** · 23-04-2013 06:23 AM

للتوضيح أكتر أنا لسه ببحث ف سبب الموضوع,
أنا زيت الانسر كان بينزل عندي كدا نفس اللون الحلو دا..

أنما زيت البيجو بينزلي كدا وبيرعبني..

**Ahmed Amin** · 23-04-2013 06:54 AM

كان في معلومة برضه كنت حابب أضيفها علي موضوع تغيير الزيت بالأضافة للكلام اللي قلناه فوق,
كان بشمهندس هيثم من توكيل بيجو أشار ليها.

المشاركة الأصلية كتبت بواسطة hisam2010

قبل ما أكتب جدول الصيانات الدورية أحب اقول حــاجة للتوضيح......
الملحوظة الأولى:
- إن جدول الصيانات الى موجود فى الكتالوج بتاع العربية مش مطابق تماما للبيئة والجو الى فى مصر لذلك انا هكتب جدول الصيانات الفعلى والى يناسب احتياجات العربية فى الجو المصرى على مدار المسافات المقطوعة.
الملحوظة الثانية:
- ان زيت المحرك ممكن يقعد 20 الف كيلو او أكثر بدون اى ضرر للمحرك وانا مش عارف ليه شركات الزيوت بتحدد 10 الاف بس مع انى مفيش اى معلومة تفيد ان الزيت لغاية 10 الاف مع العلم إن الزيت هو هو الى مستخدم فى الدول الاجنبيه وممكن يقعد فى العربية 30 الف كيلو ومحدش يقولى علشان الجو فى مصر لان الزيت التخليقى او المصنع بيناسب اجواء ودرجات حرارة مختلفة ودة بيبقى متوصف ومكتوب على جركل الزيت.

http://www.nilemotors.net/Nile/3873913080-post263.html

**abou-yahia** · 23-04-2013 09:31 AM

المشاركة الأصلية كتبت بواسطة LeitoSR

طيب انا دلوقتي عندي مشكلة بقالها فترة في البيجو ومش عارف دا الطبيعي ولا لأ.
يعني انا زي ما قلت الانسر كنت بحط لها الشل الأصفر ال 5000 وكنت بنزله علي 3500 كيلو او 4000 وساعات كان بوصل بيه ل 6000 قبل ما أعرف قصة الشل الألترا ال 10.000
وكان بنزل زي الفل دايما يعني أخرة ينزل بني فاتح وعمرة ما يوصل للبني الغامق..

أما البيجو بصراحة تعباني في موضوع الزيت دا, بحط لها الشل الالترا من يوم ما جبناها,
وبينزل لونه أسود مش عارف السواد دا بيجي منين حرق للزيت ولا في وساخة جوا المكنة وساعات بينزل ناقص اخر مرة نزل منها حوالي 2لتر ونص بس لما نزلته بجهاز الشفط ف بيجو صلاح سالم. مع ان مؤشر الحرارة مش بيعلي عن الحد الطبيعي ودا اللي مطمني نوعاً ما.
بس ان الزيت يقل كدا برضه وينزل مهبب كدا دا بيقلقني.
لما نزلته ومكنتش كملت عليه ال 10.000 كيلو.

بالنسبة للحلول أنا لسه مبحثتش أكتر ف الموضوع دا ,,,
بس ناس قالت لي نزلة بدري علي 8000 وناس أفتت فتوة مش مرتاح لها اني أحط الشل الاحمر الالف كيلو وادور بيه العربية دقيقتين وبعد كدا انزلة عشان ينضف,
بس انا قريت ف مكان ان لزوجة الزيت دا وحشة عال مكنة وممكن تأذي عمود الكامات
وأخر حاجة بفكر فيها ال Engine Flush
بس كان في موضوع عنه أنو لو الموتور مايل ممكن يبات منه شوية جوا الموتور ولما تخلص تنضيف الموتور ممكن يتبقي منه شوية جوا المكنة برضه ودا غلط,
ومش عارف أعمل أيه لسه ف الموضوع دا.

وناس قالت لي هيا البيجو كدا ودا طبيعي بس انا مش مقتنع,
لأني كنت بشوف الزيت بينزل حلو من الأنسر حتي لو أتأخرت عم معاد التغيير,
وقلت ممكن يكون دا فرق التخليقني من المعدني ؟
لو دا الفرق ياريت حق يقولي.

فأنت أيه أخبار الزيت معاك يا أبويحي,
لما بتنزله بيبقي لونه عامل أزاي وبتقعده كام كيلو في العربية.
وهل جربت قبل كدا تعمل ال Enging Flush والسيراتيك والحاجات دي ؟

تجربتي في البيجو كالتالي

اول لما جبتها مدفوعا بوهم اللليكولي مولي

حطيته

كانت النتيجه انه تقريبا بعد 3000 كيلو مؤشر مقياس الزيت اللي بيطلع في بدايه اداره العربيه

كان بينقص شرطه مره في مره

ومؤشر درجه الحراره بتاع الزيت كان علي طول كاسر ال 100

روحت علي طول عملت engine flush وحطيت الشيل الالترا

بغيره تقريبا علي 10 الاف

لونه بينزل مش اسود بس مش محروق ومبينقصش

انصح حضرتك انك تجرب الكاسترول 10w-40 او الشيل

حيضبط مع حضرتك ان شاء الله

مؤشر درجه حراره العربيه مهم لاكن مؤشر درجه حراره الزيت اهم عشان بيديك فكره عن اداء الزيت .

**abou-yahia** · 23-04-2013 09:36 AM

المشاركة الأصلية كتبت بواسطة leitosr

4.5 دي أنا اول مرة أسمعها وأعتقد انها مش صح,
هتجيب نص كيلو فرط ولا سايب لعربية جديدة ازاي ولا هتجيب 2 جركن وتاخد واحد كامل ونص كيلو من واحد.!

الطبيعي ان علب الزيت كلها 4 لتر والمكن ال 1600 بياخد في العادي الاربعه لتر مع تغير الفلتر..
أو 3.5 ل 3.75 لتر لو هتغير زيت من غير فلتر.

لكن أنا معرفش لو الكروز هتفرق ومعتقدش أنها هتفرق
فأنت أتاكد من مهندس في التوكيل أو من الناس اللي معاهم.
بس زي ما قلت لك ان الطبيعي والاستاندرد أن المكن ال 1600 سي سي بتاخد علبة الزيت العادية ال 4 لتر بتغيير الفلتر او 3.5 من لو مش هتغير الفلتر ويستني معاك شوية.

مش دايما

فيه عربيات 1600 بتاخد 4.50 لتر ذي a4 اوكتافيا

وفيه بتاخد 3 لتر ذي النيسان صني ex

**Ahmed Amin** · 23-04-2013 11:14 AM

المشاركة الأصلية كتبت بواسطة abou-yahia

تجربتي في البيجو كالتالي

اول لما جبتها مدفوعا بوهم اللليكولي مولي
حطيته
كانت النتيجه انه تقريبا بعد 3000 كيلو مؤشر مقياس الزيت اللي بيطلع في بدايه اداره العربيه.

كان بينقص شرطه مره في مره

ومؤشر درجه الحراره بتاع الزيت كان علي طول كاسر ال 100

روحت علي طول عملت engine flush وحطيت الشيل الالترا

بغيره تقريبا علي 10 الاف

لونه بينزل مش اسود بس مش محروق ومبينقصش

انصح حضرتك انك تجرب الكاسترول 10w-40 او الشيل

حيضبط مع حضرتك ان شاء الله

مؤشر درجه حراره العربيه مهم لاكن مؤشر درجه حراره الزيت اهم عشان بيديك فكره عن اداء الزيت .

أنا متهيألي والله أعلم ان كدا ممكن يكون دا طبيعي لو بينزل عندك أسود برضه..
أما لو فيه سبب برضه هيكون زيت الموبيل لأنهم كانو بيغيرو في التوكيل علي موبيل دايماً. وأنا مكنتش بحبه,

في صيانة ال 30 الف كيلو لما لاقيت الزيت بينزل مهبب كدا. كنت بغير الزيت عند أحمد عمارة وقتها ولاقيته جايب جراكن شل كتيرة ومدخلها المخزن فبتكلم معاه بقوله ليه بتستعملو هنا زيت شل وفي أبو رواش بيستعملو موبيل وان.

فقالي ان الموبيل وان اللي في السوق وحش ومغشوش.
وأيامها كان كل في الأخبار بيقولو أنهم مسكو كميات زيت مغشوشة كبيرة عند التجار.

المهم أنا مكنتش برتاح للموبيل وكان صوت الموتور عالي نسبياً.
لما حطينا الشل صوت الموتور هدي كتير عن الأول,
مع ان الموتور عليه بادج من فوق مكتوب أنو يفضل أستخدام زيت توتال.. بس عشان انا مجربتوش قبل كدا وقليل ألاقيه مقارنة بشل عمري ما جربته.. ونفسي أجربه مرة أشوف عامل أزاي وهيفرق ولا لأ..

بالنسبة لليكوي مولي والفالفولين أنا مش برتاح لهم نفسياً, لا شكل ولا مضمون..
يعني مسمعناش عنهم قبل كدا إلا من قريب, وتلاقي اللي بيتكلم عليهم أو بيسوق لهم يقولك أصل أنت اللي مبتسمعش عشان يلبشك, ويقولك دا محدش بيستعمل غيرة ف المانيا.!
وحتي لو,, شكل العلبة يسد النفس, وأنا مش بشتري بشكل العبلة, بس أسلوب دعايتهم وعمولاتهم للتجار وأسعارهم تقلق الواحد من الزيت اللي هيحطة في ماتور عربيتة.

أما زيت زي شل دا مفيش غبار عليه وعلي كفائتة في أي حته في العالم..

بالنسبة بقي يابو يحي لل Engine flush
هل فرق معاك ف حاجة.؟ وهل أمن عال موتور ولا.
لو كدا ممكن أستعمله في غيار الزيت اللي جاي وأشوف النتيجة.
وهل جربت السيراتيك قبل كدا للموتور؟

أنا معنديش غير مؤئر حرارة المياة ودا مش بيعدي النص عال 90 تقريباً ومؤئر البنزين
ال 307 Coupe بس هيا اللي فيها مؤشر درجة حرارة الزيت مكان الشاشة بتاعت الغيارات.

أنت عندك مؤشر لحرارة المية وواحد للزيت ؟

**hossam_elwani** · 23-04-2013 04:19 PM

المشاركة الأصلية كتبت بواسطة leitosr

4.5 دي أنا اول مرة أسمعها وأعتقد انها مش صح,
هتجيب نص كيلو فرط ولا سايب لعربية جديدة ازاي ولا هتجيب 2 جركن وتاخد واحد كامل ونص كيلو من واحد.!

الطبيعي ان علب الزيت كلها 4 لتر والمكن ال 1600 بياخد في العادي الاربعه لتر مع تغير الفلتر..
أو 3.5 ل 3.75 لتر لو هتغير زيت من غير فلتر.

لكن أنا معرفش لو الكروز هتفرق ومعتقدش أنها هتفرق
فأنت أتاكد من مهندس في التوكيل أو من الناس اللي معاهم.
بس زي ما قلت لك ان الطبيعي والاستاندرد أن المكن ال 1600 سي سي بتاخد علبة الزيت العادية ال 4 لتر بتغيير الفلتر او 3.5 من لو مش هتغير الفلتر ويستني معاك شوية.

لا على فكره الميجان بتاخد 4.5 والفلتر فاضى جديد

واعتقد ان فيه عبوات واحد كيلو موبيل 1 صح ولا ايه ؟؟

الموضوع: الكروز و زيت شل 5000

LinkBack

أدوات الموضوع

عرض

-

-

-

المواضيع المتشابهه

ماهي نسبة الانضغاط في محرك الكروز ونوع البنزين الأمثل لمحرك الكروز

زنه فى الكروز

صيانة الكروز ال 5000 كم بعد أربع أيام

الكروز جنط 16

الكروز

الكلمات الدلالية لهذا الموضوع

المفضلات

المفضلات

ضوابط المشاركة