الموضوع: الكروز و زيت شل 5000

المشاركة الأصلية كتبت بواسطة hossam_elwani

بس انا ليه تجربه عكس كده

فى 2001 كنت جايب نوبيرا زيرو وبرضه قصة تغيير الزيت على 1000 كيلو دى مكنتش هاضمها فغيرت على 5000 كيلو وذهلت ان الزيت نازل اسود كحل مش حتى ذهبى غامق حاجه كده يعنى اعتقد والله اعلم كانو حاطين زيت معدنى مش تخليقى رغم وجود ستيكر موبيل وان

على العموم كده كده الكروز بتغير على 5000 والله المستعان

ممكن زي مانت قلت يكون كان زيت معدني لأن الاتجاه للتخليقي بقي أكتر من فترة قريبة,
وممكن برضه زي ما ابو يحي قال انها تكون أخدت فترة علي ما تتباع او علي ما تتصدر لمصر واخدت فترة تاني علي ماتتباع وانت تشتريها..

والأستيكر مش ضمان ان العربية فيها زيت تخليقي ولا لأ,
بس بيبقي ليك عشان يقولك بيفضل أنك تستخدم الزيت دا مع كل مرة تغير, وانا عمري ما هحط موبيل أبداً ف أي عربية..

ال 5000 كيلو Fair enough زي ما بيقولو.
يعني مش حرام انك تنزلة بدري علي 1000 وتبقي نصباية ولا تتاخر عليه لحد 10.000

بس الحاجة الاخيرة اللي كنت عايز أقول لك عليها, اني كنت مرة في بنزينة شل ....l
أيام ما كان العربية لسه فيها زيت المصنع وكان لونه أصفر لسه زي الدهب, وكنت أيامها لسه قلقان انزلة ولا أستني عليه.
بتكلم مع صاحب البنزينة قالي عندهم جهاز للكشف علي لزوجة الزيت, والكشف كان مجاني
قلت له طب تمام ياريت تشوفي لي لزوجة الزيت عندي محتاج يتغير ولا لأ..
الكشف كان عبارة عن أنو بيفتح غطاء الموتور اللي فوق وبياخد نقطة زيت واحدة بس
وبيحطها علي الجهاز كدا, لو الزيت لزوجته كويسة المؤشر بيبقي تحت النص وممكن تمشي عليه 5000 كيلو كمان.. ودا اللي طمني وخلاني أخلي الزيت ف العربية.

لو عدي النص يبقي يفضل أنك تغير في خلال 1000 ل 2000 كيلو

أنا طبعا قلبي أرتاح بعدها وسيبت الزيت ف العربية 3000 كيلو بعد الكشف دا عال لزوجة,
ولما نزلته كان لسه كويس بس خلاص مكنتش هسيبة لحد 10 الاف.

فانت ممكن تبقي تروح لأي بنزينة شل وتشوف عندهم الجهاز دا وتكشف علي لزوجة الزيت بنفسك
أو تراقب مؤشر الزيت كل أسبوع وتشوف لونه وبيقل ولا لأ.

تحياتي, وربنا يبارك لك في العربية.