انقذونى الاربع عجلات فيهم خوابير a4 2003

**erp** · 09-01-2013 11:36 PM

انا شارى عربيه اسكودا مستعمله

وفوجئت ان الاربع عجلات فيهم خوابير وكل شويه الكوتشات نايمه

وبسمع عن عدادت ضغط وبسمع عن اسبراى

ارجوكم دلونى على واحد بتاع كاويتش يكون فاهم اعمل عنده الاربع فرد اللى حضراتكم هتفيدونى بيه ان شاء الله

ارجو الافاده اعمل ايه علشان احافظ على الاربع عجلات اروح لمين اتابع واعمل تشيك على الاربع عجلات بنفسى ازاى ارجوكم

انا مش معايا فلوس اجيب جديد
اعمل ايه

**Mostafa.Ramdan** · 10-01-2013 12:06 AM

الكاوتش وسنينه

اول حاجه متتعملش غير مع واحد بس بتاع كاوتش يكون ثقه ودايما تتعامل معاه

اوعى تعمل اى حاجه فى الكاوتش فى بنزينه او حد على الطريق ولو اضطريت لكده خليك واقف على ايده لحد ما يزود الكاوتش بس (ركز على ايده عشان بيبقى فى ايديهم حاجات بيخرموا بيها الكاوتش )

لو انت فى مدينه نصر فى واحد فى الشارع بتاع جنينه مول ده قريب من البيت عندى ودايما بتعامل معاه وفيه ثقه بينى وبينه (بعمل عنده 3 عربيات والحمد لله مفيش اى مشاكل )

وعلى فكره انا عندى فرده فيها 6 خوابير وماشيه زى الفل

وان شاء الله فى اقرب فرصه هغيرها

بس منصحكش بلحام الخابور

**nicegypt** · 10-01-2013 12:19 AM

لو الخوابير لسة سليمة خليها زي مهية علماّ انها بعد مدة هتبوظ وهترجع مكانها ينفس
لذلك طالما سليمة خليها اما لو فية ثثوب جديدة يبقى عليك وع اللحام علماّ ان اللحام الواحد بيتكلف 10 ج
حسب المكان اللى هتعملة عندة يعنى الموضوع مكلف ولو فية لحام كتير ف الاربع فرد هيعملو 100 ج بالميت
حسب عدد الثقوب وطبعا دة مسكن وحل مؤقت لحد ما حضرتك تشتري كاوتش جديد لان حالة الكاوتش كدة مش كويسة
وابعد عن البنزينات واي محل كاوتش متعرفوش لان 90 % نصابين وحرامية درجة اولي الا من رحم ربي

**erp** · 10-01-2013 09:22 AM

الف شكر ياباشااااااا على ردكم الجميل

طب ايه رايكم انا بفكر
ان انا اروح لواحد بتاع كاوتش يفك الاربع عجلات ويكشف عليهم ويشيل الخوابير ويلحم مكانهم ده افضل ولا اخليه يشيك على الخوابير سليمه ولا لا انا تايه بصراحه

وشكرا

**المنسي** · 10-01-2013 10:10 AM

روح لواحد بتاع كاتوش مضمون يفك الاربع عجلات ويكشف عليهم ولحا الخابور اللى يلاقيه بينفس يشيله ويعمله لحام وده اقرب حاجة تعملها دلوقتى وبعدين لما ربنا يكرمك ابقى اشترى فردتين قدام وهات اللى قدام ورا ولما ربنا يكرمك تانى ابقى اشترى فردتين تانيين