الحمد لله صيانه أول 1000 كيلو مع نوسه (صنى 2013)

**limo81** · 19-01-2013 04:56 PM

فى البدايه
وحشتونى عشان بقالى كتير ما بدخلش المنتدى بسبب ظروف العمل وبسبب العربيه الواحد الصراحه ما صدق تيجى وعمال الف بيها من ساعتها

رحت الحمدلله لمركز صيانه نيسان - السويس الجديد تقريبا ماكملش سنه وما اظنش حد راحه من الصقور قبل كده أهو يبقى (مرجع)
عشان أعمل صيانه الالف وهى زى ما انتم عارفين تغيير الزيت+الفلتر
وبالمناسبه التوكيل بيحط زيت TOTAL
بس انا الحمد لله و رب ضاره نافعه شركه نيسان حست انى واخد على خاطرى منهم بسبب طول انتظارى للسياره "للساده المتابعين معايا ...وصلت 5 شهور وقصص طويله كده" فالشركه حبت تصالحنى راحت منزله عرض الصيانه المجانيه
وكشفت على الفرامل + العفشه +المساحات +حاله الكاوتش
وطبعا زى ما حضراتكم اسياد العارفين مصنعيه صيانه الالف مجانيه
وغيرت الفلتر والزيت Mobil 1 كمان ببلااااش
بس هاروح فين هادفع هادفع ان مكانش فى ال5000 هيكون فى اللى بعدها[/COLOR]

انطباعى عن التوكيل

[COLOR="rgb(65, 105, 225)"]*يعنى ماكنتش مبهور أوى + الحاجات اللى عملتها كانت بسيطه مافيهاش فنيات
+قلت لمهندس الاستقبال على صوت حاجه كده زى (ورقه - بلاستكه لازقه فى الكاوتش بتعمل صوت مع دورانه) ده مجرد وصف.....ماعملوش أى حاجه فيه......وانا كبرت لانه صوت مايضايقش
+تم غسل العربيه (نظام نص لبه)
وانا ان شاء الله ناوى اعمل الحاجات الخفيفه في التوكيل ده (جنب البيت) بس التقايل ان شاء الله عند الوحوووش -الصقور الكبييييره فى القاهره

[COLOR="rgb(65, 105, 225)"]*صاله الانتظار جيده الى حد ما[/COLOR]

انطباعى عن السياره:
[COLOR="rgb(65, 105, 225)"]الحمدلله انى اسخرت ربنا فيها ...ممتازه بمعنى الكلمه[/COLOR] وآســــــــــــــف للإطــالــه!!!

واسيبكم مع صور عن التوكيل وللامانه الصور من موقع التوكيل نفسه مش انا اللى مصورها

**Dr'AhmZZong** · 19-01-2013 05:16 PM

شكله كده توكيل جامد ..

مبروووووووك على الصيانة عقبال المليون ..

**S O P H O S** · 19-01-2013 05:20 PM

الف مبروك الصيانة ..

**Sehsss** · 19-01-2013 05:36 PM

مبروك على الصيانة، وتسلم على التقرير

**محمد بدر** · 19-01-2013 06:01 PM

مهندس / محمد سعد سبقك بزيارة التوكيل
وبعدين توقع ان ممكن يكون فى زيارة للصقور للمركز قريب ان شاء الله وسوف يتم التنسيق مع استاذ/ احمد مصطفى لتحديد الموعد المناسب
وربنا يقدرنى انا وصديقى محمد سعد للعمل على ترتيب يوم فى السويس لائق بالصقور

**Mohab555** · 19-01-2013 07:41 PM

مبررررررررررك يا باشا و عقبال صيانة ال 100 الف كم ان شاء الله
بس حاول تحط من المره الجاية زيت لكوى مولى توب تك زى اغلب الصقور ما بيعملوا ... احسن من موبيل كتير