مساعدة فى سخان غاز

**masterzmind** · 24-01-2013 10:25 AM

انا جبت سخان غاز universal ويارتنى م جبته عطل اكثر ما اشتغل والله وتكلمهم يقولولك كمان اسبوعين طيب يا حماعه احنا مش فى الصيف .... الخ لى معاة تجربه مريرة وقررت اشترى سخان غاز محترم يكون بيستحمل واجيب ماركه ايه ارجوا الافادة وشكراً

**RAPID** · 24-01-2013 01:14 PM

هات ايديال وانسى

**haythamkmal** · 24-01-2013 01:20 PM

السخان ده عندي من 2004 والحمد لله بدون مشاكل خالص

مفيش داعى لتغيير السخان ، شوف بس اية المشكلة وممكن تجيب حد من بره يبصلك عليه لو مستعجل

**El.Hossieny** · 24-01-2013 02:25 PM

يا ريت الواحد يقدر يحدد ايه الافضل في السوق حاليا من سخانات الغاز عشان عايز اشتري سخان غاز و محتار جدا

**JAM** · 24-01-2013 02:45 PM

أنضف سخان هوا باناسونيك الياباني ودا هتلاقيه في شركة مصر حلوان اللي هية وكيل باناسونيك في مصر.. بس محتاج تصبر معاهم شوية.. ويونيفرسال دا آخره يبقة وابور.. مع العلم إنه عندي وجبته لان الباسونيك مكنش موجود ساعة جوازي وبندم كل الندم علي شرائي سخان يونيفرسال

Sent from my iPhone

**dr_msm** · 24-01-2013 05:10 PM

نضف سخان هوا باناسونيك الياباني ودا هتلاقيه في شركة مصر حلوان اللي هية وكيل باناسونيك في مصر.. بس محتاج تصبر معاهم شوية.. ويونيفرسال دا آخره يبقة وابور.. مع العلم إنه عندي وجبته لان الباسونيك مكنش موجود ساعة جوازي وبندم كل الندم علي شرائي سخان يونيفرسال

فين مكان او التوكيل وهل ممكن اشترى من شارع عبد العزيز ام لا .. وهل فى حاجه فى نفس المستوى او اعلى وشكراً

**abdalah_hashem** · 24-01-2013 05:38 PM

سخااااااااااان المصانع الحربية بتاع حلوان مش فاكر رقم كام زى الفل
بس اهم حاجة فى اى سخان غاز ان ضغط المياة يكون ميقلش عن الحد الادنى المكتوب علية والسخان هيشتغل زى الفل

يعنى
1- لو مش بيولع لما تفتح المياة ... تاكد ان ضغط المياة شديد ووق الحد الادنى للسخان
1بشرطة -- لو السخان مش بيولع لما تفتح المياة ... ممكن تكون فى الصباع اللى بتزقة المياة عشان يشغل الغاز اتكسر من القرص بتاعة ودية بتاع السخانات هو اللى يعملها (((شوف اى حد جنبك )))
2- لو السخان مولع بس المياة باردة ... بيبقى فى صمام غالبا هتلاقية عامل زى المسمار وبيتلف بمفك عادة ودة بيقلل كمية المياة الخارجة من السخان او يكترها عشان تتناسب مع الحرارة اللى طالعة من الشعلات وتطلع المياة سخنة
3- لو السخان بيخر مياة .... ممكن تكون جلدة الرداخ اتقطعت ودية تغييرها سهل ورخيصة قوى عند بتاع قطع غيار الغسلات والسخانات بكام جنية يعنى

الموضوع بسيط طالما سخان غاز اعطالة بسيطة ... وياريت تشوف حد جنبك يبصلك علية اى صنايعى

**Ahmed_Ramadan** · 24-01-2013 06:17 PM

إحنا عندنا سخان المصانع الحربية برضه ...... و ميزته إنه حمار شغل و صيانته سهلة و قطع غياره رخيصة عيبه بس الشكل مش عاطفى قوى بس عملى جدا الصراحة

لو عاوز حاجة نضيفة فيه ال Variant و فيه Panasonic لو موجود

**mohammedabdallh** · 24-01-2013 07:32 PM

يونيفرسال عندى وشغال زى الفل

**aw2100** · 24-01-2013 09:25 PM

عن تجربة ابعد عن اليونيفرسال سخان زبالة مشكلة كتير انا انصحك لو اشتريت سخان باناسونيك يابانى او جونكر او فايلنت المانى تبقى اشتريت دماغك انا عندى باناسونيك بقالة 11 سنة وعند والدى فايلنت المانى من 15 سنة بص سخانات خدمة شاقة ومفيش اعطال!!!
وده موضوع سابق اقرائه حيفيدك ؟؟؟
http://www.nilemotors.net/Nile/325591-a.html

الموضوع: مساعدة فى سخان غاز

LinkBack

أدوات الموضوع

عرض

مساعدة فى سخان غاز - انشر الموضوع فى :

-

-

-

-

المواضيع المتشابهه

سخان يونيفرسال

سخان غاز ؟؟

مساعدة فى سخان الزجاج

بيع سخان

سخان الغاز

الكلمات الدلالية لهذا الموضوع

المفضلات

المفضلات

ضوابط المشاركة