الموضوع: اسباب تلف جوان وش السلندر واكتشافة ( للهونداوية )

المشاركة الأصلية كتبت بواسطة shesho

الهواء بقى اللى بتلاقية عندك طالع اثناء فتح الغطاء دة بقى عايزك تعمل حاجة حلوة اوى

اول حاجة :

تفتح غطاء الردياتير

وطبعا تكون فاتح الكبوت على الاخر

وتملى الردياتير على الاخر , طبعا لحد العلامة اللى قبل فتحة القربة

ودور المحرك وعينك على الريدياتير

لو لقيت المياة نطرت لبرة خارج الريدياتير , يبقى كدة للاسف جوان

لكن لو لقيت مافيش مياة خرجت برة , يبقى كدة الفقاقيع دية مجرد هواء

بس الاول اعمل الاختبار وان شاء الله خير [/quote
هل الموضوع نعملة وهى السيارة باردة ولا امتى

اعملة فى اى وقت

بس انا افضل والعربية تكون لسة باردة

المشاركة الأصلية كتبت بواسطة engahmedsayed

موضوع مهم جداااااااااااااااا
و تنسيقك و ردك على الموضوع اكثر من رائع
فى نقطه كمان الكل يغفل عنه و هى وجود هواء فى دوارة التبريد
وجود الهواء بيؤدى الى تلف جوان وش السيلندر
و يتعرف ازاى انى فى هوا فى دورة التبريد بتتعمل بطريقه خطر شويه بس لو اتباعنا الخطوات بالظبط ان شاء الله مش هيكون فى اى خطوره و هى لما تكون العربيه سخنه تعمل ايه افتح غطاء القربه سنه سنه بالفوطه الصفرا و خليك بطىء جداااااا اول ما تسمع صوت تنفيس متفكش تانى لحد ما التنفيس ده ينتهى و ضغط الهواء السخن يخرج و بص على المياه فى القربه من بعيد يعنى متحطش عينك فى فتحة القربه لو المياه بتتقلب يبقى تمام و مفيش فققيع يبقى تمام
لو المياه فى حالة ركود يعنى المياه ثابته يبقى كده فى هوا يبقى فى الحاله دى لابد من سحب الهواء من دورة التبريد

فى حاجه تانيه فى بعض الناس بتقوم بتزويد الموتور مياه بارده و هو سخن ده بردك خطاء عاوز تزود زود و هى العربيه لسه دايره الصبح و هى برده يأما تصبر عليها لما تبرد خالص

دى اضافه لكى يكتمل الموضوع
تسلم يا صديقى على الموضوع اعذرنى طولت عليكم
جزاك الله كل خير
اخوك و صديقك
م / احمد سيد
منسق قسم سكودا

ياباشا اولا نورت قسم هوندا

وشكرا ياباشا على الكومنت الجميل دة

وشاكر جدا ليك على الاضافات الجميلة دية , مهمة جدا ولازم فعلا تكون اجراءات وقائية , ومهمة جدا فى المحافظة على كفاءة وش السلندر

ونورت القسم ياباشا