الموضوع: تعديل دبرياج ريجاتا

الميكانيكى بتاعى وهو عضو معنا ايضا فى المنتدى اقترح على تعديل مكلف ونفذناه فعلا امس وحولنا الدبرياج الى زيت بدلا من السلك وجارى تجربة السيارة فعلا هى النهاردة ماشية معايا كويس وفى حالة استمراره وتجربتها بعد اسبوع لو ماحصلش اى مشاكل حارفع صور التعديل والتكلفة واسم الميكانيكى فى منتدى التعديلات حتى يستفيد منه كل الاعضاء وملاك الريجاتا خصوصا

المشاركة الأصلية كتبت بواسطة hk1960k

انا عدلت الدبرياج بسبب مشاكل كتير واجهتنى وليس الرغبة فى التعديل وبس لان الموضوع مكلف نوعا ما
على فكرة كل الكلام اللى حضرتك قولته عن دبرياج الريجاتا مظبوط بس المشكلة فى قطع الغيار السيئة الموجودة فى السوق تصور حضرتك انى اول مابركب السلك بيبقى الدبرياج خفيف وناعم ومرة واحدة بدون سابق انذار الاقى الجراب هرب من السلك نتيجة تلف الفبرة اللى فى اول الجراب
وانا طريقى على الدائرى وتعرضت للعطل اكثر من مرة
تصور حضرتك انى غيرت سلك الدبرياج خلال اسبوع واحد 5 مرات وكل مرة اشترى نوع سلك مختلف من عند تاجر مختلف وغيرت الميكانيكى فى كل مرة وكل مرة تكون التكلفة من 40 الى50 جنيه
عموما انا منتظر نتيجة التعديل بعد التجربة خلال الاسبوع الحالى وحاقولكم

واضح انها كانت مشكله مزمنه .. الحمد لله ان ربنا سهلها و حليتها ..
بس بصراحه 5 مرات فى اسبوع واحد كثير قوى قوى ... الـ 128 مش بتعمل كده يا راجل ..
انا اخر موضوع السلك فصل منى كان من سنتين مثلا و اشتريت سلك دبرياج من عند احمد محرم فى عين شمس على ما اذكر و الفيلم كله اتكلف 50 ج بالمصنعيه بالسلطات بالدخان كمان (كانت علبه السجاير البوكس بخمسه جنيه) ..

حاول تشترى قطع الغيار من 3 اماكن مضمونه : فيات 2000 امام سنترال رمسيس - الكيلانى ش شامبليون خلف دار القضاء العالى - احمد محرم ش متحف المطريه فى عين شمس ..
و لو احترت عليك و على الاستيراد ..

اتوقع ان فيلم التغيير الى زيت استلزم تركيب : خزنه الزيت + وصله المزيته+ الماستر بتاع قاعده الدبرياج

ارجو من حضرتك ذكر الخطوات و قطع الغيار المستخدمه و التكلفه للاستفاده ..