تعديل دبرياج ريجاتا

**hk1960k** · 11-02-2013 10:54 PM

المشاركة الأصلية كتبت بواسطة مواطن مصرى

واضح انها كانت مشكله مزمنه .. الحمد لله ان ربنا سهلها و حليتها ..
بس بصراحه 5 مرات فى اسبوع واحد كثير قوى قوى ... الـ 128 مش بتعمل كده يا راجل ..
انا اخر موضوع السلك فصل منى كان من سنتين مثلا و اشتريت سلك دبرياج من عند احمد محرم فى عين شمس على ما اذكر و الفيلم كله اتكلف 50 ج بالمصنعيه بالسلطات بالدخان كمان (كانت علبه السجاير البوكس بخمسه جنيه) ..

حاول تشترى قطع الغيار من 3 اماكن مضمونه : فيات 2000 امام سنترال رمسيس - الكيلانى ش شامبليون خلف دار القضاء العالى - احمد محرم ش متحف المطريه فى عين شمس ..
و لو احترت عليك و على الاستيراد ..

اتوقع ان فيلم التغيير الى زيت استلزم تركيب : خزنه الزيت + وصله المزيته+ الماستر بتاع قاعده الدبرياج

ارجو من حضرتك ذكر الخطوات و قطع الغيار المستخدمه و التكلفه للاستفاده ..

شكرا على نصيحة حضرتك وفعلا فيه ناس كتير نصحونى اشترى اى حاجة بعد كده من الكيلانى بس طبعا كلنا عارفين ظروف وسط البلد اليومين دول وانا من الهرم اما بالنسبة للتعديل ففعلا الموضوع استلزم تركيب خزينة زيت وخراطيم وماستر صغير وماستر رئيسى بالفتيس وتعديل الفورش والتفاصيل انشاء الله بعد انتهاء فترة التجربة والتأكد ان التعديل ناجح حتى يستفيد الاعضاء

**hk1960k** · 11-02-2013 11:02 PM

المشاركة الأصلية كتبت بواسطة Khaled Lanos

الله ينور عليك ان شاء الله التجربة تنجح ومنتظرين النتيجة

شكرا لذوق حضرتك

**elsaaede** · 27-02-2013 08:31 AM

السلام عليكم ورحمه الله وبركاته
انا دخلت مرحلة تغيير سلك الدبرياج الكثير فى مدد قليلة جدا
ارجوك الوصف التفصيلى سريعا
وشكرا لك

**hk1960k** · 27-02-2013 12:47 PM

المشاركة الأصلية كتبت بواسطة hk1960k

الميكانيكى بتاعى وهو عضو معنا ايضا فى المنتدى اقترح على تعديل مكلف ونفذناه فعلا امس وحولنا الدبرياج الى زيت بدلا من السلك وجارى تجربة السيارة فعلا هى النهاردة ماشية معايا كويس وفى حالة استمراره وتجربتها بعد اسبوع لو ماحصلش اى مشاكل حارفع صور التعديل والتكلفة واسم الميكانيكى فى منتدى التعديلات حتى يستفيد منه كل الاعضاء وملاك الريجاتا خصوصا

اخوانى الكرام السلام عليكم ورحمة الله وبركاته
استكمالا بموضوعنا ابشركم بان التجربة ناجحة جدا والحمد لله وذلك بعد مضى 3 اسابيع تقريبا ما فيش اى مشاكل

المشكلة الكبيرة هى انى اتكلفت كتير نظرا لشروطى على الميكانيكى بعدم عمل اى تعديل بحوض السيارة مثل اللحامات وخلافه والراجل نفذ الشرط فعلا بس اضطرينا نشترى قطع غيار لسيارة ميتسوبيشى لانسر بحوالى 350 جنيه وهى اللى تنفع تركب بدون تعديل
كمان مصنعيات لحام وخراطة ببرميل الفتيس ب 70 جنيه ومصنعية الميكانيكى 150 جنيه
طبعا بخلاف قيمة الزيت علشان انا اتنتهزت الفرصة وغيرت زيت الفتيس بالكامل وطبعا كان عمره ماتغير قبل كده... بصراحة التعديل مكلف لكن يستاهل والنتيجة هايلة والحمد لله

وعموما ده تليفون الشيخ محمد الميكانيكى للى عاوزه 01065526969
وعلى فكرة جايز ان التكاليف ممكن تبقى اقل من كدة فى سيارات اخرى

مع تحياتى للزملاء الاعزاء
هشام كامل