تحذير بخصوص التيل

**akramtiti** · 12-02-2013 11:49 PM

الحمد لله علي كل شىء
النهارده وانا ماشي بالعربيه سمعت صوت حكه واضحه في العجله الشمال كل مادوس فرامل انا خفت شكت في التيل بس قلت ازاي انا مغيره علي 35000 وانا عامل 39000 اريع تلاف كيلو حرام قلت اريح نفسي واطلع علي التوكيل (سموحه) روحت للمهندس حكتلوا علي اللي حصل لاقيت قالي احتمال كبير تيل وبعدين....... لو كده نغير ولا ايه قلتله انا مغيره قريب قالي هبص قلته بقولك ايه تعمل صيانه 40000 الف وخلاص علي العلم انا رايح الساعه 2:30 قالي مفيش مشكله ادبس يامعلم قالي هتكلف الصيانه 950 قلت ماشي ماهم كل مره كده وبلاقيها اقل
المهم فك العجل ونادى علي ابص لاقيت التيل مسح التيل كنت شاريه من شارع صلاح الدين والراجل قالي ده الاصلي الماني 150 جنيه وركبته في التوكيل فطبعا قالي العيب في التيل اركبلك من عندنا قلته انا زهقت مش كل شويه اغير تيل قالي ده طريقه سواقه ومعظم اللوجان كده قلته امري لله وحسبي الله ونعمه الوكيل غير وخلص العربيه ولبست في 1220 جند لاغير وخد مصنعيه 289 جند ليييييييييييييييييييييييي ييييييييييه
انصحونا وافيدونا افادكم الله

**nemo2000x** · 13-02-2013 12:39 AM

هوة دة نظام التوكيل لو عايز تحافظ علي الضمان

**Deshahcoka** · 13-02-2013 01:34 AM

التوكيل ابن ستين في سبيعين بتاع سموحة كان عاوز ياخد مني العربية و يديني كيكة !

المهم التيل مفيش تي اصلي ب 150 يا باشا ! ده بتاع الكيا في التوكيل عدى ال 600 الامامي و 400 للخلفي

انتا غيرته بكام في التوكيل ؟

**akramtiti** · 13-02-2013 02:25 AM

المشاركة الأصلية كتبت بواسطة deshahcoka

التوكيل ابن ستين في سبيعين بتاع سموحة كان عاوز ياخد مني العربية و يديني كيكة !

المهم التيل مفيش تي اصلي ب 150 يا باشا ! ده بتاع الكيا في التوكيل عدى ال 600 الامامي و 400 للخلفي

انتا غيرته بكام في التوكيل ؟

360 جند بالتركيب بس المشكله انه بيعد 10000وكده يبقى خراب بيوت

**amrelzawawy** · 13-02-2013 09:27 AM

انت بتقول اخر مره مغيره على 35 الف والاصلى بيقعد 10 الاف يعنى معناه انك غيرته 3 مرات قبل كده ولا انا غلطان

**samehrty** · 13-02-2013 12:47 PM

غيرت التيل في التوكيل في صيانة ال 30 وصيانة ال50

**miguel** · 13-02-2013 02:51 PM

هههههههه حرام والله ده كله التيل التركي بتاع العربية ب 280 وتركبه ب 50 كله علي بعض
لكن تقولي توكيل يبقي عاوز تضيع فلوسك علي الفاضي

**DR/WAFEK** · 13-02-2013 06:21 PM

ايه يا اخوانا الكلام ده انا اخر مره مركب تيل ايطالى كان تقريبا ب 120 ج مش فاكر نزلت فى تمنه ولا لا وقاعد معايا 14 الف ك وفى الصيانه قالولى نغيره رفضت رحت كشفت عليه لقيته فيه 5 الاف ك على الاقل والراجل قالى انه خساره يتغير