الموضوع: الرئيس محمد نجيب - دعوه للحوار الجاد المثمر

اعتقد اكثر اتنين ظلمهم التاريخ الحديث. محمد نجيب و سعد الدين الشاذلي

المشاركة الأصلية كتبت بواسطة MTAK

استاذ ماهر
وضعت يدى على اول الطريق
و لكنى طماع و منتظر المزيد :)

المشاركة الأصلية كتبت بواسطة MTAK

استاذ w-m-a اشكرك لاثراء الموضوع

بالنسبه للتنظير لسه مخلص جزء تانى من الكتاب و حاسس انى اقرأ فى جريده بتاريخ اليوم

دستور و الغاء و عمل واحد جديد

مظاهرات مدروسه , تفجيرات محدوده لاهداف و بعدين تختفى تماما

استغلال فصائل ضد فصائل ثم الاجهاز عليهم كلهم

لصق التهم ثم التراجع عنها لكونها هشه فى مضمونها
-------------------------------------------------------------
مش عارف انا حاسس ان مش رد الفعل هو اللى بيتعاد انما الاخطاء بتتعاد و يمكن بصوره اكبر لوجود اطراف غير ظاهره

بصراحه الواحد حاسس انه اصبح فى مرحله عدم اتزان عنيفه

ناس لها ثقلها و ووزنها فى عملها داخل المطبخ

الاول كان الجيش سبب الانقلاب (و ليس الثوره ) ثم نادوا بالجيش
كان عكاشه اهبل و بعدين بقى مفكر
تم اختيار السيسى لانه اخوانى ثم الان يطالبوا به رئيسا للبلاد لانقاذ البلاد من الاخوان (و احس من وراء ذلك مكيده تدبر له او للجيش من واقع ما قرأت و اسقطته على الواقع)
حتى وزير الداخليه اللى من محافظتى , تم الصاق تهمه الاخوانيه به مؤخرا

انا عارف ان كل طرف يريد تحريك اللعبه لصالحه انما تبقى بالبجاحه دى
--------------------------

بحثت عن تكذيب الخبر الذى ذكرته فى عدد الاهرام 2 يونيو 1972 و لم اجده

لم اكن ابحث لاكذبك و لكن لارى اين مكان الخبر , يعنى محطوط فين

كنت منتظره خبر صغير بس على الاقل يكون صفحه اولى و لكنى لم اجده بتاتا

و للأمانه العلميه فى 3 صفحات داخليه واقعين من الجريده مش عاوزين يحملوا معى , ممكن يكون الخبر بهم

.: تاريخ العدد 1972/06/02 :.

بص يا باشا. . . بدون الدخول فى تفاصيل كتير هتخلى الموضوع ممكن يتحول و يجنح الى كونه موضوع من مواضيع قسم الخناقات اياه عشان كده خلينا افضل ملتزمين بالنظرة الكلية للتاريخ كسلسلة متصلة الحلقات. . . الحيرة بتاعتك هتزول و مش هتفضل كتير لو فكرت بالمنطق التالى. . . ان احنا ببساطة فى فترة احلال نظام بنظام. . . هذا ببساطة هو كل ما يحدث و هو سبب المقاربات اللى انت بتلاقيها و انت تقرأ عما حدث و شبه التطابق الذى تجده مع ما يحدث. . . و ده شئ كان لازم يحصل كآخر حلقة فى سلسة الانظمة اللى مرت على البلد دى. . . نظام الاسرة العلوية اللى استمر 150 سنة و كان اول فترة تحصل مصر فيها على شبه استقلال بعد فترة الحكم العثمانى اللى اكلت هى كمان 300 سنة من عصورنا الوسطى (من 1517 الى 1805). . . بعد الاسرة العلوية جاء حكم العسكر و استمر ما استمر. . . الان يأتى نظام جديد ليؤسس اركانه . . . و لو طبقت عليه القاعدة التاريخية الذهبية السابق ذكرها. . . هتقدر بنفسك تعرف مصيره فى النهاية. . . الشئ المؤكد هو التالى. . . انه طالما احنا مازلنا كبلد فى مرحلة تعاقب الانظمة. . . يبقى لسه البلد دى ما زال قدامها شوط كبير لتقطعه لتصل الى ما تستحقه و يستحقه شعبها. . . البلد دى كبيرة اوى على كل من حكموها. . . و مش هتاخد حقها الا لما اللى يحكمها يبطل يفكر انه اول شئ يعمله هو انشاء نظامه اللى يحكم بيه البلد و زرع اتباعه كأذرع لهذا النظام. . . لان الحقيقة هى ان اللى المفروض يكون هو ان البلد نفسها بكل مواطنيها تكون هى النظام و شعبها هو الحاكم الفعلى و مصدر السلطات و من يوجدون فى الحكم يعملون فى خدمة هذا الشعب كأداة لتحقيق مصلحته و العمل على رفاهيته . . . و هذا كله لم يتحقق ابدا فى اى عصر من العصور و تستطيع الحكم بنفسك على ما يحدث الان لتعرف نوعيته. . . يعنى من الاخر لسه كده قدامنا بتاع 200 سنة كمان ده اذا طبعا محصلش x factor فى الظروف الدولية المحيطة بالبلد. . . و فى تقديرى انه سيحدث بأسرع مما نتخيل او يتخيل اى احد. . . بس هذه قصة اخرى مش هدخل فى تفاصيلها الا لما تحصل و هسيب الجملة دى هنا كأشارة له. . .