رقم العضوية : 77862
تاريخ التسجيل : 17Aug2010
المشاركات : 588
النوع : ذكر
الاقامة : EgYpT
السيارة: n/a
السيارة[2]: n/a
دراجة بخارية: n/a
الحالة :
السلام عليكم ورحمة الله وبركاته
صراحه مش عارف أبدأ الكلام ازاي .. خايف الناس تضحك عليه او يقولوا عليه مجنون
على كل حال هقول فكرتي وأمري لله .. وهحاول بقدر المستطاع توضيحها
مقدمه لا بد منها قبل طرح الفكره القوميه :
اولاً : اي دين سماوي نزل هدفه هو تنظيم العلاقه بين البني ادم ونفسه .. وبينه وبين الكائنات الحيه الأخرى .. وبينه وبين الله سبحانه وتعالى
اللي بينك وبين الله .. وبينك وبين نفسك .. دة يضرك انت وحدك وينفعك انت وحدك .. فأنت حر في الحكايه دي
لكن اللي بينك وبين الكائنات الحيه الأخرى .. دة انت مش حر فيه .. لان المنفعه او الضرر على الجميع
يعني ماينفعش تصلي وتصوم .. وتطلع الشارع تشتم في الناس وتجر شكلها .. ما اعتقدش ان ربنا هيتقبل منك صلاتك وانت اخلاقك كدة
انا في اعتقادي والله اعلم ان الشخص اللي اخلاقه حسنه وهو لا يصلي .. افضل عند الله من اللي بيصلي واخلاقه سيئه .. ودة لا يغني عن الصلاه " الصلاة فرض "
" قال صلى الله عليه وسلم: "ما شيء أثقل في ميزان العبد يوم القيامة من خلق حسن، وإن الله ليبغض الفاحش البذيء" أخرجه الترمذي وصححه الألباني "
"إنما بعثت لأتمم مكارم الأخلاق"رواه مالك في الموطأ بلاغاً،
وقال ابن عبد البر هو متصل، ومن ذلك قوله صلى الله عليه وسلم: "ألا أخبركم بأحبكم إلي وأقربكم مني مجلساً يوم القيامة؟ فأعادها ثلاثاً أو مرتين. قالوا: نعم يا رسول الله. قال: "أحسنكم خلقاً" رواه أحمد وجوَّد إسناده الهيثمي .
الفكره :
نكلم بصراحه شديده
احنا شعب يخاف مايختشيش .. ونسبة الجهل عندنا فدادين فدادين .. سوء الأخلاق " ناخد جائزة أوسكار "
بعض المواقف البايخه في الشعب دة " فقط امثله مبسطه "
1- انت راجل محترم قافل عليك باب شقتك في حالك .. جه جيران لك ( مزعجين .. كرهووك في شقتك والعيشه واللي عايشنها ) .. وكلمة مزعجين دي إختصار لأفعال كتيره اوي
2- انت بردو لسه راجل محترم .. وسايق عربيتك زي ما قال الكتاب .. لكن في ناس سايقه جنبك واخدنها فهلوه وعافيه وهو كده
3- انا بحييك علشان انت ما زلت متمسك بإحترامك .. و واقف في الطابور مستني دورك على شباك توزيع عجوه او اي بتنجان في البلد .. وجه عم الخطير المهم المستعجل اللي لازم يدخل قبلك علشان يلحق يدي للواد الرضعه .. ولا علشان هو راكن في الممنوع .. على اساس انك واخد عربيتك في جيبك .
4- نايم في امان الله " مش شرط على فكره نكون بعد نص الليل علشان تبقى نايم " ممكن تكون ظروف شغلك بالليل وبتنام بالنهار .. يا سيدي ولا حتى مش بتشتغل .. من حقك تنام في هدوء وترتاح .. لكن في حد غلس في الشارع عامل دوشه " كلاكس بقى او بينده على حسين كل نص ساعه وحسين يرجع ينده على صلاح وهلم جرا وكأنها طقوس يوميه "
مواقف كتير في حياتنا غلط ومزعجه .. بتضايقنا وبتحرق دمنا وبتقل من راحتنا وتركيزنا ... وبترفع ضغطنا .. ودة في النهايه بينعكس على ادائنا في كل شىء .
الحل ايه ؟ .. الحل " مشروع قومي إجباري لتهذيب الأخلاق .. على غرار مشروع محو الاميه "
لكن دة بقى إجباري .. زي التطعيم كدة وشهادة الجيش
انت بتدخل الجيش مش حباً في الجيش .. انت بتدخله علشان تقفش الشهاده وتقدر تشتغل او تسافر
المشروع دة بردو نفس الفكره
يتعمل دورات تدريبيه بأسلوب معين وتنظيم معين في كل المحافظات والمدن وعلى مراحل
يكون الهدف منه توعيه الناس بالاخلاق والسلوك الحضاري
ويكون حضور الدورات دي اجباري وببطاقة الرقم القومي
بعد انتهاء الدوره لكل شخص .. في امتحان .. للتأكد من ان اخلاقه وسلوكه اتحسن واستوعب العالم الجديد
نجح في الامتحان .. تضاف له الدرجه مع رقمه القومي
دي بقى الزاميه علشان يشتغل .. من غيرها محدش هيشغله .. وكل ما كانت درجته عاليه يبقى دة انسان هيريحنا مش هيتعبنا في الشغل
وتكون مطلوبه في كل حاجه في حياته .. زي البطاقه تماماً
يعني فتح محل عايز يطلع رخصه .. مطلوب شهاده الاخلاق دي
عايز يطلع رخصه عربيه او يبني بينت او يدخل ابنه مدرسه او يأجر شقه اوي اي حاجة في اي حاجه
لازم من ضمن الاوراق " شهادة الاخلاق دي "
وبكدة هنضمن ان العربجي اللي في الشارع .. يجري ويروح ياخد الدوره دي ويكون حريص على انه ينجح . لانه اجلاً ام عاجلاً هيحتاج يعمل مصلحه ويتطلب منه الشهاده دي
دي فكرتي واسف على الإطاله .. وانا شايف ان دة الحل الامثل لتعديل سلوك الشعب " لأن احنا شعب يخاف مايختشيش "
سبحانك ربي .. لا اله الا انت
رقم العضوية : 93531
تاريخ التسجيل : 05Apr2011
المشاركات : 2,095
النوع : ذكر
الاقامة : Cairo
السيارة: غير معروف
السيارة[2]: غير معروف
الحالة :
رقم العضوية : 132403
تاريخ التسجيل : 17Dec2012
المشاركات : 93
النوع : ذكر
الاقامة : القاهرة
السيارة: هيونداي
السيارة[2]: تويوتا
الحالة :
المشكلة ان حتى الفكرة دي هيكون عليها خلاف :) لان الاخلاق نفسها متفاوتة ومتغيرة من بلد لبلد ومن مكان لمكان ومن محافظة لمحافظة ويمكن من شارع لشارع !! :)
لكن الفكرة جميلة...صحيح انها يوتيوبيا شوية لكن مين عارف؟
اللهم أشهدك أني أحب آل بيت نبيك فأحشرني معهم يوم الحشر.
R0xer سابقاً...عشان نكون على نور :)
رقم العضوية : 93531
تاريخ التسجيل : 05Apr2011
المشاركات : 2,095
النوع : ذكر
الاقامة : Cairo
السيارة: غير معروف
السيارة[2]: غير معروف
الحالة :
لكن الآداب العامة والذوق متقاربين في كل حتة في الدنيا
تبتسم عامة، تهدي عشان تعدي اللي قدامك لو انت سايق وهو على رجله، تفضل ماسك باب الأسانسير بعد ما تطلع للي خارج وراك، ما تناديش على صحابك ولا تزمرلهم هي مكالمة دقيقة تنبهه ينزل، تنزل حطة الرجل على الرجل لو حد كبير جه قعد جمبك أو حتى معدّي، إلخ
لا إله إلا أنت. سبحانك. إني كنت من الظالمين
رقم العضوية : 132169
تاريخ التسجيل : 11Dec2012
المشاركات : 329
النوع : ذكر
الاقامة : الجيزة الهرم
السيارة: لانسر بومه
السيارة[2]: فيات 131
الحالة :
الفكرة صح و فعلا بقي فيه ناس تخرجكك من هدومك بتصرفاتها و إستهبالها في التعامل مع باقي الناس اللي حواليها.فعلا و الله مصر بقي فيها إنفلات أخلاقي.إنت صح بس تتنفذ إزاي مش عارف
رقم العضوية : 60755
تاريخ التسجيل : 02Feb2010
المشاركات : 469
النوع : ذكر
الاقامة : New Cairo
السيارة: Brilliance FSV M/T 2011
السيارة[2]: It was corolla 2000 1.3 L
دراجة بخارية: Don't have
الحالة :
الله يباركلك، انت قولت كل اللي في نفسي
أصل انا معبي عالاخر
لا اله الا انت سبحانك اني كنت من الظالمين
mahmos2000 سابقا
رقم العضوية : 27439
تاريخ التسجيل : 12Dec2008
المشاركات : 1,913
النوع : انثى
الاقامة : العبور
السيارة: ستروينc3 2007
السيارة[2]: ........
دراجة بخارية: لا يوجد
الحالة :
هى فكرة جميلة والمفروض ان وزارة التربية والتعليم هى المنوط بها الموضوع ده
لكن طبعا دلوقتى لابقى فيه تربية ولا تعليم
رقم العضوية : 63884
تاريخ التسجيل : 02Mar2010
المشاركات : 2,270
النوع : ذكر
الاقامة : cairo
السيارة: بارك الله فيما رزق
السيارة[2]: نيسان تيدا بلس 2010
دراجة بخارية: no
الحالة :
فكره ممتازه ياريتها تتنفذ
ودايما النجاح في الحياه بدايته حلم وراءه ناس عايزه تحققه
*اللهم اصلح احوال مصر واصرف عنها الفتن*
رقم العضوية : 1021
تاريخ التسجيل : 19Jun2007
المشاركات : 762
النوع : ذكر
الاقامة : القاهرة
السيارة: لا يوجد
السيارة[2]: Yaris 08\AT\HO
دراجة بخارية: لا يوجد
الحالة :
DreAmo بك
إذا لم ينجح معى الأهل
و لا التعليم
و لا الدين
و لا العقل
إذ أخفق أحدهم أو كلهم فى أن يعلمونى الأدب
و حسن الخلق
فلن أتعلمهم أبداً
و هذا معناه ان انا واد فهلوى و بُرم و حِرك و مطقطق
و اذكى اخواتى وافهمها و هى طايره و مخلَص وووو...
فرحان بروحى كده
و حاعيش و اموت وانا كده ...
رقم العضوية : 8131
تاريخ التسجيل : 29Mar2008
المشاركات : 1,056
النوع : ذكر
الاقامة : Cairo
السيارة: not avilable
السيارة[2]: Honda Civic 2008 F/A
الحالة :
مفيش فايدة في البلد ديه
المفضلات