الموضوع: وبدأ وجع الدماغ : استفسار عن حساس الفتيس الاوتوماتيك

بدات المشاكل ووجع دماغ العربيات اللي بكرهه وبعون همه وربنا يستر والموضوع يتلم على خير

الموضوع ببساطة كنت ماشي بالعربية في امان الله لانسر بومة 2007 1600 المهم كنت ماشي على ال D عادي جدا بدوس فرامل بهدي عشان مطب لاقيت العربية نتشت كده كام تنتيشة وقام الفتيس فاصل خالص لا D ولا Ds ولا اي غيار خالص حتى ال R مفيش قولت يمكن عملتها تاني طفيت العربية خالص وشغلت مفيش فايدة برضه فااااااصل مفيش فايدة تنقل ولا كاني عملت اي حاجة حتى ازود بنزين ولا الهو ولا بتتحرك

الموضوع ده كان حصل معايا قبل كده كذا مرة بس مش كتيير يعني وكان على فترات متباعدة ومكنتش بتنتش التنتيشة دي لما تيجي تعمل الحركة دي لأ كان بس بيفصل واطفي العربية واشغلها تاني الدنيا تزبط بس المرة دي عملتها معا تنتيشة قبلها وحلفت ماهي راجعة تاني

اه ولمبة ال D طبعا منورة وال N بتنور وتطفي

كنت كتبت عن الموضوع ده في موضوع سابق استشير فيه الناس
http://www.nilemotors.net/Nile/332106-n.html

السؤال دلوقتي هل ده ممكن يكون فعلا حساس الفتيس ده اللي اقترحه الميكانيكي وربنا يستر ومنعكش كتير هو الباشا هيبدا كشف النهارده عشان كنا بالليل متاخر امبارح وشد العربية بيتها عنده

المشاركة الأصلية كتبت بواسطة alkawther60

سالت فعلا كذا حد و قال انه هيكلف تقريبا 4500

خبطة في العظم يعني والله العظيم متشاءم اخر تشاؤم

ومازاالت العربية واقفة بقالها اسبوع شكلها كئيب والله بومة بومة يعني
اهو كده كده بجمع المبلغ
وصراحة خفت اصلحها عندي في المنوفية هشدها اوديها عند حد في مصر احسن

المشكلة خايف ادفع المبلغ الكبير اوي ده عليا وحد يعك ليا في العربية او يضحك عليا

السؤال عايز مكان مضمون اصلحها فيه ؟؟؟؟؟؟؟؟؟؟؟؟
ناس عماله تشور عليا اني انزل الحرفييين

ياريت النصيحة والمشورة من اهل الخبرة ؟؟؟؟؟؟؟؟؟؟؟

وخطر في بالي سؤال هو انا مينفعش احولها مانيوال وخلاص يكون ارخص شوية في السعر بدل ال 4500 دول

ياباشا طبعاً فداك اللي حصل واحسن من غيرها طبعاً بس خلي بالك الفتيس اعطاك انذار وحضرتك ماحطتش في بالك من التنتيشة اللي حصلت معاك قبل كدة ولمبة المور لما كانت بتنور وتطفي هو دة الانذار كنت فوراً سالت احد المتخصصين في الموضوع او توجهت للتوكيل مباشرة المهم علشان مااطولش عليك واحسسك بالذنب فداك الف مرة واحسن من غيرها .. ونصيحة اشتري فتيس اخو اللي كان في العربية علشان ماتقتلش العربية وموضوع الفتيس المانوال اولاً هايقلل من ثمن العربية ثانياً هايكلفك اكتر من الفتيس الاتوماتيك بتاعها لية .. لانك طبعاً هاتشتري بدالات جديدة وهاتشتري عددات جديدة وهاتغير حاجات كتير حضرتك في غني عنها فاالنصيحة اشتري فتيس اخو اللي كان راكب .. وربنا يوفقك لما فية الخير وربنا معاك ويعينك