معلومة جديدة وغريبة عليا عرفتها وأنا فى التوكيل - عاوز اتأكد

**ahmedbakr50** · 17-03-2013 09:49 AM

إمبارح كنت بعمل صيانة 30 ألف فى القطامية - والعربية لسه مكملة 3 سنين من إسبوع
المهم قرأت تنبيه مكتوب فيه إن طقم الكاتينة يتغير بعد 3 سنين أو 60 ألف أيهما أقرب
موضوع إنه يتغير بعد 3 سنين ده الجديدة عليا أنا أعرف إن معظم العربيات بتغير طقم الكاتينة فى صيانة الأ 60 ألف بغض النظر عن عد السنين
فسألت مهندس الإستقبال فقالى طالما عدى 3 سنين لازم يتغير ولازم فى أقرب فرصة
سألته التكلفة كام قاللى حوالى 1200 جنيه

إيه رأيكم فى الكلام ده؟؟

على فكره صيانة 30 ألف زيت وفلتر بس دافع 505 جنيه

**Land_Cruiser** · 17-03-2013 10:26 AM

الف مبروك علي الصيانه و بالنسبه لسؤال حضرتك اجابته ان كلام المهندس مضبوط.. أي قطعه غيار في العربيه لها معدل استهلاك اللي هو بيتقاس بعدد الكيلومترات المقطوعة مثلا و ليها كمان عمر افتراضي بتتغير خواص مكوناتها بعده و لذلك يجب ان يتم تغييرها و إلا أصبحت قطعه الغيار بعده عامله زي القنبله الموقوته ممكن تنفجر في اي وقت . المعلومه دي بتلغبط ناس كتير لان اغلبيتنا بيبص علي عدد الكيلومترات المقطوعة بس و ده مش مضبوط. يعني مثلا لو حضرتك اشتريت عربيه زيرو مشيت بيها الف كيلو و بعد كده رفعتها ٣ سنوات مثلا ترجع بعد كده تركبها عادي و تبقي تروح صيانه ال ٥ الاف اللي هي بعد ٥ سنين مثلا و العربيه زيرو ؟ اكيد لأ . او مثال تاني فرده كاوتش المفروض تتغير علي ٤٠ الف كيلو لو حضرتك استخدامك للسياره بسيط نقول مثلا ٥ الاف في السنه هل معقول انك هتمشى بيها ٨ سنوات ؟ اكيد لأ
ببساطه حضرتك خد ضمان العربيه نفسه مثال بيقولك ثلاث سنوات او ٦٠ الف كيلو ايهم اقرب و ده يشمل جميع المكونات و بتطمئن ان حالتها كويسه و ده بيبقي حاجه تقديريه للفني او تغير الحاجات اللي ممكن تعمل مشاكل توقف العربيه من باب الاحتياط و اللي منها سير الكاتينه

**ahmedbakr50** · 17-03-2013 10:33 AM

شكراً على الإفادة
ده على كده الواحد عاوز 4 فرد كاوتش كمان :(

**Land_Cruiser** · 17-03-2013 10:46 AM

المشاركة الأصلية كتبت بواسطة ahmedbakr50

شكراً على الإفادة
ده على كده الواحد عاوز 4 فرد كاوتش كمان :(

العفو.
بالنسبه للكاوتش يستحسن حضرتك تبقي تكشف عليه و تطمن ان النقشه بتاعته سليمه و ما اتمسحتش و انه مفيهوش تشققات او نشف مثلا و ده من باب الاطمئنان و نظرا لان المده مش طويله قوي كمان لان تلف الكاوتش بيبقي ليه مظاهر خارجيه للتلف و كمان لو النقشه ممسوحه هتلاقي الفرامل مش كويسه و العربيه ممكن تتزحلق مع الفرمله

**El Prince** · 17-03-2013 11:51 AM

بص يا باشا
انا غيرت سير الكاتينة و المجموعه للسيور كلها و4 فرد الكاوتش كمان معاه على 40 الف بعد 3 سنين استخدام بس

محدش فينا محتاج لسير كاتينة يتقطع يجيب طقم صبابات و لا فردة كاوتش تفرقع و يعمل حادثة
خليك فى الامان و المضمون يا باشا اللى هايوفرلك كتير و صدقنى راحة البال بكنوز الدنيا علشان ماتمشيش و انت مقلق
و ربنا يستر طريقنا جميعاً - آمين

**Egyzizo** · 17-03-2013 11:57 AM

أنا عربيتى عاملة 3 سنين ونص ، و62 ألف كيلو ..
وهارتب صيانة الـ 60 فى أقرب فرصة ان شاء الله لتغيير الكاتينة بناءاً على المعلومة دى.
شكراً.

**ahmedbakr50** · 17-03-2013 02:20 PM

ربنا يسترها علينا كلنا
خلاص إن شاء الله على صيانة 35 ألف هبقى أعملها

**smsm91158** · 18-03-2013 02:32 AM

هو سيرالكاتينة دا الى هو سير التقسيمة ولا ايه ؟؟؟؟؟؟؟؟؟؟ وشكرا

**Egyzizo** · 18-03-2013 02:43 AM

ايوه هو سير التقسيمة

**gebreel** · 18-03-2013 09:06 PM

هزود على كلام الاعضاء في ان سير الكاتينة عندنا كاوتش زي معظم العربيات و ده بعد فترة بيتشقق و يبدأ يضعف لحد لا قدر الله ما يتمزع خالص و دي كارثة لوحدها

بس هزود معلومة على السعر بتع صيانة ال60 و هو حوالي 2100 جنيه منهم بس 660 جنيه مصنعيات

الموضوع: معلومة جديدة وغريبة عليا عرفتها وأنا فى التوكيل - عاوز اتأكد

LinkBack

أدوات الموضوع

عرض

معلومة جديدة وغريبة عليا عرفتها وأنا فى التوكيل - عاوز اتأكد - انشر الموضوع فى :

-

-

-

-

-

-

المواضيع المتشابهه

معلومة جديدة في الجميلة byd-f3

والنبي تخشوا ومتبخلوش عليا بأي معلومة تفيدني

معلومة جديدة

اللى يعرف اى معلومة عن البوينتر ما يبخلش عليا؟

إلى نمور كيا....التوكيل عايز يغلي الأسعار عليا وأنا حاجز

الكلمات الدلالية لهذا الموضوع

المفضلات

المفضلات

ضوابط المشاركة