والنبي تخشوا ومتبخلوش عليا بأي معلومة تفيدني

**zastaffa** · 06-09-2011 06:57 PM

بصراحة كده من أولها ومن غير لف ودوران العربية سيات
أيوا هي المعفنه دي أم ماتور ورا صوته زي صوت الكروان!!!!
أنا مصيبتي كبيره أوي يا جدعان واتخرب بيت أهلي عند الميكانيكيه وكلهم .............. وبيدوني علي أفايا ويشئطوني لبعضيهم وبرضوا محدش قادر يعرف العيب فين بالظبط مع أني تقريبا غيرت معظم أجزاء الماتور ....دا غير أني كمان بفهم فيها وبحاول أجتهد وساعات كتير بصلحها بنفسي.......

مشكلتي أو مصيبتي بمعني أصح هي خروج نار من الشكمان لما بكون ماشي علي سرعة عاليه وأجي أشيل رجلي من علي دواسة البنزين باسمع صوت فرقعات متتاليه من الشكمان لدرجة أن أمبارح واحد عدي من جنبي وقالي بتطلع نار م الشكمان يا حمار!!!!!! وقام ضاحك وواخد بعضه وجاري!!!!!
الغريب في الموضوع ده أنها بتعمل كده لو كنت بجري جامد وشيلت رجلي من الينزين زي ماقولت بس لسه علي الرابع....لكن لو مورت ماتعملش كده وماسمعش صوت الفرقعة دي خالص!!!!!!!
دا غير أنها علي السرعات العاليه بتنتش فجأه وبدون أي مقدمات.....ولو قللت السرعه شويه النتشه دي تختفي....وساعتها أقدر أزود من تاني بل وأتجاوز السرعة اللي كانت بتنتش عليها بدون أي مشاكل!!!!!!!
أنا غيرت علبة الشكمان وغيرت دسك واسطوانة وبليه....وغيرت البوبينة بواحده روسي جديدة
وغيرت الابلاتين والكوندنسر والبوجيات وطقم أسلاك البوجيهات كمان
وفكيت وش السلندر وركبتله جوانين والحمد لله الوش نفسه كان سليم والخراط قاللي حرام أحطهولك تحت المخرطه لأنه نضيف جدا ومافيهوش الهوا!!!!!!!!

وضبط التاكيهات عند متخصص التاكيهات أياه اللي عند منزل كوبري مجري العيون ......منه لله!!!!!

وكمان غيرت الراديراتير بواحد نحاس 4ماسورة وركبت وراه مروحه 127كهربه

أما الكاربيراتير فخلعته خالص ونضفته وأديته هوا عند بتاع الكاوتش وغيرتله جوانات وبيكات ماعدا الاكس والباب مجتش جنبهم
علي فكره الكاربيراتير اللي راكب عندي بتاع عربيه 128 وحالته نضيفه جدااااااا

ياريت أي حد عنده معلومة تفيدني مايبخلش عليا بيها عشان أنا بجد خلاص حاسس أني هيجيلي أنهيار عصبي من كتر اللي بشوفه من العربيه المرووشه دي والميكانيكيه بحس أنهم شمتانين فيا وأسهل حاجه عندهم غير ده وجرب.....ولو فضل العيب موجود...ولا بيهمهم ويقولك جرب ده كمان وشوف كده!!!!!!!
وانا اللي عمال يتخرب في بيت أهلي لما شويه وهقعد أشحت بيها علي باب السيدة

الرجاء مراعاة الألفاظ
م ع 5
1213
0809

**ezzatfox** · 06-09-2011 08:02 PM

اسلوبك كوميدى اخر حاجة
مبدئيا هى مشكلة كهرباء و انشاءالله رجالة نايل موتورز يفيدوك اكتر .
بس بيتهيألى انى شفتك قبل كدة لان من حوالى شهر على الكورنيش فى شارع النيل و انا بعدى من عربية سيات لقيت قنبلة انفجرت جنبى و من الخضة كنت هخش فى الرصيف و استوعبت بعد كدة ان القنبلة دى طالعة من شكمان العربية ..

**samcar** · 06-09-2011 11:00 PM

فكرتنى بزميل لى - اول بخته فى السواقه ورغم اننا بوسنا ايديه يبعد عن العربيه دى - راح استرخص- كمان- واحده وجابها- وبقت مهمتنا - اننا كل شويه واحد منا يروح يقطره من مكان- وطبعا مع الوقت- وصل الحال مره انه جه الشغل دخل الاوده بتاعته وقفل على نفسه الباب وبعد شويه واحد زميلنا دخل عليه لقاه تقريبا بيعيط

بجد انا مش عارف صبر ايه اللى عندك ده خلاك تعمل فى العربيه الانتيكه ده كله - دى اصلا اخرها تمشى فى ملعب جولف ولا زى التوكتوك- ليه المصاريف دى كلها ؟؟؟- ما كنت تبيع وتشوف اى حاجه تانيه !!!!!!

واضح انها مشكله كهربا - جايز البوجيهات محطوطه بترتيب غلط- خالفه يعنى- بس ده يبقى ميكانيكى حمار لو كان ده السبب - لان دى اول حاجه مفروض يراجعها

النصبحه الوحيده اللى مفروض تتقال انك تبيعها على حالها وربنا يعوض عليك باحسن منها

**aboomar22** · 07-09-2011 12:00 AM

ريح دماغك وبيعها وارتاح من مصاريفها ودوشتها ولما ربنا يكرمك بكام باكو هات 127 او ماروتى

**إبراهيم المصرى** · 07-09-2011 12:12 AM

عايزه ميكانيكى كويس يظبطلها تقسيمة الكهربا كويس او يقسمها من جديد وجايز تكون محتاجه اسبراتير جديد او استيراد لان ممكن العمود يكون فيه رفه يخليه يعمل زى مبتقول

**zastaffa** · 07-09-2011 02:36 AM

المشاركة الأصلية كتبت بواسطة ezzatfox

اسلوبك كوميدى اخر حاجة
مبدئيا هى مشكلة كهرباء و انشاءالله رجالة نايل موتورز يفيدوك اكتر .
بس بيتهيألى انى شفتك قبل كدة لان من حوالى شهر على الكورنيش فى شارع النيل و انا بعدى من عربية سيات لقيت قنبلة انفجرت جنبى و من الخضة كنت هخش فى الرصيف و استوعبت بعد كدة ان القنبلة دى طالعة من شكمان العربية ..

يبقي هو أنت يا معلم اللي شتمتني
فعلا أنا طول مانا ماشي بفرقع
وبعدي من شارع كورنيش النيل في أتجاه المعادي حلوان كتير جدا
والجدع اللي شتمني من شهر كده كنا تقريبا في أول رمضان بعد الفطار بشويه
لأني ضربت بمبه في وشه بس غصبعني والله
سامحني يامعلم وحقك عليا

**hugan** · 07-09-2011 02:39 AM

هههههههههه
بيعها وريح دماغك والفرق في السعر بينها وبين ال 27 التوب مش كبير

**zastaffa** · 07-09-2011 02:54 AM

المشاركة الأصلية كتبت بواسطة ebrahemlaw

عايزه ميكانيكى كويس يظبطلها تقسيمة الكهربا كويس او يقسمها من جديد وجايز تكون محتاجه اسبراتير جديد او استيراد لان ممكن العمود يكون فيه رفه يخليه يعمل زى مبتقول

ودي حاجه برضوا تفوت عليا يا معلم؟؟؟؟؟؟؟؟
الاسبراتير بالرغم من أنه جديد زيرو ألا أني فكيته وأخدته عندي البيت وغيرتله......لا مش البامبرز
غيرتله أبلاتين وكوندنسر وأتأكدت من تمام أحكام الأكس داخل الظرف بتاع الاسبراتير
ألف شكر يا معلم علي مرور حضرتك ومواساتي في مصيبتي

**zastaffa** · 07-09-2011 03:03 AM

المشاركة الأصلية كتبت بواسطة hugan

هههههههههه
بيعها وريح دماغك والفرق في السعر بينها وبين ال 27 التوب مش كبير

لاااااااااااااااااااااااا ااااااااااااااااااااااا
كله ألا التوب
دي لا محصله 27 ولا محصله سيات
وعلي رأي حزلئوم في فيلم لاتراجع ولا أستهبال......
جيرمين ده لا محصل جيهان ولا حتي نرمين
ع الاقل السيات مشهوره وكتيره وزائعة الصيت ومعروف أنها في الأول والأخر سيات ومعظم قطع غيار ال127 بتركب عليها
أنما التوب دي قطع غيارها قليلة جدااااااااا وفتيسها ودبرياجها مش موجودين أصلا لأن فتيس ودبرياج ال127 والفيورا مابيركبوش عليها