الموضوع: كيفيه اعاده استخدام مبخر البنزين في محركات فولكس (بالصور)

بسم الله الرحمن الرحيم ..
مبخر البنزين او (الكونستر) charcoal conister في المحركات الحديثه ..بصراحه اللي قريته عنه انه بيعيد تكثيف بخار البنزين اللي خارج من المانفولد وتكثيفه واعادته للتانك ,بس اللي انا مقتنع به تماما انه بيوصل للكونترول صوره عن طبيعه الهوا اللي داخل لمانفولد السحب بعد تنقيته عن طريق ذرات فحم بداخله
واللي يعرف معلومه مؤكده عن طبيعه عمله يصلح لنا ..نيجي بقي ل...
اعراض المشكله ..
الكونستر ده جواه ذرات فحم بتنقي الهوا من الرطوبه (من خصائص الفحم) بتعمل له فلتره ,لما بيتسد او بيتكتم ,العربيه بترتبك علي السلانسيه والار بي ام يلعب تحت ال1 .وده اللي حصل معايا في عربيه اخويا
.لما سالت عن الكانستر ده لقيت سعره 550ج يعني شويه فحم مايعملوش تعميره بنص باكو فقلت احاول والارزاق علي الله ..علي فكره الموضوع ده برده موجود عندنا في محركات جي ام (اوبل) بس الحقيقه بشكل مبسط جدا وبرده باستخدام ذرات الفحم ..
والجماعه الاجانب بيقولوا it is not necessary to buy a new one
الادوات المطلوبه ..
مفتاح بيبه 10 + شويه جراه
الخطوات ..
-دي صوره الموتور اللي اشتغلت عليه اوكتافيا 4 اس ار

-المبخر هو العلبه السودا الطويله اللي بين قربه الميه وقربه المساحات


-هنفك الفيشه والخرطومين اللي جنبها بشدهم لاعلي فقط
-هنفك مسماري قربه الميه ومسماري قربه المساحات علشان نوسع لما نطلع المبخر ,تمام؟؟
-طلع المبخر معانا ,هناخده ع البيت علشان الشغل ده عاوز تركيز .
اقلب المبخر هتلاقي من تحت غطا كده خارج منه خرطوم ,فك الغطا عن طريق شده لبره

-هتلاقي تحته شبكه بلاستيك (صفايه) تحتها فلتر كتان
-خلص الشبكه دي ببوز سكينه رفيعه علشان تطلعها من مكانها ويطلع وراها الفلتر الكتان
اللي هتلاقي تحته ذرات الفحم


-طلع الفحم في طبق كبير هتلاقيه ريحته بنزين ,اللي هنعمله اننا هنحرق الفحم ده علشان نبخر منه
البنزين والرطوبه ونعمله ريفرش لاعاده استخدامه

- اااه في فلتر الناحيه التانيه لو حبيت تشيله طلعه عادي نظفه ورجعه تاني مكانه

-جمع الفحم في صينيه معدن وقرب منه الولاعه هيلقط نار (رجاء لو سمحت خلي بالك كويس جدا جدا من نفسك ومن المكان علشان الخطوره) قلب الفحم بمعلقه كبيره علشان اللي تحت يطلع فوق ,وممكن تعمله علي مرات مش مره واحده .. جهز جنبك فوطه كبيره مبلوله علشان وقت ماتحب تطفيء النار تحطها علي الصينيه من فوق.

-بعد ماتخلص تركب الفلتر الكبير لو كنت فكيته وتعبيء الفحم بعد تبخيره وتحط الفلتر الصغير الكتان وبعده تركب الشبكه البلاستيك اللي كسرناها من الاطراف وتثبتها تاني مكانها بامير وتقفل
الغطا اللي تحت ,ومبروك عليك ...




النتيجه ..
بصراحه التحسن كان بنسبه 85% من اصل 0%
يعني الار بي ام الحمد لله بقي ثابت والسلانسيه مظبوط لحد كبير جدا
++الموضوع ده هديه وعربون محبه لرجاله سكودا وانتظروا ان شاء الله مواضيع قادمه جديده