كيفيه استخدام فلتر سلك صيني

**khaled_sabry** · 03-10-2010 05:18 PM

السلام عليكم و رحمة الله و بركاته

انا اشتريت فلتر رياضى صيني ( ب 80 جنيه من السجان ) وركبته الناهرده

فكنت عاوز اعرف ايه طريقه الحفاظ عليه ... لأنى قريت فى المنتدى اننا المفروض نحطله زيت معين لأن الزيت ده هو اللى بينقى الهواء ... (لما سألت صاحب المحل قالى بتركبه و مابتحطش زيت و لا حاجه )
فازاى بحط الزيت ده ... وهل يمكن استبداله بزيت باور (حسب احدى الفتاوى اللى لاقيتها على النت) ؟؟
سؤال تانى معلشى
الفلتر اللى جبته فلتر سلك ... وقريت بعض الاراء اللى بتعيبه و بتقول انه ماينفعشى فى مصر
هل معنى كده انه محتاج صيانه بشكل مكثف علشان احافظ على الموتور بتاعى ؟؟؟ ... و لا لازم ارميه و اودع ال 80 جنيه و اشترى واحد تانى سيمونتا ب 140 جنيه
و كمان الفلتر ده لاقيت متركب حوليه علبه بلاستيك محيطه بيه من كل الجوانب ماعدا جزء واحد بس من قدام ... هل حيحصل ضرر لو فكيت العلبه دى ؟؟

**aYaBooY** · 03-10-2010 08:54 PM

نصيحة سيبك من الفلتر الرياضي انت مش راكب زيرو
خليك في الفلتر العادي بتاع العربية
علشان متزعلش انا كمان مش راكب زيرو

**محمد فريد** · 03-10-2010 09:10 PM

الفلتر الاسبور ولا هيقدم ولا هيأخر ولا هيعمل صوت من اساسه وهيخلى العربية رخمة معاك
نصيحة رجعه وخليك فى الاصلى وعربيته تويوتا قديم حلوة والله
-----------------------------
لو عاجبك وتمام السلك مبيتزيتش أصلا اللى بيتزيت اللى هو السيموتا مثلا وبيتزيت عن طريق دهانه بفرشاه مبللة بزيت باور بس لازم بعد فترة ميتوسخ تفكه وتغسله وتسيبه ينشف تزيته تركبه وهكذا

**khaled_sabry** · 04-10-2010 12:36 AM

المشاركة الأصلية كتبت بواسطة aYaBooY

نصيحة سيبك من الفلتر الرياضي انت مش راكب زيرو
خليك في الفلتر العادي بتاع العربية
علشان متزعلش انا كمان مش راكب زيرو

يا باشا مش زعلان .... ربنا يركبنا احنا الاتنين الزيرو ..... المشكله انى خلاص اشتريت و فى مرحله دلوقتى الاستفاده من اللى جبته علشان ماتبقاش فلوس و راحت فى الهوا

المشاركة الأصلية كتبت بواسطة محمد فريد

الفلتر الاسبور ولا هيقدم ولا هيأخر ولا هيعمل صوت من اساسه وهيخلى العربية رخمة معاك
نصيحة رجعه وخليك فى الاصلى وعربيته تويوتا قديم حلوة والله

انا مش عاوز صوت اساسا (انا بحب هدوء الموتور علشان اعرف انام براحتى

) انا جايبه علشان الفرق اللى بيقولو عليه فى القدره

على العموم انا ركبته الناهرده (ركبت الفلتر بتاع الانجكشكن على ماسوره بلاستيك واصله للكربراتير) و فيه فرق مش كبير بس ماقدرشى اتجاهله فى الاداء بصراحه
بس دلوقتى المشكله فى صوت نعره خشنه باينه اوى لما اقفل الزجاج و اشغل التكييف و عملتلى صداع الناهرده و انا راجع من الشغل
بس مش عارف هل الصوت ده من الفلتر و لا بسبب الماسوره مش متثبته كويس ولا علشان انا فكيت العلبه البلاستيك دى .... لسه حشوف القصه دى بكره

**windofchange** · 04-10-2010 02:50 AM

مبروك ياباشا يعني الحمد لله السحب زاد سنة والمفروض استهلاك البنزين يقل سنة قيس وشوف وصحيح هو ماركته ايه؟ ومبروك مرة تانية

**khaled_sabry** · 04-10-2010 09:53 AM

المشاركة الأصلية كتبت بواسطة windsofchange

مبروك ياباشا يعني الحمد لله السحب زاد سنة والمفروض استهلاك البنزين يقل سنة قيس وشوف وصحيح هو ماركته ايه؟ ومبروك مرة تانية

الله يبارك فيك ياباشا
هو صيني تحت السلم حتى البياع مديهولى بطوله كده من غير كرتونه و لا حاجه
بس بصراحه موضوع النعره ده لو ما اختفاش حرجع العمه القديمه مكانها علشان انا بصدع منها

**tamer_a7** · 04-10-2010 12:24 PM

باشا دي مش نعره دا صوت الفلتر بس علشان سحب الهوا في الكربيراتير اقل من الانجيكشن
فابيدي صوت زي النعره

**sansan** · 09-10-2010 09:08 PM

[QUOTE=khaled_sabry;3873095024]السلام عليكم و رحمة الله و بركاته

انا اشتريت فلتر رياضى صيني ( ب 80 جنيه من السجان ) وركبته الناهرده
مبروك اخي علي الفلتر بس ممكن حضرتك تقولي هو السجان ده فين في اقاهرة اصلي انا مش من القاهرة وهنزل قريب وعايز اشتري واحد واجربه