الموضوع: حل موضوع تيل الفرامل وصاجة التيل وتاخير قطع الغيار .. وازاى تطلب حل مشكلتك

دلوقتى انت معاك عربية نيسان
فى مشكلة عندك .. تمام محدش انكر

يبقا تعصب نفسك ليه طالما فيه ضمان
فى ضمان 3 سنين او 100 الف كيلو

يعنى لو صاجة التيل مظهرتش دلوقتى صوتها حتظهر بعدين
مش حنقول ان فى تعديل ولا الكلام ده
لكن بنقول ان فى ضمان

واكيد .. اكيييييد .. اللى عنده مشكلة صاجة التيل او فرامل سيئة بتظهر بدرى بدرى
واكيد مش حيعدى 30 الف كيلو او اقل الا لما يكون العيب ظهر
واكيد التيل بردوا لو وحش مش حيعدى ال10الاف كيلو وحيظهر
فاليه تقعد فى قلق .. وانتظار اخبار وتعليقات عشان حتعمل ايه وانت مفيش حاجة عندك

متقلقش

فيه ضمان .. وفى شركة محترمة .. مش مشكلة عندها تخسر فلوس المهم انها تكسب عملائها

وفى بدل مركز خدمة واحد كذا مركز خدمة .. عشان اللى يقصر فيه غيره
واكيد اللى بيقصر احيانا مش بيكون متعمد .. لان مفيش مركز فاتح بالملايين استثمارات وعايز يخسر
والدليل زى ما انتوا شايفين .. ناس مش عجبها السبع وناس بتشكر فى السبع
وناس عجبها اوتو .. وناس لا .. وناس عجبها مودرن حاليا وناس لسه مش عجبها

المهم اننا نوضح السلبيات .. يدون استهزاء وخروج عن النص .. طالما احنا اصحاب حق !

طيب ايه اخرت الكلام ده اللى بقوله ! وحل اى مشكلة تواجهنا .. واى سلبية وقع فيها المركز اللى بنتعامل معاه !

اقولكم

لكل مركز خدمة فيه مدير صيانة .. اللى اكيد اهم من خدمة العملاء
لو ليك مشكلة مع المركز اللى بتتعامل معاه .. اطلب تقابل مدير الصيانة لو ليك مشكلة كبيرة وفى حد قصر معاك

--------
طيب ايه حكاية مهندسين الاستقبال .. ليه مش بيردوا على التليفونات ! لان مفروض اللى يتابعك خدمة العملاء مش هما
ومهندسين الاستقبال مش بيردوا بسبب ضغط الشغل عليهم او بسبب ان قطعة الغيار لسه مجتش ولا وصلت او معاهم عملاء .. زى ما بتقعد معاهم ومش بيتركوا العميل ويردوا على عميل فى التليفون

طيب نعمل ايه

لو مهندس الاستقبال متصلش بيك .. اتصل انت بيه بعد المدة اللى قالك عليها ..ولو مردتش ابعتله رسالة .. او اتصل انت بخدمة العملاء وبلغهم .. و

ولو حتعمل شكوى .. ياريت تاخد رقمها .. عشان بردوا لو فعلا فيه تقصير حصل معاك

------
نيجى بقا الى موضوع تاخير قطع الغيار .. فيه ناس بتقول احنا اتصلنا بمراكز تانية ولقينا فيه قطعة الغيار .. ما يجبوها منه

حقولكم على حاجة

ممكن يجيبوا قطعة الغيار لو القطعة دى خارج الضمان .. والمركز حيدفع تمنها واكيد حياخد فلوسها من العميل ..
لكن لو قطعة الغيار فى الضمان يبقا لازم المركز يخاطب التوكيل الام .. ويقوله ان القطعة دى ناقصة عنده .. ساعتها المصنع بيكلم المراكز الاخرى وبيسال عليها للعميل .. ولو موجودة بياخدها منه وتروح للمركز اللى فيه مشكلتك .. واذا لم يجدها .. فالمصنع بيرسل لنيسان خارج مصر .. عشان يجبها .. وبردوا ساعتها القطعة بتتاخر .. طب ليه !
عشان مش بيرسلوا يجيبوا قطعة واحدة لعميل واحد .. بينتظروا بيجمعوا كذا اورضر او امر شغل لكام عميل بالمرة عشان تكون طلبية واحدة

-------------
كل اللى وضحته ده عشان ازاى تعرف تتعامل مع مراكز الخدمة
وكمان عشان ميكنش فيه قلق .. وتكونوا فاهيمين الدنيا ماشية ازاى

واتمنى يكون الموضوع فيه افادة للجميع

انا حبيت اتكلم لمصلحة الاعضاء وعشان نوعيهم .. ونفهمهم الدنيا ماشية ازاى .. وكمان عشان الناس تكون هادية ومش تقلق من حاجة .. وتفتكر ان بيتنصب عليهم فى حاجة .. وكل واحد له حق حياخده اكيد ..

واى مشكلة كبيرة لاى عميل .. يكلمنى فى التليفون وارقامى موجودة كلها فى الموقع .. وانا ساعتها حقف بنفسى وحطالب بحقكم .. لانك حقوق الاعضاء دول اخوانى واكيد امرهم يهمنى .. بغض النظر عن اى شيئ

تحياتى ليكم
وربنا يكفينا ويكفيكوا شر الطريق