الموضوع: حل موضوع تيل الفرامل وصاجة التيل وتاخير قطع الغيار .. وازاى تطلب حل مشكلتك

انا كان عندى مشكلة صوت التصفير فى العجل الامامى و الخلفى و فعلا حليت مشكلة الصاجة الخلفية فى اتوا ايجيبت و الصوت اختفى تماما لكن التصفير و الاحتكاك قدام زى ما هوا رحت اتوا ايجيبت امبارح ودة التقرير

http://imageshack.us/photo/my-images...407110734.jpg/

بداية شفة و ريجة بالطنابير الامامية اتوا ايجبت مبتضمنش التيل و الطنابير المصنع هوا المسؤال !!!!

المفروض دلوقتى انى استحمل صوت التصفير و استنى لما التيل يخلص و اروح اغير تيل و طنابير على حسابى فعلا توكيل محترم و حاصل على المركز الاول فى ارضاء العميل على مستوى الكرة الارضية او انى اجرى و راى شكاوى نيسان علشان يرضوى عنى و اصعب عليهم زى الحلات الكتير الى غيروا تيل و طنابير ارضاء عميل و لما اجى اغير التيل يعطفوا عليا بطنابير و كل دة لانى دفعت 112 الف فى عربية جديدة علشان ارتاح طبعا اتوا ايجيبت هتقول احنا بنفترى عليهم احنا كويسن و بعمل عروض و فى عندنا ايجبيات كتيرر احنا مقلناش حاجة تانية فعلا اتوا ايجيبت افضل من غيرة بكتير بس المفروض زى ما حليتوا موضوع صاجة التيل مع المصنع الى انت وكلاء لية و احنا ملناش اصلا اى حق للتعامل معاة كعملاء انكوا تتصرفوا و بسررررررررعة و و تشوفوا حل مع المصنع و تغيوا نوع التيل الزفت الهندى الى الجولد الى بخمسين جنية انضف منة 100 مرة و تغيرولنا التيل و الطنابير الى المصنع السبب فى بوظنها و عيب اوووى لما تتحجيجوا و تقولوا المصنع هوا السبب احنا مجرد وكلاء لن احنا مجرد عملاءءءءء ملناش علاقة بالكلام دة انا المهم عندى التيل ميصفرش و الطنابير تكون سليمة لانى دافع فلوس فى عربية جديدة و ليها ضمان انتوا الى اتعقتوا معايا علية مش المصنع

المشاركة الأصلية كتبت بواسطة shady_hamdy

المفروض دلوقتى انى استحمل صوت التصفير و استنى لما التيل يخلص و اروح اغير تيل و طنابير على حسابى فعلا توكيل محترم و حاصل على المركز الاول فى ارضاء العميل على مستوى الكرة الارضية او انى اجرى و راى شكاوى نيسان علشان يرضوى عنى و اصعب عليهم زى الحلات الكتير الى غيروا تيل و طنابير ارضاء عميل و لما اجى اغير التيل يعطفوا عليا بطنابير و كل دة لانى دفعت 112 الف فى عربية جديدة علشان ارتاح طبعا اتوا ايجيبت هتقول احنا بنفترى عليهم احنا كويسن و بعمل عروض و فى عندنا ايجبيات كتيرر احنا مقلناش حاجة تانية فعلا اتوا ايجيبت افضل من غيرة بكتير بس المفروض زى ما حليتوا موضوع صاجة التيل مع المصنع الى انت وكلاء لية و احنا ملناش اصلا اى حق للتعامل معاة كعملاء انكوا تتصرفوا و بسررررررررعة و و تشوفوا حل مع المصنع و تغيوا نوع التيل الزفت الهندى الى الجولد الى بخمسين جنية انضف منة 100 مرة و تغيرولنا التيل و الطنابير الى المصنع السبب فى بوظنها و عيب اوووى لما تتحجيجوا و تقولوا المصنع هوا السبب احنا مجرد وكلاء لن احنا مجرد عملاءءءءء ملناش علاقة بالكلام دة انا المهم عندى التيل ميصفرش و الطنابير تكون سليمة لانى دافع فلوس فى عربية جديدة و ليها ضمان انتوا الى اتعقتوا معايا علية مش المصنع

محدش رد عليا المفروض اعمل اية دلوقتى

المشاركة الأصلية كتبت بواسطة zambarota

السلام عليكم ورحمه الله

بالفعل مفيش حد بينكر مشكله التيل الرديئ لنيسان صنى ٢٠١٣

انا نفسى عانيت من المشكله والحمد لله غيرت التيل الامامي مجانا فى الضمان

بالرغم من ان صوت صفاره التيل بيعصب الواحد بس اعتقد فى مرونه فى التوكيلات فى تغيير التيل مجانا وفى حالات كتيره زي محضرتك قولت

وبرغم ايجابيات وكلاء ومراكز خدمه نيسان فان اي مشكله تقوم بمحو تاريخ من الخدمه المميزه لنيسان ووكلائها

نيجي بقى للحل الى حضرتك معقده خالص ومتعالي فى تنفيذه

حضرتك عندك حق فى ان مينفعش ان التيل والطنابير يتلفو بعد الف او ٥الاف كم

وطبعا فى اي مكان التيل والطنابير خارج الضمان

ولكن نحن هنا فى مشكله اسثنائيه ان تلف التيل والطنابير هو عيب صناعه وليس اجزاء استهلاكيه خارج الضمان

وعلشان تحل مشكله حضرتك ياما تروح تكلم اوتوايجيبت انك متمسك بتغيرهم فى الضمان بناء على الكلام الى قلته لحضرتك انه ده عيب صناعه لان التيل بيصفر وحضرتك لسه عامل ٥ الاف كم

يااما ترفع شكوي لنيسان ايجيبت بتوضح ليهم انك من اول استلام السياره وهي بتصفر وطبعا لما يردو عليك بانهم خارج الضمان تفهمهم انها عيب صناعه وليس سوء استخدام لاجزاء استهلاكيه خارج الضمان

ومتابع حضرتك للمستحدثات الوضع

شكرا لرد حضرتك بس بخصوص (معقده خالص ومتعالي فى تنفيذه )

انا اتصلت بنيسان مرتين و قلتلهم عاوز اعلم شكوى بلغونى انهم هيتصلوا بيا و محدش اتصل انا و لا معقدة و متعالى فى تنفيذة انا عملت كل الى حضرتك قلتة قبل كدا حولت مع المهندس مكنش عندة غير حل واحد انى استنا لما التيل الى بيصفر و استحمل تصفيرة يخلص و تكون الطنابير باظت و اغير التيل على حسابى و نبعت شكوى ساعتها للمصنع ان الطنابير محتاجة تغير على الضمان او انى اتصل بنيسان و دة حصل و محدش لسا اتصل بيا