عفشة الفورمان

**yassereiad** · 29-03-2013 09:03 PM

السلام عليكم
انا يا جماعة رايح بكرة ان شاء اللة اظبط العفشة بتاعن عربيتى اسكودا فورمان
انا رحت النهاردة اشتريت جوز مساعدين مايلى المانى ب 460 جنية
طقم بطاحات اصلى 40 جنية
حشو اسكترا وبستم ب 50 جنية
وير السرعة ب 35 جنية
انا عندى السكترا بتخبط والعفشجى هيفكها بكرة واتمنى ان الحشو والبستم يحلوا المشكلة لان الموجود فى السوق صينى وانا لية تجربة مع الاسكترا الصينى ركبتها فى عربية تمبرا باظت بعد شهر تقريبا والاستيراد مش مضمون
هركب بكرة ان شاء اللة واوافيكم بالتفاصيل
السلام عليكم

**sakr_skoda** · 29-03-2013 09:14 PM

ربنا يتم ليك على خير........*

**المنسي** · 30-03-2013 11:38 AM

ربنا معاك ومنتظرين تقريرك بعد الشغل فى العفشة وتقييمك للعربية بس ممكن بعد ماتخلص شغل عفشة تعمل ترصيص وظبط زوايا وبعدين اطلع جرب العربية

**yassereiad** · 30-03-2013 09:22 PM

المشاركة الأصلية كتبت بواسطة mostafa.ramdan

ربنا معاااااااااااك هتقضى يوم محترم عند الميكانيكى :)

المشاركة الأصلية كتبت بواسطة المنسي

ربنا معاك ومنتظرين تقريرك بعد الشغل فى العفشة وتقييمك للعربية بس ممكن بعد ماتخلص شغل عفشة تعمل ترصيص وظبط زوايا وبعدين اطلع جرب العربية

شكرا يا استاذ مصطفى
شكرا يا استاذ منسى وانا لسة راجع وكان يوم محترم

**yassereiad** · 30-03-2013 09:40 PM

السلام عليكم
انا رجعت من عند العفشجى
رحت الساعة 11 كان الباشا لسة موصلش كلمتة على الموبيل قال قدامة ساعة
المهم وصل الورشة وبدأ يحل المساعدين قدام وركب المساعدين الجداد والبطاحات الجديدة وقالى لو عاوز تعلى العربية من قدام هات علايات انا كنت عاوز اعليها رحت جبت جوز علايات 4 زنبة ب 15 جنية
وركب يا معلم العربية عليت تمام وبعدين حل الاسكترا وفكها وقالى ان المشرشر ناعم ومش هينفع ان نركب النستم والحشو وكمان بيض الطرف مش كويس قمت رايح على صلاح الدين جايب اسكترا تركى نوعها ساساكو ب 280 جنية من عند راشد فى صلاح الدين وقمت مرجع النستم والحشو
وركب الاسكترا تمام
وانا كان عندى خبطة فى قطمة الدركسيون قام جايب خراط وخد مقاس جلبة فيبر ب 20 جنية
وكمان حل المساعدين ورا لقى انهم شغالين قمت مركب علايات ورا ب 20 جنية واصبحت عالية من ورا والعربية شابة وضبط زوايا وان شاء اللة اجربها بكرة واقولكم النتيجة واخد مصنعية 250 جنية يا ترى كويس ولا كتير وشكرا يا جماعة الخير

**المنسي** · 31-03-2013 03:29 PM

المشاركة الأصلية كتبت بواسطة yassereiad

السلام عليكم
انا رجعت من عند العفشجى
رحت الساعة 11 كان الباشا لسة موصلش كلمتة على الموبيل قال قدامة ساعة
المهم وصل الورشة وبدأ يحل المساعدين قدام وركب المساعدين الجداد والبطاحات الجديدة وقالى لو عاوز تعلى العربية من قدام هات علايات انا كنت عاوز اعليها رحت جبت جوز علايات 4 زنبة ب 15 جنية
وركب يا معلم العربية عليت تمام وبعدين حل الاسكترا وفكها وقالى ان المشرشر ناعم ومش هينفع ان نركب النستم والحشو وكمان بيض الطرف مش كويس قمت رايح على صلاح الدين جايب اسكترا تركى نوعها ساساكو ب 280 جنية من عند راشد فى صلاح الدين وقمت مرجع النستم والحشو
وركب الاسكترا تمام
وانا كان عندى خبطة فى قطمة الدركسيون قام جايب خراط وخد مقاس جلبة فيبر ب 20 جنية
وكمان حل المساعدين ورا لقى انهم شغالين قمت مركب علايات ورا ب 20 جنية واصبحت عالية من ورا والعربية شابة وضبط زوايا وان شاء الله اجربها بكرة واقولكم النتيجة واخد مصنعية 250 جنية يا ترى كويس ولا كتير وشكرا يا جماعة الخير

المصنعية كتييييييييييييييييييييييي ر اما لو كان كمان غير المساعدين اللى ورا كان اخد منك كام
انا مغير 4 مساعدين وجوز مقصات كاملين بالجلب والبيض بتاعهم واسكترا ب 150 جنيه بس من فترة فما اعتقدش ان الشغل اللى هو عمله ياخد فيه 250 جنيه

**Mostafa.Ramdan** · 31-03-2013 11:10 PM

المشاركة الأصلية كتبت بواسطة yassereiad

هو انا حاسس انة كتير وانا عارف كدة لكن على فكرة هو حل المساعد الخلفى وحط علاية زى ميكون بيغيرة بالضبط نفس الفك والتركيب
واحد صاحبى غير عندة اربع مساعدين 160 جنية
وانا مرة غيرت اسكترا لعربية تمبرا واخد 100 جنية
على اى حل هو اخدهم وخلاص ومش هتفرق كتيير هو كمان انتظرنى لحد مرحت جبت الاسكترا من صلاح الدين ورجعت
المهم انا عندى بعد الشغل دة خبطة فى المطبات الصغيرة قلى ان دية بيضة المقص عاوزة تتغير فانا مش عارف اغير البيضتين ولا اشترى مقصين كاملين واريح دواغى ويا ريت تقولى المقصين اشتريتهم بكام ونوعهم اية
وشكرا يا باشا

مبرووووك يا باشا

المقصين جداد ب 110 الواحد استيراد من الحرفيين

-

الموضوع: عفشة الفورمان

LinkBack

أدوات الموضوع

عرض

-

-

-

-

المواضيع المتشابهه

مريات الفورمان

فارغة محرك الإسكودا الفورمان مشروخ ايه الحل؟

فارغة محرك الفورمان مشروخ ايه الحل؟

هل عفشة جين2 مطابقة عفشة بيرسونا؟

ازاى نعرف ان العربية محتاجة تظبيط عفشة او تغيير عفشة

الكلمات الدلالية لهذا الموضوع

المفضلات

المفضلات

ضوابط المشاركة