الموضوع: عفشة الفورمان

المشاركة الأصلية كتبت بواسطة yassereiad

السلام عليكم يا باشوات
انا النهاردة رحت لواحد عفشجى حبيبى قالى بلاش تجيب البيضة لوحدها لانها بتبقى متبرشمة مع ان انا اعرف انها بتتفور عند الخراط والبيضة بتتركب بمسامير هو قالى تعالى فى يوم ابقى رايق فية واحل المقصين واصلحهم ومرضيش يقولى ازاى هيصلحهم فيا ترى البيض بيتحشى ولا بيتصلح وانا اعمل اية الروحلة ولا اكبر منة واشترى وقصين جداد صينى
على فكرة انا مش مقتنع بالاستيراد فى حاجات العفشة جربتها قبل كدة فى عربيات تانى وعمرها مريحتنى وبحس ان انا بدفع فلوس فى حاجات خليع مستعملة واية بيبيعوها على انها اصلى وتمام وانت وحظك الاستيراد دة فى الموتور تابلوة- عدادات- شنطة-ابواب اى حاجة تكون ثابتة مش عليها حمل

انا شايف انك تجيب الحاجة جديدة ومتجيبهاش من النوع الغالى يعني مثلا فى صيني وتركى هات الصيني ليه انا بقول كده لان اى حاجة فى العفشة بعتبرها من المستهلكات وكده كده هتغيرها بعد فترة انا نفسي عملت كده لما كنت بشد العفشة جبت كله صيني وجيت عند الاسكاترا وقلت لا دى اجيبها المانى وبردة خدت وقتها ودلوقتى اهو مبوشة وسايبها لغاية اما اشوف اعمل فيها ايه