الموضوع: الى ملاك الجوك و القشقاى...الفتيس ال xtronic cvt ما له و ما عليه؟

المشاركة الأصلية كتبت بواسطة meggieboy

انا زميلكم من قسم رينو و كنت بفكر اشترى الفلوانس الجديده
طبعا زى ما حضراتكم عارفين أن الفلوانس الجديده نازله بفتيس جديد xtronic cvt و طبعا ده نظام مختلف تماماً عن الأوتوماتيك العادى.....النقلات فيه ملهاش عدد محدد لانه عباره عن ٢ طاره متصلين بسير معدن و شكلهم من الداخل حرف v و السير بيتحرك عليهم نزولا و صعودا.
نيسان من أوائل الشركات اللى استخدمته فى سياراتها و شغاله بيه حاليا فى غالبيه سياراتها

مميزاته:
سلاسه رهيبة فى النقل و لا كان العربية بتنقل.....لا يوجد إحساس بالغيار نهائى
اقتصاديه عاليه فى استهلاك الوقود
أقصى عزم للموتور متاح عند كافه السرعات
تسارع عالى للسيارة
مفيش الdown shifting اللى كانت بتعمله الميجان لما كنا ندوس فرامل علشان تساعد فى الفرمله

عيوبه
عدم الإحساس بالغيار يفقد متعه السواقة بالنسبة للسواق المحترف أو المحب للشد
صوت مختلف/عالى من الفتيس
لا قيمه للrpm لمعرفه تغيير الغيار
إحساس مختلف عن سواقه الأوتوماتيك


يا ريت اللى جرب الفتيس ده قبل كده يقولى ايه الأخبار و إحساسه من حيث التسارع و التجميع و العزم و خلافه

الفتيس نازل فى الجوك و المورانو و الالتيما و الفيرسا و القشقاى و كتير من سيارات نيسان الحالية

يا ريت متبخلوش عليا بتجاربكم

انا لسه راكب العربية الفلوانس الشكل الجديد من اسبوعين تقريبا .. التسارع من السكون فعلا بطيء بالمقارنة بالمواتير الكوري .. لكن غير كده مافيش اي ملاحظات سلبية الواحد واخدها علي العربية .. ما الاخذ في الاعتبار اني اول مرة اركب سيارة اوروبي كل اللي ركبته قبل كده كان كوري