الموضوع: كرهت الفليشيا وخلاص شكلي هبيعها

المشاركة الأصلية كتبت بواسطة aw2100

كلنا صرفنا على العربيات دى اول ماشتريناها ليه؟
العربيات الفليشيا عربيات قوية جدا اللى خلى اصحبها بخلوا عليها لانها بتمشى مع اى حاله حتى لو بتطلع فى الروح بتفضل ماشية وطبعا موديلات 95 / 2000 قديمة ومع عدم تغيير اى حاجة فيها كل ده بيطلع علينا احنا مثلا عربيتى انا اشترتها ب 28000 جنية فبريكة برة وجوة ومارشتش حتى تحت الرفارف وحوض الموتور مافهوش اى صداء وكل حاجة فيها فبريكة مفيهاش مسمار اتغيير نهائى وصحبتها ست زوجه قاضى وكان عددها عامل 160000 ك تخيل عربية ماشية كل ده وماتغيرش فيها مسمار وطبعا صاحبت العربية لما تعبت ركنتها لمدة 5 سنوات فى جراج من سنه 2006 علشان اشترت عربية زيرو وطبعا اخوك لما اشترتها غيرت حاجات كتير وكان الميكانيكى بيستغرب ازاى دى ماتغيرتش قبل كده والمحصلة صرفت عليها برش بوية نظافة حوالى 8000 جنية على مدار 12 شهر طلعت عينى كل شهر حدوته وماشاء الله دلوقتى بقت تحفة فاضل فيها فرش الصالون يتنجد بس اصبر شوية عليها وقرب منها وحتديك خيرها ان شاء الله اهم حاجة تتابع صنيعى يكون متخصص سكودا وتعمل ليها طقم صيانة فلاتر وزيت فتيس شل 80/90 وتغير زيت الفرامل بزيت dot.4 شل واهم حاجة تحط مية حمراء فى الرادياتير بعد غسيل دورة التبريد اى نوع بس انا انصحك ب توتال 33% تركيز والعربية الجديدة زى الزوجة الجديدة بتاخد وقت عبال ماتخدوا على بعض وهى زى الستات لازم تعكنن عليك كل شوية كل دة طبيعى مبروك على العربية !!!

ده انت طلع عينك ياراجل
بس الحمد الله انها ظبطت معاك وجات معاك بفايدة في الاخر
والف شكر على الرد والنصائح وان شاء الله اعمل بيها

المشاركة الأصلية كتبت بواسطة egyptiandiver

مبروك...

الله يبارك فيك يا جميل

المشاركة الأصلية كتبت بواسطة ahmed metwaly

صدقني اصرف علي العربيه دي هتلاقي بعدين
انا صرفت عليها اول ما جيتها قعدت 4 سنين بدغدغ مش بركب زي الناس اقسم ليك بالله كنت بدغدغ شوية وكنت همشيها علي صغور بس الكوتش مكنش مساعد

والله في مصر بتسوق حلو بتسوق وحش كده كده بتدغدغ داحنا شوارعنا ملهاش حل

المشاركة الأصلية كتبت بواسطة المنسي

عرفت بقى لما قلتلك العربية اخرها ميكانيكى بيفهم .... مبروك العربية عليك وربنا يديك خيرها ويكفيك شرها بس ليا طلب عندك لما مشكلة تقابلك اعمل بيها موضوع هنا واحنا نحاول نقول لك على سبب المشكلة

ربنا يخليك وشكرا على نصيحتك انا ناوي اكمل مع الميكانيكي ده ان شاء الله
لان الشغل اللي عمله ظبط فعلا العربية وبقالها 3 ايام كويسه وسافرت بيها امبارح
انا ظهر عندي مشكله بس ان الدريكسيون مابقاش بيقفل مش عارف ده عيب ايه

المشاركة الأصلية كتبت بواسطة المنسي

انا مش قلتلك العربية عايزة ميكانيكى بيفهم .... مبروك عليك العربية وربنا يديك خيرها ويكفيك شرها وان شاء الله مش هيبقى فيها حاجة تانية

ان شاء الله يا باشا والف شكر على النصيحة والمساعده

المشاركة الأصلية كتبت بواسطة a_baidak

وحده وحده ان شاء الله هتتظبت معاك وتبق زي الفل باذن الله
ومبرووووووووك عليها يا معلم

ان شاء تظبط والله يبارك فيك يا جميل