الموضوع: مقارنة مهمة

المشاركة الأصلية كتبت بواسطة Mr_SelvesteR

معلش انا زهقتكو معايا بس المقارنة دي مهمة بالنسبالي علشان اوضح لنفسي مفاهيم كتير واعرف انا الي صح ولا ناس تانية

المقارنة ما بين
bmw e46 316
mazda 3 2008 ...2009
lancer shark 2008...2009
corolla 2007

المقارنة ما بينهم من حيث السحب والاداء والتسارع والاعتمادية والثبات
يا ريت محدش يبخل عليا
وكل واحد يشرحلي بالتفصيل انا عارف انكو معلوماتكو اكتر مني

انا حتطوع وحقولك اهمميزة واهم عيب من وجهة نظري وانت قارن

bmw e46 316

واضح انك ميال ليها لانها اختيارك الاول بس ما علينا
نبدا بسم الله

اهم ميزة:
انها BMW طبعا
اعتمادية عالية وقطع غيار رخيصة

اهم العيوب:
موديل قديم " نسبياً" مع اني بحب شكل العربية دي جدا جدا




mazda 3 2008 ...2009

اهم ميزة:
عربية حديثة - شكل حلو واسعة جدا واوسع من ال BMW
اعتمادية عالية - ياباني بالكامل - استهلاكها للبنزين كويس


اهم عيب:
عفشة لا تصلح للطرق المصرية وحتكلفك صيانة كتيييير علي المدى البعيد وطبعا واطية وحتحك منك في المطبات
بتخسر كتير عند اعادة البيع



lancer shark 2008...2009

اهم ميزات:
شكل عصري جميل وتعتبر سيارة جديدة لان الشكل مكمل لحد دلوقتي
ياباني وموفرة - سحب رهيب وثبات معقول علي الطريق


اهم عيوب:
اسعار قطع غيار غالية "نسبياً" لكنها متوفرة بكثرة - صاج العربية ضعييييف زي كل الياباني بس الضعف زيادة شوية



corolla 2007

اهم الميزات:
العربية دي متينة جدا جدا جدا ما شاء الله من انجح عربيات تويوتا (واحد صاحبي كان معاه واحدة وباعها وركب كرولا 2011 بعد 6 شهور باع الجديدة ورجع اشتري 2007 تاني)
استهلاك بنزين خرافي بتشم بنزين 5.6 لتر / 100 كم في الطوالي
عربية ياباني قطع غيارها ارخص من الكوري واعتمادية عالية جدا وسحب جميل علي حجم العربية طبعا مش زي اللانسر بس احسن من عربيات كتيييير


اهم العيوب:
انا مش لاقي للعربية دي اي عيوب (من وجهة نظري) غير انها موديل 2007 طبعا فيها عدد من المحركات من اول 1300 وانت طالع وده محتاج انك تكون فاهم وانت بتشتري


ارجو اني اكون افدتك
تقبل تحياتي