الموضوع: مقارنة قديمة جديدة

السلام عليكم ورحمة الله وبركاته
هى مقارنة اتناقشت فى المنتدى من 6 شهور تقريبا لكن معظم الردود وقفت على فروض لإمكانيات وأخبار مكتوبة. دلوقت يمكن الأمور أوضح لأن الموديلات نزلت السوق وبعضها فيه ناس فعلا جربتها وسألت عليها كتير.
المقارنة بين السكودا الأوكتافيا 2013 tsi (تربو, 122 حصان, dsg, أول فئة ب208 ألف, تجميع تشيكى), الهوندا سيفيك 2013 (شكل أحسن نسبيا من 2012, 140 حصان, أول فئة ب193 ألف, تجميع تركى), الأوبل أسترا (أول فئة ب170 ألف, 115 حصان, تجميع بولندى), سوبارو إمبريزا (171 ألف, يابانى, 118 حصان), ثم الفلوينس الهاي لاين (185 ألف, تجميع أظن تركى, 110 حصان).
السكودا عجبانى جدا لكن الdsg والثمن الأعلى واحتمال اكتياجها لبنزين 95 مخوفنى.

شيل السوبارو من المقارنه لأن لو حصلها اى مكروه هتزعل جامد وانت دافع مبلغ ف عربيه تخدمك مش انت اللى تخدمها وتجرى ع المحلات والميكانيكيه.
انا لو منك احصر التفكير بين سكودا والهوندا..عربيات ليك وللسوق وللزمن ويوم ما تحب تغيرهم هتلاقى اللى يتمنى انك تبيعله
لو انت شاب وبتحب الجرى يبقه الهوندا..لو عاوز حاجه برستيج وعائليه وكده تبقه السكودا اختيار موفق ان شاء الله بس هى فعلا لازملها بنزين 95
ومبروك مقدما :)