الموضوع: كنت امبارح فى انترفيو - ياريت اخوانا المبرمجين ينضمو لينا

انت مش مطلوب منك تكون بتعرف تستخدم الباور بوينت أصلا ولو هتكتب اللي هوه طلبه على نوت باد المفروض ميعترضش وبصراحه طلبه غريب. طب شوف برضه هل الشركه (بعد ما دخلتها وخدت فكره عن المتوى جواها) تستاهل انك تعمل الموضوع ده؟ طب كده انت عديت المستوى الاول وموضوع الباور بوينت ده هيكون المرحله التانيه ولا ايه موقفك دلوقتي؟

بص يا سيدى .... انت رايح تشتغل صح؟ عايز تشتغل ولا لأ؟
اكيد عايز تشتغل .. فلو الراجل طلب منك تروح تذاكر ال compiler و ترجعله تانى هتعمل كده ولا لأ حتى لو انت متاكد مليون الميه ان البرامج اللى هتعملها ملهاش علاقه؟؟؟؟ اكيد هتذاكر و ترجعله ...
الشخص او المدير اللى بيعمل انترفيو بيكون عنده حاجات محتاج يتاكد منها و مش بالضروره يكون اللى رايح يعمل الانترفيو متخيلها فبالتالى لب الموضوع هو سؤالى اللى فى الاول... عايز تشتغل ولا لأ؟ :) و بعدين الراجل ده اكيد مش غاوى تضييع وقت لو فعلا الطلبات ملهاش دعوه بالشغل .... ولا ايه؟

انا بعمل انترفيوهات ل sofware developers من اكتر من 5 سنين و مش هتتخيل انا ممكن اسالهم فى ايه او اطلب منهم presentation او project على حاجات ممكن يبان ان ملهاش دعوه بالوظيفه بس اكيد مش بغلس عليهم او غاوى تضييع وقت و بيكون ليها فايده عندى و بتفرق فى اغلب الاحيان انى اختار شخص عن التانى بناء على الحاجات دى

المشاركة الأصلية كتبت بواسطة أحمد كمال

ده تفكير منغلق و داخل الصندوق


يعني لو اتعينت ديفيلوبر و كبرت شوية و عايزين يخلوك تيم ليد و هتقابل العميل تعمل له بريزنتيشن عن مرحلة من مراحل البروجكت هتقول له ماليش في الباور بوينت هاعملها نوت باد

قبل ما أكتب ردي قريت كلام صاحب الموضوع كويس وهوه مركز على "التيتل" والانترفيو بخصوص تايتل معين ليه متطلبات معينه يعني لما بعمل انترفيو معينه لموظف النهارده بقيمه على أساس التيتل اللي هوه هياخده النهارده مش أكون بعين مندوب تسويق واطلب منه مهارات regional marketing manager وأقول ده لو بعد 15 سنه بقى في التيتل الفلاني هيعمل ايه. هوه النهارده هيشتغل بمهارات النهارده في وظيفه النهارده ومع الوقت مهاراته هتطور ووقت ما أبقى محتاجه في تيتل تاني هقيمه وقتها هل هوه مناسب للتيتل الجديد ولا هوه لسه واقف مكانه متطورش.

وعلى فكره تنفيذ البريزنتيشن ده شكل سكرتاريه لأن المدير بيكتب السكريبت بس والسكرتاريه هما اللي يحولها لبريزنتيشن. اللي ممكن أتكلم مع المدير فيه هل هوه عنده القدره على شرح وتوصيل المعلومه او الفكره ولا لاء.