الموضوع: أوصيكم ونفسي بالسائل العجيب ده

أعضاء اسكودا الكرام كنت بفول العربية امبارح من محطة موبيل اللي في الابراهيمية على البحر ولقيت كل عربية داخلة تسأل على السائل اللي محطوط فوق مضخة البنزين وعلى طول الراجل يحطه قبل ما يفول اي عربية الكلام ده لحوالي خمس او ست عربيات ما بين حديث وقديم

فقولت اسأله طلع منظف انجكشن وانا كاربرتير بكام يا عم ب25 فبصراحة العربية الفترة اللي فاتت كان استهلاك عالي وتنظيف كابرتير ونتش وتغيير سلوك بوجيهات وحاجة ما يعلم بيها الا ربنا فقولت اتوكل واجرب

وسبحان الله ينقلب حال العربية وطبعا مننساش تعديل البوابة المهم جدا والقي سحب رائع مفيش نتش لا العربية باردة ولا سخنة ولا في اي وقت ده حتى صوت الموتور هدي

مع العلم أنا بحط بنزين 92 الله يخربيت اللي بيغشوا فيه ومحافظ على توقيتات تغيير وتظيف الفلاتر والبوجيهات فالحمد لله على كل حال

السائل اسمه abro fuel injector cleaner العلبة السوداء عشان ليه انواع تانية اغلى

دي تجربة يومية حياتية بين الأعضاء المحترمين ولا عزاء للحاقدين المستفزين

للاسف انا معرفش في موضوع الرشاشات خالص بس أكيييد أعضاء القسم الكرام عندهم فكرة وان شاء الله تكون الفائدة عامة