الموضوع: تحسين أداء الفلشيا

المشاركة الأصلية كتبت بواسطة عبدالرحمن-جبر

أنا عربيتي فليشيا 96 lx وبحبها الحمدلله بس كنت عايز ارفع اداها شوية و اظبطها
1- عايز اركب فلتر هوا سبور و ده المفروض يرفع أداء العربية من 5-7 حصان
عايز أعرف يركب بسهولة وهل يعمل مشاكل ؟؟
بفكر أحط نوع زيت تاني يحسن أداء الموتور أنا بحت شل أحمر أحط زيت إيه أنا متوري حالته كويسة الحمد لله
2-عايز اركب بوجيهات 3 شمعة
هل فيه فرق بينها و بين البوجهات العادية هل هشعر بفرق ؟
عندي بقى المية كل يوم الصبح بزودها ساعات بحط لتر وساعات بافتح بلاقيها مظبوطة بس لازم أشوف كل يوم قبل ما التحرك و وش السيلندر سليم ومش بتسخن(تحت أسوأ الظروف بتعدي ال 90 بـحتة صغيرة وانا مش عامل أي تعديلات غير إني حاطط ثرمستات 68-82 و لسة جايب رادياتير جديد فيكا بـ 200 جنيه بس أموت وأعرف المية بتروح فين
3- أنا كنت عايز اركب تكييف للعربية عشان الجو اليومين بطلع من العربية ضهري مبلول و شكلي خارج من خناقة
هيتكلف كام جديد و مستعمل ؟ و هل هيبقى حلو ؟؟
4- العربية عندي فوق ال 130 مفيش سحب خالص أنا بجيب 130 عال 4 اديها 5 مفيش وبأبقى كابس بنزين الموتور مش بيعلى أصلا
5- عايز أجيب عدد فيه rpm بس مش عايز اعك يعني التابلوه هيركب تاني زي ما كان وهيتوصل من غير مشاكل

نورت القسم انا باذن الله حرد على حضرتك فى اللى اعرفة....

اولا بخصوص الفلتر اعتقد مش حيغير عندك كتير ممكن تنفذ التجربة اللى فى الموضوع دا حتحس بفرق فعلا....

http://www.nilemotors.net/Nile/357220-17.html

ثانية : بوجيهات 3 شمعة مبتفرقش عن الشمعة الواحدة بس تشتريها من توكيل معتمد بلاش تشترى بوجيها من السوق لأن المضروب مشاء الله ملى البلد....

ثالثا :بخصوص نقصان المية عاوزك تدور العربية وتفتح الكبود وتزود بنزين من الكسرتير وتبص على القربة وغطاء القربة ووصلات الخراطيم وبص كمان على الماسورة اللى رايحة لطلومبة المية لو تمام يبقى عاوزك تتابع مكان ركن السيارة تبص تحتها فى تسريب ولا لاء وإن شاء الله ربنا يعطرك فى مكان التسريب لأن كان عندة واكتشفتها انى دورت العربية وفتحت الكبود وزودت بنزين من الااكسرتير مهم جدا فوجدت نافورة مياة رفيعة جدا تخرج من اعلى جسم القربية....*


رابعا: بخصوص التكيف ما انصحكش بيه حيعمل مشاكل كتير....

خامسا: فقدان السحب بعد ال 130 معتاه ان البوابة الثانية فى الكاربرتير لا تفتح ودى حلها عمل صيانة للكاربرتير عند متخصص محترم...


بخصوص عداد الأر بى ام عادى ممكن تجيبة وتركبة بس حتغير الطابلوه بالكامل ومش حيسبب اى مشاكل.