ربنا يباركلك فيها
رقم العضوية : 133886
تاريخ التسجيل : 23Jan2013
المشاركات : 641
النوع : ذكر
الاقامة : Giza
السيارة: Citroen C4
السيارة[2]: Honda City
الحالة :
ده أول تقرير أعمله فى المنتدى هنا فا معلش لو فيه عك استحملونى شوية...
قررت أروح أعمل صيانة ال 90000 رغم ان العربية لسة 88500 و أنا لسة فى الامتحانات بس قلت الواحد مش ضامن ظروف الشغل بعد ما أخلص و ممكن مبقاش فاضى...
المهم ندخل فى الموضوع العربية كانت محتاجة بالاضافة للصيانة ، تغيير تيل خلفى و ده كنت عرفته ساعة ما كشفت عليها من شهرين فى عز العرب ده بالاضافة انها كانت بدأت تصفر و لما أجى أفرمل و الصفارة جاية من ورا ، و كان فى مشكلة تانية ان الجلد اللى حوالين الزجاج الأمامى فاكك من تحت عند التوربيدو على طول...
استقبلنى المهندس هشام ، شخص محترم جداً و سمع كل ملاحظاتى ، كانت حوالى الساعة 10 صباحاً يوم الخميس ، قاللى يمكن العربية تأخر شوية عشان انهاردة فى زحمة شغل عشان الخميس و اخر الأسبوع (و أنا أصلاً معادى كان 9 صباحاً بس المحور عطلنى عشان كان عليه حادثة) ، قلتله هتخلصوا امتى طيب يا بشمهندس ده أنا عندى امتحانات و متنيل بنيلة و بتاع ، قاللى على 5 العصر للأسف ، قلت ماشى ما باليد حيلة ، بس ياريت لو فى فرصة يبقى بدرى شوية يكون أحسن ، و استلم العربية...
و أخدت كتبى و رحت أتزاول شوية فى دندى مول و قلت أذاكر شوية فى سيلانترو على ما البهوات ينجزوا ، على 4 الا ربع كده كلمنى و قاللى العربية خلصت قلت كويس و فى خلال 10 دقايق كنت عنده (المشى من دندى لحد عز العرب فى الصحراوى على رجلك شئ مزعج فعلاً بسبب التريلات )...
قاللى الصيانة اتعملت و تم تغيير: زيت المحرك ، كل الفلاتر (فلتر زيت ، فلتر بنزين ، فلتر هواء ، فلتر تكييف) و البوجيهات و مياه المساحات و مياه التبريد ، و تم زيادة زيت الفرامل عشان كان ناقص ، و تم تربيط العفشة ، و غسيل السيارة داخلياً و خارجياً ، ده بالنسبة للصيانة ، بالنسبة للتيل تم تغييره و التوربيدو رفعهولى لفوق شوية عشان كان ساقط لتحت و عشان كده الجلد فك من تحت ، و كان فيه لمبتين فوانيس فوجات و لمبة النور الكبير محروقين غيروهم...
بعد التجربة صوت الموتور بقى أهدى بكتير (زيت موبيل 1 اللى كان فيها زفت بقى على كده) ، الصفارة مع الفرملة راحت بعد تغيير التيل ، التكييف بقى أحسن بشكل ملحوظ و محتجتش و أنا مروح انى أعلى عن تانى Level (التكييف عندى 8 Levels ) مع العلم ان العربية كانت قارية حرارة خارجية 37 مئوية ، التوربيدو اترفع فعلاً بس حالة الجلد مش عاجبانى فا شكلى هغيره كله بقى المرة اللى جاية ان شاء الله...
طبعاً زى أى توكيل الحاجات القديمة اللى اتغيرت كلها لاقيتها محطوطة فى علب الحاجات الجديدة و محطوطين فى شنطة العربية
و دى أسعار الحاجة اللى اتغيرت (غير شاملة الضريبة بتاعة المبيعات):
زيت محرك (توتال 9000 ) 310
4 بوجيهات 192
فلتر زيت 52
فلتر هواء 91
فلتر بنزين 55
فلتر تكييف 119
زيت الفرامل 12
مياه المساحات 25
مياه التبريد 4 لتر 90
ده بالنسبة للقطع اللى اتغيرت فى الصيانة ، الحاجات الاضافية بقى اللى تم تغييرها:
تيل الفرامل الخلفى 279
اللمبتين بتوع الفوجات الواحدة ب 7
اللمبة بتاعة النور الكبير 46
اجمالى المصنعيات بتاعة الصيانة زائد تغيير التيل الخلفى و لمبتين الفوج و لمبة النور الكبير 550
و عملولى خصم 7.5% على المصنعيات و قطع الغيار..
اه صحيح للناس اللى مش عارفة ، العربية سيتروين سى 4 2007
بس كده ، و أقعدوا بالعافية
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
ربنا يباركلك فيها
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 128895
تاريخ التسجيل : 23Aug2012
المشاركات : 619
النوع : ذكر
الاقامة : suez
السيارة: كده رضا
السيارة[2]: VAZ-107
دراجة بخارية: no
الحالة :
مبروك وعقبال صيانة المليون وربنا يكرمك فى الامتحانات
انه من يتق ويصبر فان الله لايضيع أجر المحسنين...
رقم العضوية : 3203
تاريخ التسجيل : 14Nov2007
المشاركات : 166
النوع : ذكر
الاقامة : Cairo
السيارة: no second car
السيارة[2]: Daihatsu Terios 2
دراجة بخارية: no
الحالة :
الف مبروك يا باشا و بعدين ماهو توكيل زى اى توكيل اهوه و زى الفل. اومال الناس عماله تتكلم عليه وحش ليه مش فاهم. المهم تلاقى الناس اللى معاها ستروين ومجربه التوكيل هى اللى بتشكر و تلاقى ناس مش معاها و عماله تفتى انه وحش بالسمع (أنا عارف حوار البروتون ده) بس تسأله على ستروين يقولك برده زفت. لو الشعب ده يبطل فتى هيرتاح و يريح!!!!
mohamed
رقم العضوية : 13812
تاريخ التسجيل : 28Jun2008
المشاركات : 2,513
النوع : ذكر
الاقامة : Nasr City
السيارة: .
السيارة[2]: ,
الحالة :
الف مبروك يا باشا و عقبال صيانة الـ ds5 ان شاء الله
و الموضوع دا بعد اذنك انا بهديه لكل اخواتنا اللى بيقولوا ان اسعار قطع غيار الفرنساوى مولعة و ان التوكيل حرامى
اهى ديه اسعار من التوكيل نفسه و لـ c4
Livin' life in the fast lane
Movin' at the speed of life and I can't slow down
Only got a gallon in the gas tank
But I'm almost at the finish line, so I can't stop now
Vive La France
رقم العضوية : 133886
تاريخ التسجيل : 23Jan2013
المشاركات : 641
النوع : ذكر
الاقامة : Giza
السيارة: Citroen C4
السيارة[2]: Honda City
الحالة :
امين يا رب ، تسلم يا باشا ربنا يخليك
الله يبارك فيك يا باشا متشكر جداً ، و يسمع منك ربنا و الامتحانات تعدى على خير أحسن دول نازلين فينا سلخ
الله يبارك فيك يا كبير ، ما هو ده يا باشا ال Egyptian style ، كل ما حد يسمع كلمة عز العرب عفاريت الدنيا تركبه و هو ممكن ميكونش يعرف عز العرب معاه ماركات ايه أصلاً ، هو بس متعاطف مع واحد معاه بروتون و تعبان معاهم (و بصراحة أنا نفسى عزالعرب فعلاً يسيب بروتون طالما ملاكها مش راضيين عن الخدمة و هو مش مهتم بيها زى باقى الماركات ، هو هيرتاح عشان سمعته كتوكيل كويس ماتتأذيش و ملاك البروتون هيرتاحوا لما يروحوا لحد متفرغ لبروتون عشان هى ماركة تستاهل الاهتمام فعلاً)
يسمع منك ربنا يا مهاب باشا و باذن الله لما ربنا يأذن بال DS5 ناخد بيها لفة كلنا مع بعض ، بس لو حد فيكو جابها الأول متنسونيش
و اتفضل يا باشا براحتك الموضوع موضوعك :) ، ياريت فعلاً الناس تشوف و تقارن قطع الغيار هيعرفوا ان فى حاجات كتير أغلى من الفرنساوى...
رقم العضوية : 28707
تاريخ التسجيل : 29Dec2008
المشاركات : 1,202
النوع : ذكر
الاقامة : 10th of ramadan city
السيارة: citroen c4 2013
السيارة[2]: citroen xsara 1
دراجة بخارية: لا يوجد
الحالة :
الف مبروك يا باشا ومنتظرين تقرير صيانة ال 100000 ان شاء الله
https://www.facebook.com/GearOneForCarAccessories
رقم العضوية : 133886
تاريخ التسجيل : 23Jan2013
المشاركات : 641
النوع : ذكر
الاقامة : Giza
السيارة: Citroen C4
السيارة[2]: Honda City
الحالة :
رقم العضوية : 83204
تاريخ التسجيل : 10Dec2010
المشاركات : 489
النوع : ذكر
الاقامة : alex
السيارة: -
السيارة[2]: A113
دراجة بخارية: -
الحالة :
لا حول الله ...
ما التوكيل زى الفل اهوه و اسعار الصيانه ممتازه ... الف مبروك وعقبال صيانه 900 الف ان شاء الله .
يمكن واخد سمعه مش كويسه عشان التوكيل مش منتشر زى باقى التوكيلات مش عارف ..
رقم العضوية : 133886
تاريخ التسجيل : 23Jan2013
المشاركات : 641
النوع : ذكر
الاقامة : Giza
السيارة: Citroen C4
السيارة[2]: Honda City
الحالة :
الله يبارك فيك يا باشا ، ألف شكر لمرورك :) ، أنا شخصياً من تجربتى التوكيل كويس ، و أسعار قطع الغيار زى أو أرخص كمان من عربيات تانية كتير أكثر انتشاراً...
المفضلات