ونة الفتيس اية حلها

**YHYAKOTB** · 25-05-2013 10:33 PM

السلام عليكم جميعا واحشنى والله ووحشنى القسم بس غصب عنى الجهاز شيع ومستنى اجيب جهاز جديد

كنت عاوز اسأل على شوية حاجات دلوقت الفتيس بيعمل صوت ونة مع الغيار الاول الصوت ابتدى يزيد وبقى واضح اية حل الموضوع دة هل اغير زيت الفتيس واحط امبوبة ابرو الى بتسكت الونة ولا اعمل اية

تانى مشكلة انا غيرت كوتشة الكوبلن الداخلى الشمال مقعدتش كام يوم وقطعت من الناحية الصغيرة بقت حتتين بس مش باينة عشان مقطوعةمن النحية الصغيرة هو كدة يبقى فى مشكلة فى الكوبلن ولا الميكانيكى كان شادد الكوتشة زيادة لبرة فاتقطعت ؟

**Ahm662** · 25-05-2013 11:16 PM

شوف يا فندم خليك مع الحل الابسط لأن ممكن تكون الونة دي فتيس لا قدر الله .غير الزيت و حط الأبرو و ربنا يجعل دا الحل بالنسبة لكاوتش الكوبلن ممكن فعلا يكون كان مشدود اوي و من الحركة اتقطع ......ربنا يوفقك و بسيطة ان شاء الله

**hilal** · 25-05-2013 11:44 PM

بالنسبة للونة ، فليس لها حل ، لأنها تحدث نتيجة لسخونة زائدة في الفتيس تؤدي إلى تغيير في خصائص المعدن ، ويصبح له رنة مسموعة ،
أما بخصوص كوتشة الكوبلن ، أنصحك بعدم تركيب الافيز الصغير نهائيا ، وتكتفي بالافيز الكبير ، لأن الافيز الصغير هو الي يتسبب دائما في قطع الكوتشة

**mo7a_mo7a** · 26-05-2013 01:51 AM

الونة دي اما نتيجة سخونة زائدة لان زيت الفيتيس "حل" وفقد خواصه اللي اهمها التبريد
او نتيجة بوش في الفيتيس نفسه نتيجة التاكل
غير الزيت بدون اي اضافات تانية وراقب الصوت
لو اختفى الصوت يبقي خير
لو لسة موجود يبقي للاسف فيتيس وممكن تجرب انبوبة الشحم الصناعي كحل مؤقت
تحياتي

**Amr_Azab** · 26-05-2013 02:29 AM

علي ما أعتقد ممكن تحط زيت عالي اللزوجة 140 مثلا ممكن يضيع الصوت
برده استني رأي الآعضاء للتأكيد

**sakr_skoda** · 26-05-2013 07:27 AM

غير زيت الفتيس واحذر تحط زيت 140 فى زميل لينا هنا غير الزيت لزوجة 140 وعمل معاه مشاكل الفليشيا الزيت المناسب ليها لزوجة 90....

**أحمد جودة** · 26-05-2013 09:55 AM

زيت الــــ 140 مبيعملش مشاكل بالعكس ممكن يفيد فى حالتك

انا حطيط الـــ 140 مضطر فى مرة وفضلت ماسي بيه 3 شهور لحد مغيرت تاني

بالمناسبة أنا عندي تقريباً صوت زي كدة بس على كل الغيارات من بعد الاول

ومش عارف اذا كان نفس مشكلتك ولا لاء