الموضوع: تجربة ممتعة فى صيانة ال 5000 فى توكيل العبور للاسف

رحت عملت صيانة ال 5000 فى العبور بسرعة ماشاء الله دخلت الساعة 8.25 خلصت ومشيت الساعة 9.35 هى بسيطة قوى كده مش عارف المهندس فى الاستقبال قولتله على كام حاجة منهم موضوع لو فتحت العربية بالريموت وسيبتها 30 ثانية تقوم تقفل لوحدها قال ده اوبشن لوتحب نعملهولك بس مش نازل مع العربية ما رديتش قلتله استهلاك البنزين عالى 11.8 قالى حضرتك اكيد بتسوق فى الزحمة عندنا السويس صغيرة ومفيش زحمة كتير عديها اﻷى بعده المرايا الجانبية ناحية الراكب بجانب السائق لما بضمها بتعمل تكة قالى كل اللوجان كده. .. ما علينا مروحة التبريد من ساعة ما جبت العربية مبتستغلش لما افصل العربية قالى عادى امت اكيد مبتعملش مشاوير بعيدة قلتله مش حضرتك قلت استهلاك البنزين بيزيد علشان بسوق فى الزحمة يبقى لازم تسخن قالى عادى متقليقش نفسك لو العربية احتاجت المروحة هتشتغل اتوماتيك طيب اكرة الباب ورا السائق من الداخل بتعلق كتبها عنده وقالى اتفضل استريح سالته على الضمان وانى مستلمتيهوش من معرض التوكيل قالى بتستلمه من المعرض قلتله انا شاريها من التوكيل رأسا قال زى ما قولت لحضرتك ويوم ما استلمت العربية قالى الضمان تستلمه من مرطز الخدمة مع اول صيانة لا حول ولا قوة الا بالله العربية خلصت طلقة فى نصف ساعة قلت ايه الحلاوة دى عال عال عال بذكاء مبالغ فيه اخدت العربية ومشيت وطبعا اخدت الدواسات اللى مش ممكن استعملها علشان وبر عموما كتر خيرهم والحاجة الوحيدة اللى سجلها عنده متعمليتش بصراحة مشوار على الفاضى مش عارف اعمل ايه متغاظ قوى لازم المرة الجاية اعمل مشكلة ولا اعمل شكوى ولا ايه.

المشاركة الأصلية كتبت بواسطة amrremah

ملحوظة: موضوع التكة اللى فى المراية دا فعلا فى كل اللوجان, أعتقد انها السوستة بتاعت المراية عشان الmechanism بتاعها مختلف عن باقى المرايات

بما ان العربية نازلة كده مفيش مشكلة شكرا لك يا عمرو