كنت المفروض تسجل كل ملاحظاتك علي ورقه عشان متنساش حاجه و بعدين كلنا عارفين ان التوكيلات في مصر زفت
رقم العضوية : 46868
تاريخ التسجيل : 12Sep2009
المشاركات : 116
النوع : ذكر
الاقامة : Ismailia
السيارة: BYD F3 2015
السيارة[2]: Renault Logan
الحالة :
السلام عليكم و رحمة الله ..
الناهردة يا جماعة كنت في العبور بعمل صيانة الـ 5000 ..
و رجعت بخيبة أمل كبيرة جدا من كل حاجة ...
أولا دي النقط اللي كنت رايح بيها :-
- طبعا صيانة 5000 (تربيط عفسة - كشف كمبيوتر - كشف زيوت و سيور )
- هزة الفتيس
- هزة الدواسات
- ترييحة بسيطة في دواسة البنزين بتاع سنتي كده
- صوت تزييق في الدواسات بالذات الفرامل
- العازل
- الباب الشمال الخلفي بيتقفل بصعوبة
- تظبيط رشاشات الميه
- ترصيص
- صوت الماتور عالي بعد الـ 120
- إستهلاك بنزين عالي (8.3 على طريق مفتوح)
- غطاء جلد تحت فرامل اليد واقع جوه
- الزرار اللي بيعلي الكشافات بيرجع لوحده شويه
و على رأي د/ أحمد خالد توفيق " نظر لي نظرة معناها - إنتوا هتقرفونا بقى, كل واحد ييجي يقول نفس المشاكل و يقولك نايل موتورز بيقولوا و بيعملوا .. إنتوا فاكرين نفسكوا فاهمين يا شوية .... إحنا بس اللي فاهمين - "
و ديه كانت الردود المستفزة جدا من واحد أعتقد إنه رئيس الورشة و بيتكلم بطريقة كأني بشحت منه و مليش أي حق اتكلم :-
- طبعا صيانة 5000 (تربيط عفسة - كشف كمبيوتر - كشف زيوت و سيور ) - المفروض إنها إتعملت
- هزة الفتيس - تغيير الزيت أو تزويده مش هيعمل حاجة و بعدين إحنا كشفنا على الزيت و لقيناه إتغير قبل كده في الـ PID - إلا إيه هوه البتاع ده.
- هزة الدواسات - كل العربيات فيها الهزة ديه وخلاص ععملنهالك - طبعا الهزة لسه زي ماهيه.
- ترييحة بسيطة في دواسة البنزين بتاع سنتي كده - لازم البوش ده يكون موجود علشان الواير و بعدين أهوه - و راح فاتح الكبوت بقرف و عامل حاجة كده و قاللي كده راحت .. و طبعا زي مانتوا متوقعين .. زي ماهي.
- صوت تزييق في الدواسات بالذات الفرامل - إتعملت بتزييت الدواسات - فعلا راحت .
- العازل - مافيش - يعني إبه ما في ناس عملتها في المقطم و الناس على نايل موتورز عملوها - لسه ماجتش - طيب مـ... - هبقى أسأل لحضرتك تاني.
- الباب الشمال الخلفي بيتقفل بصعوبة - الحمد لله إتظبط لوحده .
- تظبيط رشاشات الميه - تقريبا إتظبطت .
- ترصيص - مش محتاجه .
- صوت الماتور عالي بعد الـ 120 - مش عالي ولا حاجه - أنا اللي بأقول عالي - العربية مظبوطه - طيب و الصوت ؟ - ده صوت طبيعي .
- إستهلاك بنزين عالي (8.3 على طريق مفتوح) - زي ما قولت لحضرتك العربية كشفنا عليها بالكمبيوتر و مظبوطه - في سري "إنت خليت فيها حضرتك بقى"
- غطاء جلد تحت فرامل اليد واقع جوه - نسيته خالص و طبعا إكتشفت إنه لسه واقع جوه.
- الزرار اللي بيعلي الكشافات بيرجع لوحده شويه - ده في كل العربيات - و طبعا ماعملوش في أي حاجه.
إيه رأيكوا يا جكاعة في اللي حصل ده .. أنا كنت شاكك إن اللي حصل ده بسبب إستيكر نايل موتورز
بجد أنا كنت خارج في منتهى القرف و اللي حصل معايا بعد كده قرفي أكتر بس ده مش موضوعنا النهاردة ..
كفاية كده عليكوا صدعتكوا بس حد يقولي إيه رأيكوا في النقط دي و الردود .
رقم العضوية : 56754
تاريخ التسجيل : 23Dec2009
المشاركات : 3,492
النوع : ذكر
الاقامة : القاهره
السيارة: ميني كوبر 1979
السيارة[2]: كيا بيكانتو 2012
الحالة :
كنت المفروض تسجل كل ملاحظاتك علي ورقه عشان متنساش حاجه و بعدين كلنا عارفين ان التوكيلات في مصر زفت
رقم العضوية : 53342
تاريخ التسجيل : 18Nov2009
المشاركات : 1,095
النوع : ذكر
الاقامة : الأسكندرية
السيارة: لوجان 2010
السيارة[2]: بيجو504 موديل 1979
دراجة بخارية: لا يوجد
الحالة :
ازاي دول بيقولوا توكيل رينو محترم جدا . ايه بقي اللي حصل له .
رقم العضوية : 39577
تاريخ التسجيل : 04May2009
المشاركات : 12
النوع : ذكر
الاقامة : مصر
السيارة: لوجان
السيارة[2]: بيجو
الحالة :
انا كنت النهاردة ايضا فى العبور بعمل صيانة ال5000 اللى حصل كلاتى :-
- لم الاحظ قبل كدة رعشة الفتيس و لكنها ظهرت بوضوح بعد الصيانة
- قلت لهم ان هناك صوت نحره يظهر من الناحية اليمنى من الموتور عند السرعة بين 70 كم و 80 كم ويختفى بعد ال80 كم قالوا ان هذا صوت السيور و احنا ذيتناها و سوف يضيع الصوت و لكن للاسف لم يتغير شىء
- كل اللى لاحظتة فى السيارة انهم غسلوها
-السياره كانت ناعمة فى اول الطلوع بلاول لم تعد كذلك
-قالوا ايضا انة حاليا لايوجد عوازل للحرارة الى تحت الرجل اليمين و لكنها سوف تتوفر قريبا
دة كل اللى حصل بعد انتظار ساعتين و سفر حوالى 120 كيلو ؟؟؟
رقم العضوية : 53290
تاريخ التسجيل : 18Nov2009
المشاركات : 81
النوع : ذكر
الاقامة : egypt
السيارة: Toyota
السيارة[2]: logan
الحالة :
توكيل العبور عاوز شدة بجد لاني انا كمان اول ماجبت العربية وكنت عامل 1000 كيلو وروحتلهم بالحرارة والهزة وبرضه نفس الكلام الرخم واقنعني اني العربية زي الفل وانها تهيؤات من عندي وده كان قبل ماعرف انها مشكلة عامة في معظم العربيات اللوجان بس كنت كل ماقول للمهندس علي حاجة يقولي ده طبيعي مفيش حاجة .عشان كده انا هاروح صيانة ال 5000 ان شاء الله في المقطم الاسبوع الجي ولو هاتعملوا اي وقفة مع توكيل العبور انا معاكم ...
رقم العضوية : 13565
تاريخ التسجيل : 24Jun2008
المشاركات : 191
النوع : ذكر
الاقامة : Cairo
السيارة: إكسيل, لانوس
السيارة[2]: لوجان
دراجة بخارية: no
الحالة :
مصر النسيم في الليالي وبياعين الفل ,, ومرايه بهتانة ع القهوة .. أزورها .. واطل .
النخل في العالي والنيل ماشي طوالي ,,معكوسة فيه الصـور .. مقلوبة وانا مالي. صــــــلاح جـــــاهيــــن
رقم العضوية : 46868
تاريخ التسجيل : 12Sep2009
المشاركات : 116
النوع : ذكر
الاقامة : Ismailia
السيارة: BYD F3 2015
السيارة[2]: Renault Logan
الحالة :
والله يا باشا كنت كاتبها و براجع عليها واحدة واحدة ..
بس من كتر الردود المستفزة بقيت أنسى و أنا باستلم العربية أبص في الورقة.
أنا برضه كنت بحسبه كده بالذات بعد المعاملة الحلوة اللي قابلتها في صيانة الألف .
حتى الغسيل يا برنس بمنتهى الإهمال .. بيسبوا ميه جوه كاوتش الأبواب ممكن يبهدله
و بعدين انا فعلا لما أخدت العربية إمبارح حسيت إني سايق عربية مش متعود عليها ربنا يستر.
و موضوع العوازل .. المفروض إنها وصلت المقطم من زمان على كلام الناس هنا.
" سفر 120 كيلو" هو حضرتك منين .. أنا من الإسماعيلية !!!
"كل ماقول للمهندس علي حاجة يقولي ده طبيعي مفيش حاجة" بدون تعليق
"لو هاتعملوا اي وقفة مع توكيل العبور انا معاكم" و أنا كمان
"عشان كده انا هاروح صيانة ال 5000 ان شاء الله في المقطم" للأسف المشوار بعيد عليا و انا جاي من الإسماعيلية بس هحاول.
هتعمل إيه بقى لو عرفت الحوار اللي حصل معايا بعد التوكيل إمبارح ..
بص يا سيدي ...
نزلت على كارفور قولت أجيب للولاد أي حاجه من جوه يفرحوا بيها ..
ركنت العربية و لفيت جوه شوية و طلعت.
لاقيت واحد من أفراد أمن الباركنج و اقف و ساند على العربية ..
"في إيه ؟"
"حضرتك كنت سايب شباك العربية مفتوح و اللاب توب بتاع حضرتك جوه .. كده برضه ؟"
" الحمد لله .. ألف شكر .. بجد انا مش عارف أشكرك إزاي ؟"
"يا باشا لا شكر و لا حاجه .. هوه البتاع ده يعملوا كام دلوقتي يا باشا ؟"
" !!!! "
"يعني أنا مش عاوز غير الـ 10% بتاعتي .. يا باشا "
" ماشي يا عمنا .." و باظيته 10 جنيه .. مش خسارة فيه .
" شكرا يا باشا .. لومافيش مش مشكله "
" طيب سلام "
"معلش يا باشا هتستنى عربية الورديه لما تيجي علشان أخدوا بيانات العربية علشان يثبتوا حالة لو كانت حاجة إتسرقت لا قدر الله "
"ماشي "
"تبقى برضه يا باشا تراضيهم بأي حاجه"
""
شوية و لاقيت عربية شرطة جايه و فيها أربعة أمناء شرطة ..
"رخصة العربية و البطاقة يا باشا"
"إتفضل"
"حاول تظبطهم بدل ما يكبروا الموضوع"
"موضوع إيه .. دانا اللي كنت ممكن أتسرق"
"هيعملولك محضر إهمال"
"إنتوا بتستهبلوا ؟؟!!"
"يا باشا حاول تظبطهم بخمسينايه كده لكل واحد حلاوة الجهاز و العربية "
عادي كده 200 جنيه تطلع
"طيب إطلع ورانا عى قسم العبور مدام مش همك "
"ماشي أطلع وراكوا بس دقيقة واحدة "
و رحت مطلع الموبايل إتصلت بواحد صاحبي في الشرطة .. بس للأسف لاقيته في حملة في السويس و مش فاضي يرد .. رحت قافل وأنا قرفان .. و ...
"دقيقة واحدة مستني مكالمة من مساعد مدير أمن الإسماعيلية "
" المهم بالصدفة بعد دقيقة لاقيت الموبايل بيرن و كانت مراتي"
"خلاص يا باشا إعتبر الموضوع خلص .. إتكل على الله"
في التليفون " طيب ماشي خلاص يا باشا الموضوع خلص .. سلام .. ماشي ياجماعة أنا مش عارف أشكركم إزاي !! .. سلام عليكم "
ها إيه رأيكوا بقى ....
رقم العضوية : 48049
تاريخ التسجيل : 27Sep2009
المشاركات : 902
النوع : ذكر
الاقامة : Egypt
السيارة: Renault Logan2010
السيارة[2]: Renault 9
دراجة بخارية: لا يوجد
الحالة :
لا تعليق
رقم العضوية : 53342
تاريخ التسجيل : 18Nov2009
المشاركات : 1,095
النوع : ذكر
الاقامة : الأسكندرية
السيارة: لوجان 2010
السيارة[2]: بيجو504 موديل 1979
دراجة بخارية: لا يوجد
الحالة :
هي دي مصر يا باشا . و بالفرض هو انت اهملت في املاك الدوله دي عربيتك . ناس تخاف متختششيش . حسبنا الله و نعم الوكيل .
رقم العضوية : 13565
تاريخ التسجيل : 24Jun2008
المشاركات : 191
النوع : ذكر
الاقامة : Cairo
السيارة: إكسيل, لانوس
السيارة[2]: لوجان
دراجة بخارية: no
الحالة :
مصر النسيم في الليالي وبياعين الفل ,, ومرايه بهتانة ع القهوة .. أزورها .. واطل .
النخل في العالي والنيل ماشي طوالي ,,معكوسة فيه الصـور .. مقلوبة وانا مالي. صــــــلاح جـــــاهيــــن
المفضلات