الحمد لله لسه راجع من عند الميكانيكي

**mohamed878** · 07-06-2013 07:47 PM

السلام عليكم يا اخواني انا الحمد لله النهارده قفلت شغل الميكانيكي و طبعا انتوا كنتوا متابعني من اول المشكله بتاعتي المهم نبدأ من الاول انا كان عندي مشكله ان المكنه خفيفه المهم سمعت عن الشيخ عادل في بين السرايات من الاخ منسي فقررت اروحله قاللي ان وش السلندر بتاعك نضيف انتا مش محتاج غير نص تحتاني بس المهم نزل معايا و اختار النص الي هوا عجبه و ركبه المهم جيت سقت العربيه عمال اسمع اصوات غريبه و سحب زي الزفت العربيه فيها كل حاجه وحشه رجعتله قاللي وش السلندر بتاعك مش كويس طب كان من الاول يا شيخ عادل المهم قلتله يعني عايزه وش سلندر قالي اه روحت جيبته و ركب وش السلندر الجديد و سقت العربيه زفت برضو و كانت كمان بتطحن قابلت الباشمهندس احمد الله يكرمه منسق قسم الاسكودا قاللي دا شغله زي الزفت و تقفيله زباله المهم اتفقت مع المنسي و روحناله الجمعه اللي قبل اللي فاتت المهم هوا شاف اني جايب واحد معايا اتجنن هوا كان الاول خد مصنعيه 300 جنيه قاللي بص انا ماليش دعوه انتا شغلك زي الفل المنسي قاله طب و الطحينه قالو احطلك بلو سيل المهم اتصلنا بالباشمهندس احمد الصراحه اقل من ساعه كان معانا دخل اتكلم معاه الراجل اسلوبه زباله جدا بجد انا بحذر اي حد مجرد يفكر انه يروحله المهم اتخانقنا معاه و خدنا الماتور القديم و احمد وصفلي الاسطي سيد في عرب المعادي بصراحه راجل فاهم و امين و عارف بيعمل ايه كويس المهم النتيجه عربيه سحبها بسم الله ما شاء الله صوت موتور هادي سخونيه مظبوطه اهم حاجه بشكر المنسي و احمد علي وقفتهم معايا تحس انهم اخواتك بيخافو عليك ربنا يبارك فيهم ويجازيهم خير واسف للاطاله