اية سبب الثلاث مشاكل الاتية؟؟؟؟

**romany_ac** · 05-06-2013 01:34 PM

بيحصل معايا 3 اعراض لمشكلة فى وقت واحد وهى:
1-سحب العربية بيقل.
2-الترموستات بيعلق والمروحة مش بتشتغل.
3-بكون محتاج ادوس على دواسة الفرامل مشوار اكتر من الطبيعى يعنى فى حالة عدم وجود المشكلة الفرامل بتكون على الشعرة.
المشكلة دية بتختفى لوحدها وترجع لوحدها.
ياريت تقلولى اية سبب المشكلة وحلها وشكرا.
معلش نسيت اقول ان الترموستات لما بيعلق والحرارة تعلى بفتح القربة علشان اذود مية بيطلع هوا كتير وبعدها العربية بتظبط شوية وترحع تانى المشكلة.

**yousefsemsem** · 05-06-2013 02:55 PM

حل المشكله انك تغير الترموستات سهله

**romany_ac** · 05-06-2013 03:04 PM

الترموستات تقريبا بتعلق علشان فى هوا فى دائرة التبريد بس مش متأكد علشان كدا انا بطلب النصيحة. وشكرا

**أحمد جودة** · 05-06-2013 03:24 PM

كلها تظبيطات خفيفة ممكن ترجع للمواضيع المشروحة هنا فى القسم واتعلم بنفسك

**mohamedbook** · 05-06-2013 04:04 PM

مشكلة الحرارة انك تغير حساس الحرارة بتاع الريداتير
وممكن يكون فية مشكلة في الكتاوت بتاعة المراوح
وممكن تكون ثرموثات الكوعة بتاعة المية هو الي فية المشكلة
اعمل تشك علي التلاتة دول وانت تستريح من موضوع الحرارة تماما
اما موضوع السحب غالبا حساس الكامة خلاص جاب اخرة ومش شغال والدليل انك تدوس بنزين جامد عشان العربية تجبي معاك وكمان العربية بتستهلك بنزين معاك كتير
اما مشكلة الفرامل فانت محتاج تغير ماستر الفرامل الرئيسي عشان بيكون فية تسريب اما لو معندكش تسريب في المستر الرئيسي ممكن يكون احد الخراطيم بيسرب زيت حاول تشيك علي زيت الباكم وتشوفوا بينقص ولا لا وغالبا هيكون مستر الفرامل الرئيسي

**ahmed_shebl99** · 05-06-2013 04:28 PM

1 لازم الجهاز يتحط على منفاخ كبس المياه علشان التسريب يعنى برده لازم ميكانيكى فاهم

2 الدورة لو فيها تسريب هتاخد هوا وعمر المروحة ما هتشتغل

**abou-yahia** · 05-06-2013 05:48 PM

المواتير ديه عن تجربه لو حرارتها وكهربتها مضبوطه تاخد احسن شغل

الحراره والكهرباء فيها كلام كله بيسمع في كله

**المنسي** · 06-06-2013 12:12 AM

المشاركة الأصلية كتبت بواسطة romany_ac

بيحصل معايا 3 اعراض لمشكلة فى وقت واحد وهى:
1-سحب العربية بيقل.
2-الترموستات بيعلق والمروحة مش بتشتغل.
3-بكون محتاج ادوس على دواسة الفرامل مشوار اكتر من الطبيعى يعنى فى حالة عدم وجود المشكلة الفرامل بتكون على الشعرة.
المشكلة دية بتختفى لوحدها وترجع لوحدها.
ياريت تقلولى اية سبب المشكلة وحلها وشكرا.
معلش نسيت اقول ان الترموستات لما بيعلق والحرارة تعلى بفتح القربة علشان اذود مية بيطلع هوا كتير وبعدها العربية بتظبط شوية وترحع تانى المشكلة.

سحب العربية تقيل ممكن تراجع على طقم الدبرياج - ممكن طقم بوجيهات - الاحتمالات كتير وكله متوقف على حالة الموتور عندك
الترموستات بيعلق يتغير فورا بواحد 68/82 ايطالى وتعمل غسيل لدورة التبريد بالمرة
دوسة الفرامل ومشوارها طويل يعنى كده السيرفو العمومى محتاج يتغير وممكن تمشى بيها شوية بس هتوصل لمرحلة انك تكارك على الفرامل علشان تفرمل

-

الموضوع: اية سبب الثلاث مشاكل الاتية؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

قاعده الثواني الثلاث .... و مسافه التوقف

تسعير الموديلات الاتية

اريد المشورة فى السيارة الاتية.......316 مو 92

الفرق في كماليات موديلات ال Elantra الثلاث

الكلمات الدلالية لهذا الموضوع

المفضلات

المفضلات

ضوابط المشاركة