الموضوع: زيت الموتور

انا عربيتى لانسر بومه 1300 cc موديل 2008 ماشيه 90 الف وكنت بحط زيت شيل الاصفر الى سعره 130 ج بيقولوا بيقعد 5000 كيلو المكانيكى قالى انه مش كويس فانا مش عارف اغيره بنوع تانى ولا لا
وفى ناس قالتلى ان زيوت الامارتيه كويسه ايه رايكوا
وايه رايكو احط الى بيتغير على 5000 ولا 10000كيلو ارجو الافادة

السلام عليكم ورحمة الله وبركاته
بصراحة أنا جربت البروتك الإماراتي 5000 (بس ده معدني) والميكانيكي قاللي انه يتغير بعد 4000، وأنا كنت قرأت على المنتدى الناس بتشكر في الشل الألترا 10000 (تخليقي بالكامل)
وكمان لما دخلت موقع الشل: بتختار عربيتك وبينصحك بالزيت المتوافق مع عربيتك، المهم لقيته بيقول ان أقصى مده للزيت هي 12 شهر أو 15000 كيلو (مش 10000) وكان واحد صاحبي قال ان الألترا قعد معاه لحد 18000 بدون مشاكل (نيو أكسنت 2006) بس أغلب مشاويره سفر

من رأيي اللي هيحدد الموضوع ده هو طبيعة مشاويرك: يعني هل الغالب السفر ولا جوه البلد ؟ لأن أغلب الناس بيقولوا ان الزيت جوه البلد بيتحرك بسرعة لأنك بسبب الزحمة العربية بتبقى دايرة بس واقفة مكانها، يعني الزيت بيقوم بوظيفته لكن بدون مايعد كيلومترات كتير زي السفر عشان كده تجيب زيت 5000 أو 3000 جوه البلد والناس بتنصح بالزيوت التخليقية طالما العربية حديثة

لو الغالب عندك السفر زيي: ممكن تحط زيت عالي يعني 10000 وتغير الفلتر معاه وياريت تجيب الأصلي (ب 70 جنيه والتقليد ب 35 يعني الفرق مش كتير)