الموضوع: حد جرب اللوجان الأوتوماتيك ؟!

عندى لوجان أوتو 2013 من سبعة أشهر عملت 3000 كيلو ولا أشعر بأى مشكلة فى الفتيس والحمد لله . العربية تقيلة فى البداية ولكن بعد الوصول الى سرعة 50 مثلا أداؤها ممتاز . حسب معلوماتى الفتيس هو نفس الموجود فى الميجان

العربية معايا من سنه و لله الحمد لا يوجد مشكلة سحب العربية بقى احسن بعد ال 5000 لا يوجد نتشة في الفتيس

المشاركة الأصلية كتبت بواسطة walidzakzok

فيها نتشة فتيس واضحة جدا بين الغير الاول والتاني

انا قرأت مواضيع حضرتك كلها عن اللوجان
وتفاعل الاعضاء
والردود وكل المناقشات
بقالي يومين لحد ما خلصت كل المواضيع
الحقيقه كلام حضرتك فدني وفعلا وجه نظر تحترم
تخيل كمان ان سعر العربيه النهارده وصل لحد 95.500 زيرو

هو النتشه اللي في الفتيس بتفضل علطول ؟! اقصد هل بعد تليين العربيه لفتره كبيره .. 10.000 كيلو مثلا مازالت النتشه موجوده ؟!
والنتشه وانت بتهدي ولا وانت بتزود ؟

وموضوع الحراره اللي مش فاهموا ده ؟! هي العربيه بتطلع سخونه فعلا من التابلوه ؟

وايه موضوع العزل الحراري اللي معظم الناس بتتكلم عنه ؟

السلام عليكم.
أنا معايا سانديرو (اخت اللوجان بس الهاتشباك) وححاول أسرد النقاط اللي ضدها كلها:
النقاط المعروفة: ودي لا اختلاف عليها
1- صوت الموتور عالي شوية (مش مزعج بس برضه عالي)
2- الكاوتش سيء ولو ناوي تجيبها غيره بالكتير بعد 10 ل 15 ألف أو بيعه استعمال وهي العربية لسة جديدة يجيب سعر عشان لسة ممشاش.
3- نتشة الفتيس واضحة في بعض الأحيان ومابتروحش بالتليين
4- دهان الاكصدامات خفيف وبيطلع باللمس (دهان العربية نفسه بالنسبة لي تقيل وده من كلام السمكري عشان كان عندي حكة ف طرف الرفرف بيعملها... يمكن حظي طلع كدة الله أعلم)
5- المساحات مش متظبطة مع البخاخات (أول ما تشتريها اطلع علي الاكسسوارات اشتري المقاس الأعلي للمساحة اللي قدامك والأقل للي جنبها حتلاقيها مظبوطة)
6- الباور تقيل شوية


نقاط موجودة عند البعض وغير موجودة عندي:
1- كرسي السواق بيزيق أو الضهر بيتهز: مش موجودة عندي ولو موجودة ماتروحش التوكيل روح لسروجي يظبطها حايخلصهالك ف 10 دقائق.
2- سخونية التابلوه أو الدواسات: الدواسات عمري ما حسيت بيها أما التابلوه مرة واحدة كان فيه زرار دافي بس كان مشوار 4 ساعات.
3- التكييف مكتوم: روح التوكيل يفضي شوية من الفيريون ساعات بيبقي ماليه بزيادة.
4- الطلعة بطيئة: مش عيب بس فيه ناس مش بتكبس شوية بنزين ف الطلعة الأولي فا بيحس ان العربية مابتديش معاه.. الموضوع كله انك طالما مش كابس شوية العربية بتفهم انك ماشي ع الهادي أو بتوفر.
5- الكيك داون مش شغال: لو عملت كيك داون عادي يديع أعلي عزم لنفس النقلة.. انزل بالدواسة للآخر عشان يسقط نقلة.
6- الطنابير أو التيل: ماحصليش أي مشاكل منها بس أي عربية فيها احتمال ان الطنابير أو التيل تبوظ بسرعة أول مرة (مش تبرير بس بص ف أي قسم حاتعرف)

نقاط موجودة عندي ومش عامة:
1- دواسة الفرامل بتزيق: في آخر 2 سم من الضغطة بتزيق بسيط أعتقد محتاجة حبة زيت أو شحم حاعملها وانا ف التوكيل ان شاء الله.

أما المميزات:
مش حاتكلم كتير بس اللي مش عيوب اعتبره مميزات هههههه.. بص هي حاجة ماحدش ينكرها ان أي حد جرب الفيرنا أو الأفيو أو الصيني بعد ما يسوق اللوجان شهرين تلاتة يحس انه سايق عجلة وده من واقع اني سايق الأفيو بتاعة أخويا مع السانديرو.. غير ان الأبواب وكل حاجة فيها محملة وكويسة.


العربية لما كانت بحاجة وتمانين كان سعرها ممتاز جدا بالنسبة لأي عربية ف نفس السعر.. فيرنا - لانوس (مع العلم ان مافيش لانوس اوتو) - أفيو - ساجا هي أحسن من كل ده.. سعرها حاليا 95 ألف وده يخلي أي حد بيجيبها جديد يعيد التفكير. وانا بكل صراحة لو كنت حاجيب السانديرو بسعرها الحالي 97 ألف مقارنة بوقت ما جبتها 83 ألف كنت حافكر تاني (أو بالأصح ماكنتش حاجيبها).

أما الخيارات المتاحة كالتالي:
1- الصني الشكل القديم (لو مش معترض انك تجيب الشكل القديم) عربية لها مميزاتها ولها عيوبها برضه اقرا عنها وشوف. بس برضه 97 ألف كتير عليها.
2- الصني الشكل الجديد مش داخلة دماغي ومافيش حد يقنعني انها كويسة ب 110 ألف!!
3- ادخل ف المستعمل وده كان حايبقي قراري في وقت زي ده لو كنت لسة حاجيب عربية.. بل اني بافكر أبيع السانديرو علي 90 وأزود عليها وأجيب جيتا 2008-2009 استعمال بس مش عاوز أبقي باغير عربية كل شوية ومستني يمكن أجيب الأعلي ان شاء الله قدام.

من الآخر مافيش عربية زيرو تستاهل تمنها ف الوقت الحالي اللهم الا البيجو ال 301 سعرها حاليا 123 ألف أول فئة أوتو.

المشاركة الأصلية كتبت بواسطة crayvor

السلام عليكم.
أنا معايا سانديرو (اخت اللوجان بس الهاتشباك) وححاول أسرد النقاط اللي ضدها كلها:
النقاط المعروفة: ودي لا اختلاف عليها
1- صوت الموتور عالي شوية (مش مزعج بس برضه عالي)
2- الكاوتش سيء ولو ناوي تجيبها غيره بالكتير بعد 10 ل 15 ألف أو بيعه استعمال وهي العربية لسة جديدة يجيب سعر عشان لسة ممشاش.
3- نتشة الفتيس واضحة في بعض الأحيان ومابتروحش بالتليين
4- دهان الاكصدامات خفيف وبيطلع باللمس (دهان العربية نفسه بالنسبة لي تقيل وده من كلام السمكري عشان كان عندي حكة ف طرف الرفرف بيعملها... يمكن حظي طلع كدة الله أعلم)
5- المساحات مش متظبطة مع البخاخات (أول ما تشتريها اطلع علي الاكسسوارات اشتري المقاس الأعلي للمساحة اللي قدامك والأقل للي جنبها حتلاقيها مظبوطة)
6- الباور تقيل شوية


نقاط موجودة عند البعض وغير موجودة عندي:
1- كرسي السواق بيزيق أو الضهر بيتهز: مش موجودة عندي ولو موجودة ماتروحش التوكيل روح لسروجي يظبطها حايخلصهالك ف 10 دقائق.
2- سخونية التابلوه أو الدواسات: الدواسات عمري ما حسيت بيها أما التابلوه مرة واحدة كان فيه زرار دافي بس كان مشوار 4 ساعات.
3- التكييف مكتوم: روح التوكيل يفضي شوية من الفيريون ساعات بيبقي ماليه بزيادة.
4- الطلعة بطيئة: مش عيب بس فيه ناس مش بتكبس شوية بنزين ف الطلعة الأولي فا بيحس ان العربية مابتديش معاه.. الموضوع كله انك طالما مش كابس شوية العربية بتفهم انك ماشي ع الهادي أو بتوفر.
5- الكيك داون مش شغال: لو عملت كيك داون عادي يديع أعلي عزم لنفس النقلة.. انزل بالدواسة للآخر عشان يسقط نقلة.
6- الطنابير أو التيل: ماحصليش أي مشاكل منها بس أي عربية فيها احتمال ان الطنابير أو التيل تبوظ بسرعة أول مرة (مش تبرير بس بص ف أي قسم حاتعرف)

نقاط موجودة عندي ومش عامة:
1- دواسة الفرامل بتزيق: في آخر 2 سم من الضغطة بتزيق بسيط أعتقد محتاجة حبة زيت أو شحم حاعملها وانا ف التوكيل ان شاء الله.

أما المميزات:
مش حاتكلم كتير بس اللي مش عيوب اعتبره مميزات هههههه.. بص هي حاجة ماحدش ينكرها ان أي حد جرب الفيرنا أو الأفيو أو الصيني بعد ما يسوق اللوجان شهرين تلاتة يحس انه سايق عجلة وده من واقع اني سايق الأفيو بتاعة أخويا مع السانديرو.. غير ان الأبواب وكل حاجة فيها محملة وكويسة.


العربية لما كانت بحاجة وتمانين كان سعرها ممتاز جدا بالنسبة لأي عربية ف نفس السعر.. فيرنا - لانوس (مع العلم ان مافيش لانوس اوتو) - أفيو - ساجا هي أحسن من كل ده.. سعرها حاليا 95 ألف وده يخلي أي حد بيجيبها جديد يعيد التفكير. وانا بكل صراحة لو كنت حاجيب السانديرو بسعرها الحالي 97 ألف مقارنة بوقت ما جبتها 83 ألف كنت حافكر تاني (أو بالأصح ماكنتش حاجيبها).

أما الخيارات المتاحة كالتالي:
1- الصني الشكل القديم (لو مش معترض انك تجيب الشكل القديم) عربية لها مميزاتها ولها عيوبها برضه اقرا عنها وشوف. بس برضه 97 ألف كتير عليها.
2- الصني الشكل الجديد مش داخلة دماغي ومافيش حد يقنعني انها كويسة ب 110 ألف!!
3- ادخل ف المستعمل وده كان حايبقي قراري في وقت زي ده لو كنت لسة حاجيب عربية.. بل اني بافكر أبيع السانديرو علي 90 وأزود عليها وأجيب جيتا 2008-2009 استعمال بس مش عاوز أبقي باغير عربية كل شوية ومستني يمكن أجيب الأعلي ان شاء الله قدام.

من الآخر مافيش عربية زيرو تستاهل تمنها ف الوقت الحالي اللهم الا البيجو ال 301 سعرها حاليا 123 ألف أول فئة أوتو.

السلام عليكم
والله مش عارف اقول لحضرتك ايه
ربنا يجازيك خير عن الموضوع ده
انت سهلت عليا حاجات كتير
و رأيك مفيد جدا ومرجع لناس كتير أوي
الرؤيه بالنسبالي واضحه جدا دلوقتي
وحتي لو هجيبها هجيبها وانا مطمن وعارف هي فيها ايه
انا حتي فكرت اجيبها بالرغم من كلامك لو لقيتها كسر زيرو
يعني حد مش عاوزها وادفعلوا فيها اللي دفعوا
بس طبعا مش هلاقي حد كده لان الناس بتطلب فيها مبلغ اكتر من اللي دفعتوا فيها
بشكرك مره تانيه ومعلش الرد متاخر عشان كنت بره مصر الفتره اللي فاتت