الموضوع: نصائح للتكييف و الاستخدام الافضل يا رجالة

بسم الله الرحمن الرحيم

شوفوا يا جدعان
مبدئيا التكييف عندنا بيعتد على:
1-شحن التكييف نفسة الفريون و الضغط و كدا
2- نوع المية الى بنستخدمها في الليداتير
3-ثالثا و المهمل ديما فلتر التكييف
نيجي بقا للى هنعملة
شوفوا يا جماعة اولا نشحن التكييف عند واحد كويس و يضغطة تمام
طبعا داخلين على الصيف
و مشاكل الحرارة هتبدأ
يسلام لو نروح قبل ما نبدأ في الموضوع دا عند بتاع الليداترات
ينضف فارغة المكنة من المية الى فيها و يشوف لو في خرطوم مية مش كويس بيسيل ولا حاجة يتغير
نشوف دورة المية عاملة ازاى اهو كلة فايدة للمكنة و يبقي ضمنا ان مية العربية تمام و الحرارة زي الفل و المراوح شغااااااااااااااااالة و دي مهمة جدا و الخراطيم زي الفل و فارغة المكنة نضيفة لا صدا ولا اي بتنجان
نعمل اية تانى
يسلام السلام بقا بعد ما ظبطنا الدنيا كدا و مش في تسيريب نحط مية خضرا

اوعى وشك ضمنك كل حاجة بقا لا صدا من تانى و تبريد اكتر و صحة المكنة هتبقي مليون
و دا بقا لية دور في التكييف :


هيساعد ان برودة الكمبروسر هيبقي احلى و اقوي لان السربنتينة لليداتير و سربنتينة التكييف ورا بعض و هيحققوا تبريد اكتر لجسم الموتور و هيساعد على تقليل الجهد الى هيقوم بية الكمبروسر

حضرتك و كدا خلص موضوع المية الخضرا
نروح بقا للفلتر هنزل مكانة فين( بالنسبة للنوبيرا طبعا الى حيلتى )
نصيحة منى غيروة مش تنضفوة في فرق 360 درجة في التبريد لما يتغير و في شكلة هوريكوا الفرق بين الاتنين واحد جديد


وواحد قديم





[OVERLINE][/OVERLINE]

[OVERLINE]

دا بتاع عضو معانا كان فاكر نفسة مربي كتاتكيت بعد ما شفت بتاعى
طلعت انا صاحب المزرعة

[/OVERLINE]

و انا متأكد ان كل واحد فيكوا لما يطلعوة هيلاقية اطين من كدا لانى اتصدمت لما طلعتة لان مكنة غريب حبة و مش كل الناس بتنضفة او تعرف مكانة
1- مكانة في الصورة الى تحت


2- هنطلعة هوة بيبقي مربوط بمسمارين 10 ورا الفبرة السمرة دي
3-بيبقي شكلة شبة منحرف كدا
4- بيطلع على حتتين هما ماسكين في بعض بس علشان علبة زيت البور وراه هيطلع حتة و بعدين تتنية و تطلع التانية(الحتة دي ساهلة بس انتا لما تقراها تحس انها حاجة كبيرة بس هبلة قوى لما تعملها)
المهم
بعد ما نغيرة او نضفهة هنجيب معطر و نحطو على الفلتر دا بحيث ان الهوا الى طالع يبقي معطر و ادعيلي بقا يا ريس



الكمبروسر مشحون على عينة و مضغوط صح و فريون تمام
هوا نضيف و ساقع على مزاجك
معطر في الهوا كمان علشان في ناس تحس ان ريحة هوا التكييف مش تمام
و اي خدمة يا رجالة :P :P

لا الصورة دي مش من عربيتي يا جماعة انا عربيتي هتلاقي الفمبرة دي الى فيها الخرطومين بتوع التكييف
تانى حاجة بقا يا رجالة بالنسبة للمعطر
حطو زيت مش رش ولا اسبراي و حطو حاجة تقيلة من العطور الشرقية زي المسك و العنبر و الحاجات دي
و كتر منها و تكون زيـــــــــــــــــــــــ ـــــت تقيل حاجة من الاخر يعنى علشان مع مرور الوقت تفضل معاك اكتر بس عمتا كدا كدا لازم يروح طبيعي
انتا كل اسبوعين و لا و انتا بتغير زيت طلعة و انفخ الفلتر نضفة و حطلوا زجاجة من العطر مش هتكلفك 10 جنية بس الفرق واااااااضح يا كبير و ادعيلي