حسبى اللة ونعم الوكيل

**ahmed fawzy 85** · 21-06-2013 02:46 AM

الحكاية هى انا صحيت الصبح كافى خيرى شرى رايح الشغل وكنت تعبان اوى وكسلان قلت اروح بالعربية بدل المواصلات مع ان الشغل قريب من البيت روحت شايل الغطا بتاع العربية لاقيت الفانوس اللى ورا متكسر ميت حتة والعربية متجرحة من الجنب اليمين روحت لاعن وشاتم وسابب البواب اللى فى العمارة اللى فى الوش مع انى عارف ان هو ملهوش ذنب بسيت حبيت افش غلى فو حد
دلوقتى ياجماعة انا عايز اجيب واحد جديد اصلى وعايز اعرف بكام ومتين من اسكندرية ارجو الرد بسرعة لا ن العريية بقى شكلها وحش وادعو معايا على اللى عمل كدة

**janagabr** · 21-06-2013 03:03 AM

ربنا يعوض عليك خير

**aldesha989** · 21-06-2013 04:39 AM

انزل شوف فى صلاح الدين او فى عزبه سعد دول اللى اعرفهم بصراحه وربنا يعوض عليك معلش قدر الله وما شاء فعل

**max100x** · 21-06-2013 05:06 AM

175 في التوكيل

**dr.hazem** · 21-06-2013 07:48 AM

مفيش اصلي ولا في التوكيل
النضيف بره ب حوالي ال٦٥ جنيه...
تحياتي

Sent from my tab using Forum Runner

**shaddadfalcon1** · 21-06-2013 10:55 AM

معلش فداك

يوم الأربعاء اللي فات برده نازل لابيا ولا عليا الاقي فيات 132 بمنتهي الغباء راكن قدامي واكصدامه عدي الشبكة بتاعة الكبوت يعني فضل يرجع لورا لحد مااكصدمه الخلفي ركب فوق اكصدامي الأمامي ودخل علي الكبوت طبقه لجوه وكل ده وهو مقدموش حد اصلا بس الباشا عايز يبقي راكن قدام الباب علي طول

ولقيت الكبوت فارق عن الفانوس وكنت مخنوق جدا لاني لسه شادد العربيه من شهر وراششها وحتي لقيت الكبوت فتح من الخطه وطبعا فضلت ازعق طلع راجل عجوز من البلكونة يقولي في ايه اقوله عربيتك دي يقولي اه بتاعة احمد :) قلتله الباشا طبقلي الكبوت

طبعا ولا الهواء

فتحت الكبوت مفتحش

شديته بالعافيه والحمد لله شديته بايدي لبرا قام راجع مكانه تاني قمت واخد بعضي ومشيت بس طبعا خربشلي الأكصدام

**dr.hazem** · 21-06-2013 01:46 PM

المشاركة الأصلية كتبت بواسطة ahmed fawzy 85

يعنى مفيش اصلى طب ابو 65 دة صناعة اية وياترى اللى هو لونة مطفى شوية دة ولا شبة الاصلى

بالنسبالي هو زي الاصلي وصناعته هندي
انتبه بس ميكونش الباغه بتاعته بتسرب ميه جو الفانوس عشان ميبهتش ولونه يطفي...
عندنا في القاهرة في شركه بتعملك باغه لو الفانوس سليم بتصبهالك ويرجع زي مكان
هي شركة الاهرام....
تحياتي

Sent from my tab using Forum Runner