الحمد لله
حمدا كثيرا طيبا
من أسبوعين كانت آخر علاقتي بمرور السلام
نقلت محل الإقامة ،،، الحمد لله
نقلت رخصة السواقة
و رخصة العربية مكنتش ناوي قلت ابيعها و هيا تبع المرور الزفت ده
و العربية الجديدة ،،، ابقي اخليها علي الإقامة الجديدة إن شاء الله
بس الحمد لله ،،، صمموا مادام محل الإقامة اتغير في البطاقة ميجددوهاش عندهم
يا ساتر يا رب !!!!!
يوم علي شباك النيابة عشان تجيب رقم لوحتك القديمة طابور و استنا تحت التاندة الحديد
و تجيب البيانات
و بعدين ترجع لشباك النيابة عشان تدفع المخالفات
و يوم مقفول من أوله عشان تقف في طابور التجديد اللي كان في حالة شهادة البيانات
مش عايز أقولك لما روحت مرور مدينة نصر الموظفين يبصوا علي الورق و يعرفوا إني جاي من مرور السلام
كأني جاي من تحت الجاموسة أخش الشيراتون و يقولوا متقلقشي المعاملة هنا أحسن من السلام
بابتسامة صفرا
حلك الوحيد يا باشا إنك إما تنقل الإقامة و أهي علقة و بعد كده تستريح
يأم تشوف واسطة
يأما تعمل توكيل مرور بس من غير بيع و شرا لأي مندوب زي بتوع معارض العربيات و قريت إن بقه فيه شركات بس للخدمة دي
و يروح هوا بقه يتطلع في الطوابير و علي الشبابيك و الموظفين يشخطوا فيه كأأنه شغال عندهم
ملحوظة ،،، مرور السلام بيخدم خمس أقسام شرطة كاملة !!!!
بعض الأحياء فقط التابع لمرور السلام عدد سكانه أكبر من عدد سكان ليبيا
المفضلات