حسبى الله ونعم الوكيل

**Ayman-Ahmed** · 20-02-2013 09:40 AM

السلام عليكم ورحمة الله وبركاته

اتمنى الجميع يكون بخير وسلامة وبامر الله محدش يعيش اللى عيشناه الفجر.

قلقت الساعة 5 الفجر اشوف النور جيه ولا لسة وفجاة سمعت صراخ.الحقونا يا جدعان حرامى حرامى.شديت اللى قدريت عليه وطيران على الشارع ولقيت اتنين فى الخمسينات بيجروا ورا عربية.لفيت من شارع تانى ولقيته جاى فى وشى وفعلا ضرب فرامل وخمسة ولف العربية ومعرفش يلفها كلها ووقف بالعرض جريت عليه ودب فى الازاز والباب.لف العربية تانى(حسبى الله ونعم الوكيل) وطيرنى على الرصيف وطار بالعربية.الله ينتقم منه.والعربية كانت اوبترا بتاعة راجل كبير فى السن.

سوالى : عاوز اجيب لوك للدريكسيون.حد يعرف افضل الانواع والاسعر بالتقريب ومنين وهل افضل من التوفيقية ولا شارع دمشق.

حسبى الله ونعم الوكيل وربنا يسترها على الجميع.

**Ahmed_selmy** · 20-02-2013 10:02 AM

قدر الله وما شاء فعل , وربنا يسترها علينا فى الايام الغبره دى.

**alking_2006** · 20-02-2013 10:15 AM

هيا انواعها قريبة من بعض مفيش حاجة مميزة
و بيعمل حوالى 60 جنيه
و موجود فى التوفيقية و موجود فى شارع دمشق بردو
الفرق ان شارع دمشق اغلى فى كل حاجة عن التوفيقية لكن معظم حاجاته انظف من التوفيقية

**Ayman-Ahmed** · 20-02-2013 10:25 AM

المشاركة الأصلية كتبت بواسطة ahmed_selmy

قدر الله وما شاء فعل , وربنا يسترها علينا فى الايام الغبره دى.

اللهم امين.

المشاركة الأصلية كتبت بواسطة alking_2006

هيا انواعها قريبة من بعض مفيش حاجة مميزة
و بيعمل حوالى 60 جنيه
و موجود فى التوفيقية و موجود فى شارع دمشق بردو
الفرق ان شارع دمشق اغلى فى كل حاجة عن التوفيقية لكن معظم حاجاته انظف من التوفيقية

مشكور على الرد.

**S O P H O S** · 20-02-2013 11:59 AM

حسبي الله فعلا ..

**mohammedabdallh** · 20-02-2013 12:05 PM

حسبى الله ونعم الوكيل
ربنا يسترها علينا

**friendship7897** · 20-02-2013 12:22 PM

حسبي الله ونعم الوكيل
وربنا يرد ضالته إن شاء الله
حمد الله على سلامتك
بس عندي سؤال : هو اللوك هو الحل في الحرامية واللي معندوهمش ضمير ؟
وبعدين هنلوك أيه ولا أيه ؟
بيوتنا ولا عربيتنا ولا جيوبنا ولا السرقة في الأسعار
لازم وجود أمن
ودوريات زي اللي كنا بنسمع عنها زمان
والنكتة اللي كان بيقولها العسكري وكنا بنضحك عليها في أفلام زمان ياريت ترجع تاني ( هع مين هناك )
عموماً بعد كل الكلام دا أنا شاريه عامود للدركسيون بـ 75 ج وموجود عند أي حد بيتاع قطع غيار سيارات علشان نعمل اللي علينا ( أعقلها وتوكل )
أنت ساكن فين في مدينة نصر