الموضوع: جبت فليشيا وعايز مساعدتكم

اولآ الف مبروك ومعلش كلها مشاكل بتحصل معانا كلنا واعتبر نفسك العربيه كانت معاك من الاول وفتحت بوقها لان انا كمان من ساعت ما جيبت العربيه من شهر 12 وانا عمال اصرف عليها ومكبر دماغى وبعتبر انها كانت معايا من 98 وانا عامل عبيط وبصرف علشان اخلص من اللى فيها وابتدى اعتمد عليها فى السفر ان شاء الله

اولا العدادات اللى بتحسب عدد الكيلوات اللى بتمشيها العربيه مش شغاله وطبعا ديه حاجه مهمة عشان غيار الزيت
دى اى حد بتاع عدادات يظبطهالك ان شاء الله
بالاضافه ان مؤشر البنزين مش مظبوط فى قرايته بيطلع وبينزل بمزاجه وملوش علاقه بكمية البنزين فى العربيه
العوامه بايظه
ثانيا العربيه بتسخن كل مالسرعه تزيد بيكون المؤشر فى النص بين ال90 وال 110 بس عمرها مازادت عن كده ومبتوصلش لل110 واما اكون ماشى ببطئ فى الزحمه بينزل تحت ال 90 وبحس ان المروحه مش بتبطل خالص طول مانا ماشى وبعد اما اقف بتفضل شغاله حوالى 5 دقايق وبعد كده تفصل

اكشف على ثرومستات الكوعه لانها غالبآ مصديه واعمل غسيل لدوره التبريد علشان ممكن يكون فيها صدأ او هواء وحط مايه خضراء او مايه مقطره

ثالثا العربيه بتنقص زيت كل حوالى 1000 كيلو بتنقص نص كيلو مع العلم ان فيه ترشيحات زيت بسيطه بشوفها

الترشيحات دى ظاهره معاك فين ؟ وغالبآ هتغير جوانات ممكن جوان وش التكيهات وربنا يبعد عنك جوان وش السلندر ان شاء الله

رابعا السحب مش عاجبنى يعنى بتاخد وقت على ماتوصل ال 100 و 120 واللى ورايا بيبقى مستعجلنى

نفس مشكلتى بس اغسل الكربراتير عند واحد بتاع كربراتير مش ميكانيكى وخليه يظبطهولك واحكيلك اللى عندك تانى حاجه مكن العربيه تكون عايزه تفتيح لانها بتفرق مثلآ انك تجيب 140 اول مره زى عيل صغير بتعلمه المشى اول ما يمشى مش بيبقى محتاج منك غير انك تقوله روح فين
انا فى عربيتى ماكنتش بعرف اجيب ال 100 اساسآ من 80 لحد 100 كانت بتبهدلنى
لحد ما وصلتها ل 120 بس انا مش بسافر حاليآ وعايز كبالن وكاوتش جديد علشان اقدر اسافر وافتح فى الماتور براحتى
فا انتا نفس الدوسه اللى وصلتك لل 100 سيبتها توصلك لل120 وبعدها ريح رجلك على البنزين سنه هتلاقيها بتزيد معاك شاء الله

خامسا العربيه مش بتدور غير لما اديها سنه بنزين كل مره سواء صبح او وسط اليوم وصوت المارش مش عاجبنى

نضف المارش وغيرله الجلب وغير فلتر البنزين والهواء والبوجيهات ونضف الكربراتير وجرب تانى

سادسا وانا بعمل ترصيص للعجل الراجل هز فى العحل وهيا مرفوعه وقالى البطاحات بايظه ولازم تغيرها عشان خطر رحت لبتاع العفشه قالى متغيرهاش ديه الاصليه ومفيش بطاحات كويسه فى السوق

البطاحات بتتغير لو مشققه او الكاوتش اللى فوق مقطع لو العجله بتتهز دى ليها اكتر من حاجه

ممكن يكون مقص معفن او جلبه وحشه ممكن يكون علبه الدركسيون او الاستكرا وحشين ممكن يكون بيض الطرف بتاع علبه الدركسيون بس اللى وحش روح لعفشجى فاهم وخليه يكشف على العفشه ويحدد المشكلة منين

سابعا الفتيس بمزاجه ساعات يبقى كويس وساعات يعلق وخصوصا فى الغيار الخامس

بيعلق مش عايز يخرج من الغيار محجر فى مكانه تقصد ؟
دى برضه كذى حاجه اللى اعرفه فيها زيت الفتيس وكبل الدبرياج او ماستر الدبرياج فيه مشكلة لو فى زياده الشباب يكملو ان شاء الله

ثامنا مجموعه الزراير اللى جمب بعضها اللى فيها زرار الانتظار مش شغاله ومش بتدخل ولا بتخرج مش عارف بقى عايزة تنضيف ولا ايه

الزراير دى بسيطه اى كهربائى يظبطهالك وممكن ترش عليها w-40 وما تشغلهمش الا لما ينشفو

تاسعا كل اما ادوس فرامل اول ما اشيل رجلى من عالدواسه اسمع صوت ونه معدنيه

يعنى ايه ونه معدنيه ؟ خلى حد يدوس فرامل وانتا اسمع الصوت جاى منين هو عامل زى صوت التنفيس ؟ وهل شيكت على تيل وطنابير حالتهم ايه ؟

عاشرا الكوالين بتاعه العربيه خربانه والباب بيفتح بالمفتاح لكن مبيقفلش بالمفتاح لازم اقفل المسوجر من الباب الخلفى وبعد كده اقفل الباب الخلفى ياترى الكوالين ديه بتتصلح ولا بتتغير وبتجاب منين

الكوالين بتتجاب من اى حد بتاع اكسسوارات او حد بتاع سكودا بس الافضل تركب سنتر لوك وتريح نفسك وممكن اى سمكرى يظبطلك اللى عندى حاليآ لان مدام بيفتحو لكن مش بيقفلو يعنى محتاجين ظبطه بس

العربيه فيها تكييف بس مش شغال مش عارف بقى اروح اصلحه ولا هيزود معايا مشكله السخونه اولآ عربيتك مش بتسخن اوى وشوف اللى قولتلك عليه وان شاء الله تتحل

موضوع التكيف ده موضوع لكن اول حاجه لازم نعرف تفاصيل عنه
يعنى هل هو مش شغال علشان عايز يتشحن فقط ؟ ولا فى تسريب فى دورة الفريون ودى اللى هيحددها بتاع التكيف وكمان لو هتشغله ان شاء الله خليه يغسلك التلاجه جوا العربيه وينضفلك السربنتينه الخارجيه بمايه وهواء ويكشفلك على التسريب وغير فلتر التكيف ونضف الفتحات وهل البلاور او المروحه اللى فى التابلوه شغاله ؟

اسف عالاطاله علما انا مغير سير الدينامو وفلترين البنزين والبطاريه والبوجيهات والاسكاترا ولحمت الردياتير وبحطلها بنزين 80 وزيت موبيل 1 ال 3000 ومركب عليتين لادا عشان كنت حاسس ان العربيه واطيه من ورا

حط بنزين 90 احسن وما تحطش موبيل تانى لانه مايه الاسكترا جايبه جديد ولا استيراد وهل متأكد من انها سليمه لانها ممكن تكون السبب فى ان العجل يتحرك وهى واقفه

وما تنساش تغير سير التقسيمه وربنا يعينك ان شاء الله

اتمنى من ربنا انى اكون وفيت وقدرت اساعدك ولو بقليل من اللى مريت بيه