هل أشتري الصني 2013 أم أشتري أي سيارة كسر زيزو؟

**Mustafa_Zain** · 23-06-2013 07:20 PM

السلام عليكم

أنا متابع منذ فترة قسم النيسان وقرأت كثير من المواضيع عن الصني 2013 ومقتنع بها إلى حد كبير. إلا أنني أجد معارضة شديدة من بعض أصدقائي الذين لديهم خبرة في السارات. ونصحوني كثيرا بأن أشتري أي سيارة كسر زيرو (كرولا، تيريوس، كارينز،سيراتو النترا ... إلخ).

أنا في حيرة كبيرة خصوصا أنني لا أريد أن أشغل بالي بأعطال السيارة لعدة سنوات. وما زاد الطين بلة أنني وجدت مؤخرا كثرة الشكاوى في المنتدى من الصني ومن التوكيل ومن عدم توافر قطع الغيار.

أرجوا مساعدتي في اتخاذ القرار ولكم جزيل الشكر.

**fares_311** · 23-06-2013 10:57 PM

السلام عليكم
خليك في نصيحه اصحابك وهات كسر زيرو احسنلك...اكيد حتكون مواصفاتها احسن من الصني وكل الفرق بينها وبين الزيرو انها ماشيه كام كيلو يعني ولا اي حاجه طبعا لأن انتا اكيد حتكشف عليها....كمان كأنك اشتريت مستعمل ولم تيجي تبيع مستعمل مش حتخسر زي ما تشتري زيرو وتبيع مستعمل...انا مش بذم في الصني بس دي نصيحه يعني انا لو مكانك كنت حعمل كده

**ياريساوي** · 23-06-2013 10:59 PM

كورولا كسر زيرو احسن بكتير او مازدا 3 عربيات تحس انها ياباني مش ياباني على ما تفرج

**aw2100** · 23-06-2013 11:36 PM

ولو جبت عربية مستعملة كسرين زيرو اوروبى سكودا او فولكس حتبقى افضل 100 مرة من الصنى ال0 ؟؟؟

**Ahmed Amin** · 24-06-2013 12:34 AM

كسر زيرو, أو ممكن تشوف حاجة زيرو زي البيجو 301.
عربية أوروبي بتقفيل ومواصفات أوروبي, الفئة الأولي منها مانيوال ب 107 ألف وفيها ABS و Airbags
أو الريو أول فئة مانيوال ب 116 ومفهاش ABS ولا أير باج !! الهاي لاين بس اللي فيها وب 146 ألف..
Kia Rio |

ودي مواصفات البيجو وأسعار قطع غيارها.
http://www.nilemotors.net/Nile/36087...ide-301-a.html
http://www.nilemotors.net/Nile/359777-301.html

http://www.nilemotors.net/Nile/35895...eot-301-a.html
http://www.nilemotors.net/Nile/360546-301-100-a.html

**Ahmed Amin** · 24-06-2013 04:25 AM

المشاركة الأصلية كتبت بواسطة alex pharmacy

نصيحة من واحد معاه الصني الجديدة وماكملش 5000 كليو

اوعى تشتريها او حتى تعدي من جنبها
ولو حد قابلك في الشارع وقالك خدها ببلاش قوله لا مش عايز

وغلطان اللي يجيب عربية جديدة اول ما تنزل من غير ما يعرف مشاكلها ومميزاتها وعيوبها كويس

يلا الحمد لله محدش بيتعلم بالساهل

بس التعليمة المرادي غالية اوووي تمنها معدي ال 100 الف جنيه

ممكن يا دكتور تشوف المشاركة دي وتبدأ أنت موضع الجروب دا لو عندك وقت.
يمكن ساعتها لما الشكاوي تتجمع مع بعض جهاز حماية المستهلك يتدخل والتوكيل يغير لكم القطع اللي فيها عيب صناعة,
http://www.nilemotors.net/Nile/36491...post3875061609

عشان حرام يبقي الواحد دافع دم قلبه فعربية جديدة عشان تريحه, وميشغلش باله بموضوع الصيانات والعطلة والكلام دا 3 او 4 سنين وتبقي الدنيا معاكم كدا.

**Ahmed Amin** · 24-06-2013 03:10 PM

المشاركة الأصلية كتبت بواسطة Mustafa_Zain

شكرا جدا على الردود الجميلة أرجوا أن تكون في ميزان حسناتكم.

المشكلة أني لا أفهم في السيارات وما يعرض عليّ من كسر الزيرو بيكون ماشي كتير أو موديل قديم.

مثلا (كارينز اوتوماتيك 2010 45ألف كليو) بـ110ألف جنيه؟

هل كده تبقى كسر زيرو وسعرها مناسب ولا لأ؟

زي ما أستاذ دودو قال, كسر زيرو يعني عربية ممشيتش, كسرت رقم الألف كيلو لحد 10 أو 15
مش 45 !!
أنت كدا بتتكلم في عربية نص عمر,

ولو هتشتريها ب 110 يبقي تزود عليها 5 أو 10 وتجيب زيرو,
لأنها لو 45 ألف كيلو دلوقتي, كمان 15 ألف كيلو هتعمل صيانة ال 60 ألف
ودي أعلي صيانة هتدفع فيها حوالي 2000 أو 3000
وبعد ال 60 أي عربية بتبدأ تفتح بقها وتطلب شغل غير الصيانات العادية,
وطبعاً أنت وحظك علي حسب ال History بتاع العربية,

أما لو عربية ماشية 10 الاف كيلو فأقل, فتبقي كويسة بالسعر دا.