فرامل الشاهين

**d07a2010** · 17-07-2013 07:14 PM

السلام عليكم
اولا احب اشكر كل الناس اللى بتساعد لوجه الله وحابة انها تساعد بجد عشان المنتدى يكبر ويبقى ليه سمعة ممتازة زى اللى وصلها دلوقتى كده
ثانيا هبدأ أسرد مشكلتى ببساطة
انا معايا شاهين موديل 2000 فول اوبشنز هى ما شاء الله مشفتهاش مع حد خالص وكل اللى يركبها يقولى انا عمرى مركبت شاهين كده ولو عاوز تبيعها قولى وده رقم التليفون
المهم عشان مطولش انا عندى مشكلتين:-
1-كنت ماشى الصبح فى عز الحر وقابلت واحد صحبى رحنا اتجننا وشدينا مع بعض طبعا انا عارف ان الشاهين مش بتاعة الكلام ده بس يلا اهو اللى حصل المهم مرة واحدة شميت ريحت شياط بسيطة اوى وبدوس فرامل عشان اقف وانزل اشوف فى ايه لقيت مفيش فرامل فى رجلى رحت اتخضيت بس ربنا ستر الحمدلله ساعتها كنت ماشى على مهلى المهم رحت جايب الاول لحد مالعربية وقفت مع العلم ان الهاند ضعيف اصلا ومش مشدود كويس
بعد كده نزلت فتحت الكابوت اعمل شيك على زيت الباكم لقيته تمام قولت يبقى فى تيل اتحرق وممكن يكون سرب زيت بس الزيت زى ماقلت كان تمام رحت ركبت العربية وكملت سواقة وانا ماشى عالاول وخايف
الفرامل لما باجى ادوس عليها مفيش خالص لحد ااااخر حتة فوق الارضية بسنة فى حتة فرملة ضعيفة جدا وانا ماشى عالاول ممكن توقفنى لكن لو ماشى فوق ال40 كم مستحيل اقف المهم رحت راكن العربية ونزلت الصبح تانى يوم عشان اجربها لقيت الفرامل مفهاش حاجة وقوية زى الاول قولت الله فى ايه يا بنت المجانيييين عالصبح المهم طلعت عالميكانيكى بتاعى قالى ده احتمال يكون الماستر علق ولو عملتها معاك تانى هات ماستر وتعلالى اركبهولك بس كنت عاوز اخد رايكم فى المشكلة الاولانية دى
2-فى خرم صغير جدا بينقط والميكانيكى قالى انها من الريداتير نفسه مش من الكوعة والمياه بتنقص كل فترة كده بشكل ملحوظ من الإربة مع العلم انى بحط مياه خضراء المهم قالى فى واحد بيلحمه فانا بستشيركم هل الحمه وهيرجع عادى ويشتغل تمام ولا اجيب واحد جديد واتوكل على الله.
مع خالص تحياتى لكل القائمين على المنتدى واللى بيحبوا يساعدونا فى الله.

**ahmed salah90** · 17-07-2013 07:39 PM

اولا كل عام و حضرتك بخير لحلول شهر رمضان الكريم اعاده الله عليك و على الامه الاسلاميه بالخير و البركات و غفر الله زنوبنا جميعها
ثانيا حمد لله على السلامع و الحمد لله ان ربنا سترها معاك في حوار الفرامل و انت لازم تصلحها مهما كلفتك و ربنا معاك
ثالثا الريداتير لو فيه عيب صغير و موش هيكلفك صلحه احسن ولازم تعرف سعر الجديد كام و يكون جديد موش استيراد و اعملها نسبه يعني لو سعر الصيانه قريب من سعر الجديد يبقى الجديد احسن و ربنا يكفيك شر طريقك

**d07a2010** · 17-07-2013 07:43 PM

المشاركة الأصلية كتبت بواسطة ahmed salah90

اولا كل عام و حضرتك بخير لحلول شهر رمضان الكريم اعاده الله عليك و على الامه الاسلاميه بالخير و البركات و غفر الله زنوبنا جميعها
ثانيا حمد لله على السلامع و الحمد لله ان ربنا سترها معاك في حوار الفرامل و انت لازم تصلحها مهما كلفتك و ربنا معاك
ثالثا الريداتير لو فيه عيب صغير و موش هيكلفك صلحه احسن ولازم تعرف سعر الجديد كام و يكون جديد موش استيراد و اعملها نسبه يعني لو سعر الصيانه قريب من سعر الجديد يبقى الجديد احسن و ربنا يكفيك شر طريقك

الف شكر على اهتمامك يا كبير وجزاك الله كل خير
بس كان فى شوية اضافات لمشاركتى بس مينفعش اعدل عليها عشان عدت ال10دقايق المسموحة لية فهضطر اكتب الموضوع كله من الاول فى مشاركة جديدة
وألف كر لتعبك

**d07a2010** · 17-07-2013 07:51 PM

هضيف فى المشاركة هنا مشاكل اضافية:
3-عالطريق السريع فى السفر فوق سرعة 100كم كده لما اجى افرمل احس ان الدركسيون مش معايا ومش انا اللى متحكم فيه واحس الكوتشات بتلعب من تحت العفشة مش مظبوطة مع العلم ان زيت الباور تمام فهل ده ممكن يكون بلية الباور عاوزة تتغير ولا ايه؟؟؟
4-الفرامل عامة حالتها مش عجبانى حتى بعد تغيير التيل جديد احس ان العربية بتطلع للامام لما اجى افرمل اقصد بوظ العربية بينزل لتحت والشنطة بتترفع لورة فهل ده فى كل الشاهين ولا انا بس وهل فى طريقة للتعديل عليها وتركب abs؟؟؟
5-اخر طلب معلش استحملونى صوت صفارة عند لف الطارة لليمين مع الملفات الصوت اظن ياتى من يسار السيارة احيا بيظهر وانا ماشى مستقيم وبيبقى ملحوظ اوى مع الملفات اليمنى فهل ده معناه ايه؟؟؟
وجزاكم الله خيرا

**khaled_afandy** · 22-07-2013 07:54 PM

[QUOTE=d07a2010;3875096318]هضيف فى المشاركة هنا مشاكل اضافية:
3-عالطريق السريع فى السفر فوق سرعة 100كم كده لما اجى افرمل احس ان الدركسيون مش معايا ومش انا اللى متحكم فيه واحس الكوتشات بتلعب من تحت العفشة مش مظبوطة مع العلم ان زيت الباور تمام فهل ده ممكن يكون بلية الباور عاوزة تتغير ولا ايه؟؟؟
4-الفرامل عامة حالتها مش عجبانى حتى بعد تغيير التيل جديد احس ان العربية بتطلع للامام لما اجى افرمل اقصد بوظ العربية بينزل لتحت والشنطة بتترفع لورة فهل ده فى كل الشاهين ولا انا بس وهل فى طريقة للتعديل عليها وتركب abs؟؟؟
5-اخر طلب معلش استحملونى صوت صفارة عند لف الطارة لليمين مع الملفات الصوت اظن ياتى من يسار السيارة احيا بيظهر وانا ماشى مستقيم وبيبقى ملحوظ اوى مع الملفات اليمنى فهل ده معناه ايه؟؟؟
وجزاكم الله خيرا[/QUOT

مشكلة الفرامل غا لبا الماستر و ده ما فيهوش هزار و ممكن يكون السيرفو عايز صيانة

**d07a2010** · 06-08-2013 01:53 PM

ايه يارجالة كله عاوز ينول ثواب رمضان وليلة القدر طيب اهو رمضان خلص للأسف يلا بقي عاوز شوية نشاط واجابة عن استفساراتي لان فعلا الموضوع ده فيه كل المشاكل المتعلقة بالشاهين وليه انا بدأت أكرهها وجزاكم الله خيرا

**ahmed salah90** · 06-08-2013 02:17 PM

المشاركة الأصلية كتبت بواسطة d07a2010

ايه يارجالة كله عاوز ينول ثواب رمضان وليلة القدر طيب اهو رمضان خلص للأسف يلا بقي عاوز شوية نشاط واجابة عن استفساراتي لان فعلا الموضوع ده فيه كل المشاكل المتعلقة بالشاهين وليه انا بدأت أكرهها وجزاكم الله خيرا

بوص انا هكلمك على انا بوز العربيه بينزل لتحت ده ليه سببين
1- ان التيل اللي ورا انت مبتغيرهوش بتغير التيل الامامي فقط و ده بيخلي العجلتين اللي ادام يمسكو كويس و اللي ورا موش ماسكين علشان التيل متاكل فالعربيه تحس انها بتبرك من الامام و لو عاوز تتاكد شد الهاند حاجه بسيطه مثلا ربع الشده و دوس فرامل بس اوعى تخمس ببيها.
2- العربيه واطيه ا من ادام و عاليه من ورا يعني العربيه موش مستقره علشان الحمل دلولقتي بيقى على العفشه من ادام مثال : لما انت بتيجي تشيل حاجه مع حد و تحب تعمل ناصح علشان تخفف من على نفسك ارفع الحمل شويه هو اللي هيحس بالوزن او لو انت طالع معاه على السلم اطلع انت الاول هو اللي هيحس بالحمل و هو ده اللي بيحصل فبالتالي مع العربيه لما تيجي توقف الحمل كله هيتركز ادم و هنا ممكن ترفع العربيه من ادام عند العفشجي بس ده هيعوم العربيه على طريق السفر او توطيها من وراى انك نقصر الياي الخلفي بتاع العربيه وده معلوماتي علشان انا كان معايا فيات 132 و عملت كده و جابت نتيجه بس متوطيهاش اوي خليها متساويه من الخلف و الامام
و ربنا معاك و لو عرفت اي معلومه عن اي حاجه هقول لحضرتك
و عيد سعيد و كل عام و حضرتك بخير