مشكلتي مع فرامل الشاهين

**m7md_hany2** · 06-03-2008 02:28 PM

السلام عليكم
أنا معايا شاهين 98 1400CC
المهم : أنا لما بدوس فرامل بلاحظ أنها واطية جدا دا غير أن أي حد ساقها قالي نفس الحاجة
المهم رحت سحبت هوا و كدة ... قعدت شوية كويسة بعد كدة وقعت تاني ......
و بعدها اتعرضت لموقف ربنا ستر فييه
كنت ماشي في شارع الهرم و العربية اللي قدامي كانت بتجري و تقريبا معرفش يحدد قوة الفرملة عشان ميلبسش فاللي قدامه ... المهم أنه داس فرامل الأول عادي فا دست زيه و بعدها علي طول قفش جامد .... جييت أقفش وراه و أنا دايس عالفرامل ..... العربية مبتقفش .. مش راضية ربنا ستر و لحقت أطلع منه ...
فا رحت حتة فاضية و قلت أشوف موضوع الفرامل ديه
جرييت شوية و أفشت ... لازم أدوس بسرعة عشان تقفش
و لو كنت دايس و زودت مرة واحدة عشان أقفش ... لازمأرفع رجلي أو أكارك
أنا غيير أني ملاحظ كمان ان العربية بترمي نحية اليميين وأنا دايس فرامل جامد

نفسي في حل حتي لو هاركب فرامل مش بتاعة العربيه أصلا
و أرجو الافادة و السلام عليكم

**aif** · 06-03-2008 02:37 PM

الفرامل بتاعت الشاهين مش قوية دة موضوع اعتقد انه عام
انا كان معايا شاهين ولسة بايعها من اسبوعين وفعلا الفرامل كانت مش قوية وكنت بالاحظ الموضوع دة لما اسوق عربية تانية ... لكن الوصف اللي انت بتوصفة مش طبيعي ده يدل علي خلل في الفرامل عندك .. دي تجربتي الشخصية مع الشاهين
وح اسيب الرأي الفني للأخوة الزملاء الأكثر دراية مني

**bogyman123** · 07-03-2008 03:04 AM

السلام عليكم
الفرامل كدة عندك تبقى مش مظبوطة بدل ما تركب فرامل لعربية تانية
اكشف على الطنابير وعلى جهاز الفرامل ولو قضرت غير مستر الفرامل
لان فرامل الشاهين اساسا مش وحشة
وبرضو اسمع اراء زوى الخبرة

**فادى** · 07-03-2008 02:12 PM

الفرامل ليها مشكلتين أساستين :
مجموعة التيل و الطنابير, و ديه مش عطل بقدر ما هى استهلاك طبيعى لأن التيل زى الكاوتش ليه عمر, لما التيل بيتاكل الفرامل بتضعف مع الوقت, و فى النهاية بتوصل الى "الحديد" و هتلاقى ساعتها العربية بترج جامد و فيه صوت عالى جدا مع الفرملة الى جانب انخفاض قدرة الفرملة طبعا.
و واضح انو مشكلتك بعيدة عن ذلك.
المشكلة الثانية , مجموعة "الماستر" و الخراطيم التوصيل, و هى غالبا سبب المشكلة عندك, انخفاض قدرة الفرملة و انعدامها يعنى أن هناك تسريبا فى احدى المساتر, أو انسداد فى احدى الخراطيم, و يمكنك بسهولة الكشف على أى تسريب لزيت الفرامل من العجل, أو يمكنك الكشف على كمية زيت الفرامل و طبعا لو كان ناقص يبقى فيه تسريب, و فى النهاية الفرامل أعطالها بسيطة و أى ميكانيكى هيعرف العطل فين.
و طبعا لازم تبص على التيل برضه و ده ممكن عن طريق فك الاطار و محاولة تحسس حجمه بيدك.
طبعا لا نستبعد انو زيت الفرامل عندك يبقى مغشوش, لأنى سمعت عن الموضوع ده كتير, و انتشار زيوت الفرامل مجهولة الهوية فى الفترة الأخيرة.

**m7md_hany2** · 07-03-2008 04:00 PM

المشاركة الأصلية كتبت بواسطة فادى

الفرامل ليها مشكلتين أساستين :
المشكلة الثانية , مجموعة "الماستر" و الخراطيم التوصيل, و هى غالبا سبب المشكلة عندك, انخفاض قدرة الفرملة و انعدامها يعنى أن هناك تسريبا فى احدى المساتر, أو انسداد فى احدى الخراطيم, و يمكنك بسهولة الكشف على أى تسريب لزيت الفرامل من العجل, أو يمكنك الكشف على كمية زيت الفرامل و طبعا لو كان ناقص يبقى فيه تسريب, و فى النهاية الفرامل أعطالها بسيطة و أى ميكانيكى هيعرف العطل فين.
و طبعا لازم تبص على التيل برضه و ده ممكن عن طريق فك الاطار و محاولة تحسس حجمه بيدك.
طبعا لا نستبعد انو زيت الفرامل عندك يبقى مغشوش, لأنى سمعت عن الموضوع ده كتير, و انتشار زيوت الفرامل مجهولة الهوية فى الفترة الأخيرة.

أولا شكرا علي الرد :)
ثانيا : الزيت مابينقصش ؟؟؟؟ و ده أنا متابعه
و مفيش اي صوت بيطلع خالص
ممكن تكون ايه ؟ ماستر ولامشكلة سيرفو ؟؟؟

**فادى** · 07-03-2008 06:10 PM

"
أولا شكرا علي الرد
ثانيا : الزيت مابينقصش ؟؟؟؟ و ده أنا متابعه
و مفيش اي صوت بيطلع خالص
ممكن تكون ايه ؟ ماستر ولامشكلة سيرفو ؟؟؟"

مادام مستوى الزيت سليم و مفيش تسريب يبقى المشكلة ممكن تكون اما التيل, أو خراطيم الفرامل ممكن تكون مسدودة.
لو عندك لمبة تيل بص عليها, بس متخدش عليها لأنها متركبة على عجلة واحدة بس, و برضه بص على الطنابير, و ممكن يكون الماستر الرئيسى هو السبب و لكن أنا برشح انسداد فى خراطيم الفرامل و ديه بسيطة و مش مكلفة و ديه أقرب حاجة للحالة الى انت بتتكلم عليها.