رابطة ملاك ال301

**medhat nagib** · 16-12-2013 10:14 PM

والله يا اكرم بيه كله تمام والنتشه مش مش محسوسه قوي ساعات بحس بتاخير فى الطلعه بعد الوقفه فى الزحمه انا دلوقتى عامل 200 كيلو ولسه بحسس عليها بس لما الفتيس يبقى علىd بسمع صوت ورره هو ده طبيعى ولا لا

**Ahmed Amin** · 16-12-2013 11:00 PM

المشاركة الأصلية كتبت بواسطة medhat nagib

والله يا اكرم بيه كله تمام والنتشه مش مش محسوسه قوي ساعات بحس بتاخير فى الطلعه بعد الوقفه فى الزحمه انا دلوقتى عامل 200 كيلو ولسه بحسس عليها بس لما الفتيس يبقى علىd بسمع صوت ورره هو ده طبيعى ولا لا

دا صوت المالتي سويتش, هتسمع الزنة بتاعته لما تختار الغيار d أو r
صوت طبيعي دليل علي عمل الفتيس,
ومش هتسمع الصوت علي n أو p

**Ahmed Amin** · 17-12-2013 12:29 AM

المشاركة الأصلية كتبت بواسطة medhat nagib

شاكرين مهليلين اهتمامك لان الصوت ده كان قلقنى لان كان معايا افيو 2009 اوتوماتيك ومكنش فيها الصوت ده

الشكر لله,
والصوت دا حتي موجود في ال 307 وال 406 وال 206 والستروين c4
بأختصار دا صوت طبيعي وموجود في معظم الفرنساوي مش ال 301 بس.

**dmeedo** · 20-12-2013 10:40 PM

ياترى ينفع نعمل جروب على الفيس بوك باسم الرابطة دي علشان تبادل المعلومات يكون اسهل والكل يستفيد ويكون أحمد بيه هو الادمن برضه :)

**Ahmed Amin** · 20-12-2013 10:55 PM

المشاركة الأصلية كتبت بواسطة dmeedo

ياترى ينفع نعمل جروب على الفيس بوك باسم الرابطة دي علشان تبادل المعلومات يكون اسهل والكل يستفيد ويكون أحمد بيه هو الادمن برضه :)

ياباشا المنتدي أفضل,
وهيا هيا نفس الفكرة بالظبط, هنا بنتبادل المعلومات وبنستفاد من بعض هنا.

وميزة المنتدي إن المواضيع بتبقي مركزة علي خبر واحد أو مشكلة واحدة,,
وممكن تحط أكتر من صورة أو فيديو في المشاركة الواحدة وتكبر الخط مثلاً.

الكلام دا مش موجود في الفيس, والمشاركات القديمة في الفيس بيبقي صعب توصلها بسهولة زي المواضيع هنا,
وساعات بتضيع أو بتتمسح علي الفيس علي عكس المنتدي ممكن أطلع لك مواضيع من ٢٠٠٧. فيها معلومات قيمة جداً للعربيات اللي نزلت في السنين دي زي ال ٣٠٧ وبعدها ال ٣٠٨ والعربيات القديمة كمان.
الفيس أي حاجة بيعدي عليها سنة او أتنين بيبقي صعب تطلعها وتشوفها خصوصاً لو المشاركات كتير وبياخد ميموري من جهازك وبيحمل علي الرامات جامد وهوا بيحمل لك الحاجات القديمة في الصفحة عشان تشوفها.
كمان مواضيع زي اللي فيها شرح بأكتر من صورة مش هينفع تتعمل في مشاركة واحدة أو لينك واحد.

وكمان لو حد رفع فيديو عليه حقوق ملكية أكتر من مرة,
الفيس ممكن يقفل الجروب وهتضيع كل المعلومات القيمة اللي الناس شاركت بيها.

**Akram.Gamal** · 21-12-2013 12:04 AM

المشاركة الأصلية كتبت بواسطة medhat nagib

والله يا اكرم بيه كله تمام والنتشه مش مش محسوسه قوي ساعات بحس بتاخير فى الطلعه بعد الوقفه فى الزحمه انا دلوقتى عامل 200 كيلو ولسه بحسس عليها بس لما الفتيس يبقى علىd بسمع صوت ورره هو ده طبيعى ولا لا

لا ياباشا اطمن هو الفتيس كده زي ما احمد قالك

و بالنسبه للطلعه لسا هتتحسن كتير جدا طول مانت ماشى و خصوصا لو سافرت بيها

**Ahmed Amin** · 21-12-2013 02:00 AM

غير كدا كمان فتيس الأوروبي كمان مش بيغيب في الطلعة,,
بس مش بينط لقدام زي فتيس الياباني والكوري أول لما تدي له الغيار d أو r

يعني ممكن لما تدي له d العربية متطلعش إلا لما تدوس لها بنزين عشان لو قدامك حاجة متنطش بيك وتدخل فيها.
بتطلع واحدة واحدة خالص اللي هيا سواقة السلانسية لو كان الطريق مستوي ومظبوط, وضغط الهوا في كاوتشك مظبوط.
أما لو واقف علي مطلع أو الطريق بيميل لمطلع او كاوتشك مريح وأديتها d مش هتتحرك إلا لما تبدأ تدوس بنزين.

الانسر بومة ونفس الكلام في الهيونداي كنت لما بديها d بتطلع بيا علي طول في أقل من ثانية وبتكون جمعت سرعة حوالي ١٠ ل ١٥ كيلومتر.!!
ودا مش حلو ومش مريح لأنها بتاخدني علي خوانة وخصوصاً لو كنت واقف في زحمة أو بركن العربية لأن رجلي كان لازم تبقي علي الفرامل دايماً وانا بدي الغيار d أو r يا أما بتنط بيا.

لكن في البيجو ممكن تدي الغيار من غير ما تريح رجلك علي الفرامل لأن العربية بتطلع بسرعة السلانسية حوالي ٥ ل ٨ كيلومتر, وبيبقي سهل جداً التحكم فيها وحركتها.

-

الموضوع: رابطة ملاك ال301

LinkBack

أدوات الموضوع

عرض

-

-

-

-

المواضيع المتشابهه

رابطة ملاك الكارينز

رابطة ملاك الاكسنت

رابطة ملاك سيارات هيونداى

رابطة ملاك الشاهين

رابطة ملاك فورد

الكلمات الدلالية لهذا الموضوع

المفضلات

المفضلات

ضوابط المشاركة