الموضوع: رابطة ملاك ال301

[QUOTE=Ahmed Amin;3875439626]الشكر لله يا رجالة.
شكرا يا استاذ/ احمد
معلومات جديد ومفيدة

يا جماعة موضوع الكاوتش مقاس 16 والبروفيل 55 والعرض 195 فى الهايلاين ليه حل. يعنى مفيش كاوتش مقاس 16 تانى يركب عليها لان المقاس ده نادر جدا.
شكرا مقدما لوحوش بيجو 301

المشاركة الأصلية كتبت بواسطة dr.shabrawy

يا جماعة موضوع الكاوتش مقاس 16 والبروفيل 55 والعرض 195 فى الهايلاين ليه حل. يعنى مفيش كاوتش مقاس 16 تانى يركب عليها لان المقاس ده نادر جدا.
شكرا مقدما لوحوش بيجو 301

انا دورت علي الكاوتش ده و مش موجود منه غير ميشلان انتاج 2010 او 2011
و ايطالي مش الماني و مش حيتوفر في السوق قبل شهر 6 للاسف

المشاركة الأصلية كتبت بواسطة mahmed0100

انا دورت علي الكاوتش ده و مش موجود منه غير ميشلان انتاج 2010 او 2011
و ايطالي مش الماني و مش حيتوفر في السوق قبل شهر 6 للاسف

والتوكيل معندوش الكاتوش دة ؟ كدة تبئا مشكلة كبيرة كل واحد يخلي بالو من كاوتشة

المشاركة الأصلية كتبت بواسطة mohamed hussei

والتوكيل معندوش الكاتوش دة ؟ كدة تبئا مشكلة كبيرة كل واحد يخلي بالو من كاوتشة

احتمال التوكيل يكون بيبيع الطقم علي بعضه لكن فرده فرده ملوش في الكلام ده
في مقاس 205/55 r16
ده مناسب لتغيير الطقم كله بعد ال 50 الف و مقاس منتشر
بس مش حنسبق الاحداث لان كلام التجار ان المقاس ده من ميشلان حينزل السوق بس مش قبل شهور لانه موجود في ستروين و 301 و بدأ يبقي ليه طلب
اتمني يكونوا صادقين في كلامهم

السلام عليكم جميعا
انا سعيد جدا بالمشاركة في هذا المنتدي الجميل و وسط هذه الروح الجميلة بين الجميع
انا عايز اقول ان من اكبر اسباب اقتناعي بالعربية هو المنتدي و خصوصا هذا الموضوع
بس انا كنت حابب اشاركوا تجربتي و اتمني افدكوا و تفدوني اكتر

اولا العربية جميلة جدا و كأساسيات من (موتور و عفشة و صاج) اكثر من رائعة
عربية فعلا من اريح ما ركبت
انا كان معايا النترا 2008 كنت مستريح بيها جدا بس حصل ظروف و بعتها و جبت دي و الحمد لله اختيار موفق

ثانيا انا مش عايز اشكر كتير عشان المعظم عارف العربية جميلة ازاي بس زي مابيقولوا الحلو مابيكملش
كان ليا بعض الملاحظات و الاسئلة و اتمني تقبلوا رأي و الطريقة العجيبة اللي بكتب بيها :)
1-انا لسه مجربتش التكيف في الحر اوي
بس هو التكيف بيضعف او حاجه لو انا مثلا في مطلع في عز الصيف ؟؟؟

2-هل حد جرب ركب ال cruise و ال speed limiter و اتكلف اد ايه و هل عمل اي مشاكل او حاجه ؟؟

3-هو المفروض التوكيل بيعمل ايه في صيانة ال 1000 و ال 2500 ؟؟؟
و منين اعرف جدول الصيانات ؟؟؟

4-موضوع الكاوتش ده انا لقيت كذا حد اشتكي منه ؟؟؟ ايه الحل او ايه البديل ؟؟؟

5-الازاز اللي ورا بينزل لغاية جزء معين مش لأخره (انا عارف انه ده حمايه عشان الاطفال) بس هل يمكن عمل شئ بس بدون اي تخريب يخليه ينزل للاخر ؟؟؟

6-سؤال في حرارة العربية
هي العربية مافيهاش مؤشر و في لمبة بتنور
بس كنت عايز اعرف هل هي بتنور اول ماتبتدي الحرارة تزيد ولا لما الحرارة تبقي في اقصي حالاتها ؟؟؟

7-انا قبل ماشتري العربية كنت سقتها مع شخص معرفة و كان عامل بيها حوالي 15000 كيلو و العفشة كانت ناعمة جدا لدرجة اني ذهلت انها انعم من عفشة الالنترا اللي انا كنت بعتبرها مايه
بس في عربيتي الجديدة حاسس انها ناشفه شويه
رايحت الكوتش ل 28 و حاستها اتحسنت بس لسه ناشفة نسبيا
مع العلم اني مشيت بها 250 كيلو بس :)
فا هل هتنعم بعدين ولا هتفضل كده ؟؟؟
و هل هتفرق اوي ولا حاجه بسيطة ؟؟؟
كذا حد كان قائل ان عافشتها ناعمة و بالنسبة لي ده اهم شئ نعومة العفشة
فارجو الافادة ؟؟؟


ولله انا عارف اني طولت و اسئلتي كتير بس من عشمي في اهل المنتدي الكرام
و ادعولي ربنا يبركلي فيها و يكفيني شرها و يسترها معايا و شكرا :)

المشاركة الأصلية كتبت بواسطة dr.shabrawy

يا جماعة موضوع الكاوتش مقاس 16 والبروفيل 55 والعرض 195 فى الهايلاين ليه حل. يعنى مفيش كاوتش مقاس 16 تانى يركب عليها لان المقاس ده نادر جدا.
شكرا مقدما لوحوش بيجو 301

بص، انا اتبهدلت عشان اجيب فردة واحدة مكان اللى باظت عندى، الكاوتش دة نادر جدا لما تلاقية و الفردة مش هتقل عن 1000 جنية، سرقة عينى عينك يعنى.
بس مش هينفع تغير فردة واحدة طبعا، اعتقد ان ممكن تغير مقاس الكاوتش للطقم كلة و لو انى سألت واحد بتاع كاوتش قالى لو عايز تغير المقاس لازم تغير الجنط للمقاس الاكبر، بس الحقيقة انا مش عارف مصداقية الكلام دة و مرضتش انخرب ورا الموضوع عشان ميلعبش فى دماغى و مش طالبة بصراحة 3500 جنية تغيير طقم كاوتش

شكرا على الرد يا شباب. بس كدة دى فعلا مشكلة والناس مش واخدة بالها

انا عايز اعرف مقاس 215/50r16 يركب على العربية ولا لا
عشان لما اغير اجيب جنوط وكاوتش بالمقاس ده والمقاس ده على فكرة عريض و16 ونفس قطر العجلة بس مش عارف هل هو عريض اوى بحيث انه هيحك في الكارتيرات من جوة ولا لا ، لانه هيبقى اعرض من اللى في البيزلاين ب3 سم و الهايلاين بـ 2 سم بس هيبقى نفس القطر الكلى للفردة