افيدونى وهاخد كلامكم ثقه محتار بين استرا كوزمو زيرو ولا بى ام دبليو 320 موديل 2010

**eng hussein** · 27-07-2013 03:18 AM

محتار بقالى فتره ولما شفت منتداكم بقالى يومين اقرا المواضيع والردود ومتابع ولما حسيت انكم اهل ثقه وان فيه هنا ناس فاهمه قررت اسجل وهاخد كلامكم ثقه وهنفذ فورا والله فعلا وبدون مجامله ماشاء الله عليكم

افيدونى محتار بين الاسترا كوزمو زيرو وبين بى ام 320 هاى لاين موديل 2010
رجااااااااااء منتظر رد اخوانى وبجد شكرا ليكم مقدما

**Mohyeldin1974** · 27-07-2013 03:34 AM

مبلاش رد اخوانى دى هههههههه no offence
حضرتك لو ليك فى المغامره وعندك حد يكشفلك على العربيه وتكون نضيفه يبقى بى ام
اما اذا كنت تحب الامان والزيرو يبقى خليك فى الكوزمو
حط فى اعتبارك ان الاسترا ١٦٠٠ والبى ام ١٨٠٠ تقريبا او ٢٠٠٠ سى سى والله اعلم

**eng hussein** · 27-07-2013 03:39 AM

اه صحيح يامحى ماخدتش بالى من دى هههههههههههه
ايوه البى ام 2000 سى سى ودى ميزه غير عاديه طبعا
والاسترا بتغرينى انها زيرو وكمالياتها وثباتها عالى جدا لكن اسم البى ام لوحده ليه تمن
مش عارف اعمل ايه

**YahiaAshraf** · 27-07-2013 04:13 AM

لو البى ام عدادها قليل يعنى ماشية فى حدود ال50 - 60 الف و حالتها ممتازه يبقى توكل على الله و شوف البى ام و يفضل تكشف عليها فى الوكيل لان الوكيل بيعمل فحص شامل على السيارة و بيقولك على كل كبيرة و صغيره فى العربيه

لو لاقيت كل حاجه فيها تمام يبقى توكل على الله

لو لاقيتها ماشية كتير و هتحتاج شغل شوية يبقى خليك فى الأوبل أفضل علشان متدفعش مصاريف تانيه والاوبل استرا عربيه جميله برده و بقت منتشره شوية فى الشوارع

وسواء البى ام او الاوبل الاتنين ثابتين على الطرق ما شاء الله

وبالتوفيق باذن الله

**eng hussein** · 27-07-2013 04:20 AM

تسلم يحيى اكيد طبعا لو هجيب مستعمل هكشف عليها فى التوكيل
mbisar انا فعلا فكرت فى البيجو 508 لكن لقيت سعرها عالى علي شويه
انا عاوز عربيه فى حدود 210 متذدش عن كده او لو فيه ذياده تكون قليله والبيجو 267 يعنى فيه 57 الف فرق وده مبلغ

**svneleven** · 27-07-2013 04:56 AM

هذه نقرة و تلك أخري. ديه حاجة و ديه حاجة تاني خالص. لو لقيت بي ام نضيفة خلص علي طول. مش مضمونة يبقي الاسترا. و علي فكرة ال 320 ضيقة من ورا. يعني نفس عيب الاسترا.

**zegna** · 27-07-2013 05:54 AM

لو هتقدر تجيب بي ام 320 عدادها قليل ماشية اقل من خمسين اللف وفابريقة بالكامل تبقي البي ام طبعا بس خود بالك عشان المصاريف بتاعت البي ام عالية هيا عاوزة مغامرة شوية لاما تغامر وتجيب ال 320 وانت وحظك لاما تخليك في المضمون وتركب استرا زيرو وتريح دماغك منها 5 سنين زيت وفلتر بس بس كمتعة قيادة وثبات وسرعة وهاندلنج اكيد البي ام تتفوق من خلال تجربتي للاتنين بس انا اخترت المضمون لان كل الفلوس حاططها في عربية وكونت عاوز اريح دماغي منها لانك لو شربت مقلب في البي ام بالزات هيتعبك اوي قطع غيارها نار التيل الامامي والخلفي عامل 4 الاف جنية

**S O P H O S** · 27-07-2013 12:14 PM

البي ام لا تقارن طبعا
ولكن اختار الزيرو والجديد ..

**M I D O** · 27-07-2013 04:27 PM

بص يا باشا مفيش احسن من الزيرو ولو هتقارن بي ام مستعمل بفيرنا جديدة هقلك هات الفيرنا الجديدة طبعا معا احترامي لملاك الفيرنا .. الجديد مميزاتة كتير اولا هتكون اول واحد يركب العربية وعارف كل مسمار فيها عامل اية معاك مش هتركب ورا حد والله اعلم عمل بالعربية ثانيا ودة الاهم معاك ضمان مغطيك العربية لاقدر الله حصل فيها حاجة علي التوكيل عدل وهناك ملزمين يصلحوها انما فرضا انت جبت البي ام وحصل فيها حاجة هتعمل اية ؟؟ واكيد انت عارف ان اسعار قطع غيار البي ام نااااااااااار ساعتها هتحط ايدك علي خدك وتقول يارتني ماشتريت مستعمل وكمان هتضيع فرحتك بالعربية انك لسة جايبها وبتلف تصلحها واي عربية معرضه ان يكون فيها عطل وكمان اسعار صيانات البي ام غالية جدااااااااا عشان كدة انا رايي الشخصي خليك في الاوبل عربية تحفة وهتكون اول مالك ليها واول رجل علي العربية ولو حصل حاجة لاقدر الله معاك الضمان حاميك توكل علي الله وهات زيرو افضل ومتنساش الاستخارة

-

مشاهدة نتائج الإستطلاع: ايهما

الموضوع: افيدونى وهاخد كلامكم ثقه محتار بين استرا كوزمو زيرو ولا بى ام دبليو 320 موديل 2010

LinkBack

أدوات الموضوع

عرض

-

-

المواضيع المتشابهه

اوبل استرا كوزمو او بيجو 508

مطلوب بي ام دبليو 316 موديل 2010

افيدونى افادكم الله انا مقبل على شراء استرا كوزمو باذن الله ومحتاج استشارة

بى ام دبليو 320 مستعملة موديل 2007 بالاى درايف ولا 316 بريميوم زيرو ولا باسات زيرو

بى ام دبليو 320 مستعملة موديل 2007 بالاى درايف ولا 316 بريميم زيرو

الكلمات الدلالية لهذا الموضوع

المفضلات

المفضلات

ضوابط المشاركة