مروحة الردياتير مش عايزة تبطل!!!

**romany_ac** · 29-07-2013 07:29 PM

مساء الفل عليكم وان شاء الله صيام مقبول
عايز استفسر عن حاجة وهى ان مروحة الردياتير مش بتبطل خالص مع العلم جربت اغير كذا ترموستات فلو سمحتوا دلونى اعمل اية؟
وشكرا

**Ahmed_Ramadan** · 29-07-2013 08:40 PM

متابع

**aldesha989** · 29-07-2013 09:17 PM

ممكن الكتاوت معلقه كانت عندى الكتاوت معلقه والمروحه لقيتها اشتغلت اول ما دورت العربيه خبطت على الكتاوت المروحه بطلت فروحت مغير الكتاوت على طول

**AlGazar2** · 29-07-2013 09:58 PM

كتاوت معلقة او سلك ملمس

**aw2100** · 29-07-2013 11:47 PM

المشاركة الأصلية كتبت بواسطة romany_ac

مساء الفل عليكم وان شاء الله صيام مقبول
عايز استفسر عن حاجة وهى ان مروحة الردياتير مش بتبطل خالص مع العلم جربت اغير كذا ترموستات فلو سمحتوا دلونى اعمل اية؟
وشكرا

ده عيب فى الترموستات لسة مغيرها عندى الأسبوع اللى فات فضلت مشغلة المروحة وجبت واحده اسبانى ب35 جنية واشتغلت زى الفل على فكرة فابريكة فى الفليشيا مافيش كتاوت لمروحة التبريد لكن ممكن تكون عندك متعدلة ومتركب كتاوت !!

**المنسي** · 30-07-2013 01:25 PM

حتة المروحة مش بتفصل ليها كذا احتمال اولا ممكن دورة التبريد تكون واخدة هوا والعربية مبتلحقش تبرد فهتلاقى المروحة شغالة ومش بتفصل وتانى حاجة ممكن نوع الترموستات اللى فى الردياتير مش كويس فلو بقاله فترة مغيرتوش غيره بواحد ايطالى ب 25 جنيه وتالت حاجة ممكن يكون فى حاجة فالتوصيلات مش مظبوطة فبمجرد ماتدور العربية المروحة بتشتغل واول ماتبطل المروحة تفصل حاول تعمل تنظيف لدورة التبريد وتغير الترموستات ده مبدأيا واسحب الهوا من دورة التبريد ويستحسن تحط مية خضرا او مية حمرا هتكون افضل من مية الحنفية فى جزئية درجة الغليان

**المنسي** · 30-07-2013 04:14 PM

المشاركة الأصلية كتبت بواسطة romany_ac

انا قصدى المروحة مش بتفصل حتى بعد العربية ما بتبرد لانى نزلت لاقيت البطارية نايمة ولما شحنتها اكتشفت ان المروحة مش بتفصل غير لما اشيل الفيشة او السلك اللى واصل للترموستات واللى مش فهمة ان لما ارجع السلك او الفيشة تانى لما استخدم العربية ترجع تشتغل عادى لما الحرارة تبقة 80 بس ماتفصلش تانى.

روح لكهربائى كويس يراجع لك على التوصيلات

**aw2100** · 30-07-2013 11:50 PM

المشاركة الأصلية كتبت بواسطة romany_ac

انا قصدى المروحة مش بتفصل حتى بعد العربية ما بتبرد لانى نزلت لاقيت البطارية نايمة ولما شحنتها اكتشفت ان المروحة مش بتفصل غير لما اشيل الفيشة او السلك اللى واصل للترموستات واللى مش فهمة ان لما ارجع السلك او الفيشة تانى لما استخدم العربية ترجع تشتغل عادى لما الحرارة تبقة 80 بس ماتفصلش تانى.

نفس العيب كان عندى ماكنتش بتفصل حتى لو شيلت الأسلاك غير لما العربية تبرد خالص وتشتغل لما العربية توصل لل 80 ومتفصلش تانى ده 100*100 من الترموستات وحاول تشوف نوع اصلى بتاعة فيات مش ضرورى سكودا انا جبت واحده اسبانى من محل قطع غيار للفيات كنت بجيب منه حاجات ال128 القديمة تحياتى !!