جديد فى الانسر ومحتاج مساعد ضروووورى (بومة 2003)

**samehelrewesh** · 16-08-2013 04:34 PM

السلام عليك ورحمة اله وبركاته
ياجماعه انا معايا لانسر 2003 1300 مبقلهاش شهر والعربية عملت حادثة ومحتاجة نص خلفى وكبوت واكصدام امامى وفوانيس امامى وخلفى :(
انا عاوز اعرف تقريبا رينج الاسعار لانى مش عارف اتحرك ولا اروح فى حتة بسبب ظروف البلد
وعاوز اعرف احسن تجار لقطع الغيار ليها لانى معرفش حد بتاع يابانى خالص وعمرى ما اتعاملت معاهم
ومعلش حاجة كمان كنت عاوز اعرف ايه الفرق بين الاشكال دى لانى مش عارف
1:-

2:-

3:-

وعاوز اعرف بردة ايه الاختلاف فى الفوانيس الخلفية
معلش لو طولت عليكوا بس انا مش فاهم حاجة فيها لانى اول مرة اتعامل فيها وخايف انزل التجار تشتغلنى :(

**MITSUKERO** · 16-08-2013 05:31 PM

ربنا معاك و انا ممكن ابعتلك رقم سمكري شغال في دياموند صلحت عنده خبطة في عربيتي بس فعلا شاطر جدا و كان عنده في الورشة انصاص و قطع غيار و جابلي كالون كبوت و سلك الكالون و ظبط الكبوت علي الرغم من انه تيواني

**samehelrewesh** · 17-08-2013 02:45 AM

هى العربية دلوقت فعلا عند السمكرى وانا محتاج انى انزل اجيب الحجات دى وعاوز تقريبا اعرف رينج عشان اخد معايا الفلوس وكمان هحتاج باب ورا :(
لو هينفع يقوللى اسعار فى الفون ياريت تبعتلى رقمه فى رسالعه
معلش تعبتك معايا ياباشا ومتشكر ع ردك

**amro0000** · 17-08-2013 06:00 AM

شوف ياسيدي الحجات دي كلها مش هتلاقيها وبسعر رخيص الا في منطقة الحرفيين يعني الفانوسين الخلفي اسمع انهم مش هيكملو 400 جنية فانوسين اولباب حدود تقريبا الف جنية او اقل لاكن النص الوراني مش عارف ممكن يكون تقريبا الكلام في حوالي 4الاف او 6الاف يعني انا سألت من فترة كبيرة وبحاول افتكر الاسعار علي قد ماقدر ومش عارف هل انا صح ولا لاء بس نصيحة متروحش غير الحرفيين وحاول تكاسر معاهم جامد اوي لان الظروف كدة كدة وحشة علي الكل وعلي التجار وعليك اكتر وبصراحة ربنا يكون في عونك بس قولي الحادثة دي حصلت ازاي واية الي وصلها لنص خلفي ممكن صور وممكن تحكي حصل اية ياريت

**samehelrewesh** · 17-08-2013 01:16 PM

حصلت وهى مركونة والله واحد كان بيجرى وبياخد عرزة يمين من عربية العربية عومت منه ومعرفش يلمها راح داخل فى العربية ودخلها فى عربية تانية كانت واقفة فدامها
اللحمد لله ع كل شئ

**samehelrewesh** · 17-08-2013 01:23 PM

**amro0000** · 17-08-2013 06:02 PM

المشكله حصل زيها قدامي في الدقي عربية دخلت في عربية راكنة كانت كرولا 99 ودمرتها كلها ودخلتها في عربية قدامها نفس القصة بس المهم انتة مسكت الراجل الي عملك كدة يعني عرفت تاخد منة تعويض ولا هرب؟

**samehelrewesh** · 17-08-2013 06:12 PM

الناس مسكته بس ع ما نزلت لقيت الواد متهدل وبصراحة استحرمت اخد منه عوض غير انعربيته هو كمان باظيت
اللحمد لله وقدر الله وماشاء فعل

**samehelrewesh** · 18-08-2013 12:08 AM

السلام عليك يا رجالة معلش انا اسف مصدعكوا معايا
انهاردة اتصلت بواحد عند سوسو المريوطية اسمه خالد فى واحد ادانى رقمه
المهم خدت منه الاسعار دى
نص خلفى كامل شامل ( فوانيس خلفى + عفشة كاملة 1300 + تانك البنزين ) ب 6000
باب خلفى كامل 750
كبوت + أكصدام 2000
بس قللى الفوانيس اللى عندى مش نضيفة مض هتعجبك
عاوز اعرف الاسعار دى مغقولة ولا غالية ولا الف شوية ولا اكسر معاه ولا ايه النظام
والفوانيس قدام ايه رايكوا اجيبها جدبدة احسن ولا ايه ( السمكرى قالى هاتها استيراد عشان نظبط عليها )

انا اسف تانى مرة ع الازعاج بس للاسف انا معرفش حاجة فى العربية دى :(

**amro0000** · 18-08-2013 07:14 AM

ياباشا انتة شوف مش محتاج اية يعني مثلا شيل الفوانيس وتانك البنزين لو عندك التانك سليم والمساعدين والات الجر الخلفية كل دا يشيلك حوالي 3الاف جنية او الفين ونص مثلا بس انا عارف الكلمة الي قالها هيقولك لازم تتباع النص بكل حاجتة لازم يقولك البوقين دول واكيد هيقولهملك بس حرام عليك تشتري كل دا انتة محتاج نص خلفي وانا شايف في الصورة الات الجر والمساعدين معتقدش جرالهم حاجة وبعدين كبود واكصدام الفين جنية لية ؟؟؟ لالا مبالغ فية اوي انزل الحرفيين يا بشمهندس اسمع كلامي الحرفيين عندهم الانصاص وحاجة العربية دي متراكمة بلهبل وبألوان مختلفة يعني ممكن تشتري النص بنفس لون عربيتك بدون ماتحتاج سمكرة ولا دهان اسمع مني يا استاذي الفاضل والله حرام بجد اسعار بأفترا كبود واكصدام الفين جنية؟؟؟ لية كدة

الموضوع: جديد فى الانسر ومحتاج مساعد ضروووورى (بومة 2003)

LinkBack

أدوات الموضوع

عرض

جديد فى الانسر ومحتاج مساعد ضروووورى (بومة 2003) - انشر الموضوع فى :

-

-

-

-

-

-

المواضيع المتشابهه

الاوفست بتاع جنط الانسر بومة 15 كام؟

صيانة الانسر بومة 2008

مفتاح الانسر بومة ؟؟

الى كل ركيب الانسر بومة

الفرق بين الـ gl والـ glx فى الانسر بومة

الكلمات الدلالية لهذا الموضوع

المفضلات

المفضلات

ضوابط المشاركة