مشكلة تأخير الدوارة صباحا

**ابوابراهيم323** · 10-09-2013 02:20 AM

السلام عليكم ورحمة الله وبركاته
الاخوة الاكارم هذة المشكلة مازلت اعانى منها وهى تأخير دوارة العربية صباحا
انا مغير البوجيهات
والبطارية جافة جديدة
والدينامو لسه مغيرة

هل ممكن يكون العيب من حاجة تانية
ولمين اروح ميكانيكى ولا كهربائى

على فكرة بتغيب اكثر من 5 دقائق علشان تشتغل
يعنى كان زمان بعد 4 او خمس مرات تلقط وتشتغل
الان 20 او 30 مرة علشان تلقط وتدور

**المنسي** · 10-09-2013 02:24 AM

بما انك بتقول غيرت الحاجات اللى انت قلتها يبقى مش فاضل قدامك غير المارش وشوف كهربائى شاطر يفكه ويشوف السليكونات بتاعته والجلب

**أحمد جودة** · 10-09-2013 10:06 AM

المشاركة الأصلية كتبت بواسطة ابوابراهيم323

السلام عليكم ورحمة الله وبركاته
الاخوة الاكارم هذة المشكلة مازلت اعانى منها وهى تأخير دوارة العربية صباحا
انا مغير البوجيهات
والبطارية جافة جديدة
والدينامو لسه مغيرة

هل ممكن يكون العيب من حاجة تانية
ولمين اروح ميكانيكى ولا كهربائى

على فكرة بتغيب اكثر من 5 دقائق علشان تشتغل
يعنى كان زمان بعد 4 او خمس مرات تلقط وتشتغل
الان 20 او 30 مرة علشان تلقط وتدور

السلام عليكم ورحمة الله وبركاته ........ استاذ اكرامي جايز المرش زي ماقلك الاستاذ منسي بس اعتقد حضرتك غيرته من فترة بسيطة ......... عموماً موضوع الغيبة فى الدوارة يمكن يكون طبيعي اكتر فى الشتا ومش بالصورة اللى حضرتك بتتكلم عنها ........ ملحوظة المفروض حضرتك قبل ماتدور العربية تفتح سنه كونتاكت وتدوس على دواسة البنزين بهدوء 3 او 4 مرات وبعدين سمي الله ودور ...... اتمنالك التوفيق ومتابع .....

**saddam** · 10-09-2013 10:26 PM

صديقي المواطن لو.العربية كاربريتير حتوديها لمتخصص كربريتير مش لميكانيكي ولو هي إنجكشن يبقه تروح تنظف رشاشات بالجهاز وفي الحالتين تغير فلتر بنزين وتتأكد إنك حاطط بوجيهات كويسة وسلوكها نظيفة وليست مشققة ودمتم للنضال

**Maged_Samy** · 10-09-2013 10:48 PM

1- ضبط توقيت الشرارة بشكل سليم .
2- ضبط الكربراتير وتنظيفة .
3-تنظيف فلتر الهواء .
4-تغيير البوجيهات ( نظف القديمة واحرقها على البوتاجاز وركبها ) علشان البوجيهات اللى انت ركبتها جديد لو الحرق عندك مش سليم هتلاقى اتكون عليها كربون او اتبلت بنزين .
4-بلاش تكارك قبل الدوارة كتير وممكن تدوس الاكسلاتير على الاخر ومتشيلش رجلك علشان المكاركة بتشرق العربية .
5- تأكد من ان طلمبة البنزين تعمل بشكل جيد .
6- تغيير فلتر البنزين .
موضوع المارش والبطارية متبصلهمش اساساً طالما صوت الدوارة عادى ومفيش عتلة و المشكلة عندك ان مفيش اشتعال بيتم .

**ابوابراهيم323** · 10-09-2013 11:17 PM

المشاركة الأصلية كتبت بواسطة maged_samy

1- ضبط توقيت الشرارة بشكل سليم .
2- ضبط الكربراتير وتنظيفة .
3-تنظيف فلتر الهواء .
4-تغيير البوجيهات ( نظف القديمة واحرقها على البوتاجاز وركبها ) علشان البوجيهات اللى انت ركبتها جديد لو الحرق عندك مش سليم هتلاقى اتكون عليها كربون او اتبلت بنزين .
4-بلاش تكارك قبل الدوارة كتير وممكن تدوس الاكسلاتير على الاخر ومتشيلش رجلك علشان المكاركة بتشرق العربية .
5- تأكد من ان طلمبة البنزين تعمل بشكل جيد .
6- تغيير فلتر البنزين .
موضوع المارش والبطارية متبصلهمش اساساً طالما صوت الدوارة عادى ومفيش عتلة و المشكلة عندك ان مفيش اشتعال بيتم .

كلام جميل طيب اروح لمين علشان الحاجات دى كلها ( ميكانيكى ولا كهربائى )

طالما صوت الدوارة عادى ومفيش عتلة ( معلش مش فاهم النقطة دى )

**ابوابراهيم323** · 10-09-2013 11:21 PM

المشاركة الأصلية كتبت بواسطة saddam

صديقي المواطن لو.العربية كاربريتير حتوديها لمتخصص كربريتير مش لميكانيكي ولو هي إنجكشن يبقه تروح تنظف رشاشات بالجهاز وفي الحالتين تغير فلتر بنزين وتتأكد إنك حاطط بوجيهات كويسة وسلوكها نظيفة وليست مشققة ودمتم للنضال

كلام جميل أخى المواطن (:

اعرف منين انها انجكشن

كان فيه واحد قال لى انها هاف انجكشن

فلتر البنزين انا مغيرة من شهرين

والبوجيهات يابانى لسه جديدة

**aw2100** · 10-09-2013 11:34 PM

تأخير الدوارة فى الفليشيا بيبقى من الكاربراتير ازاى؟
بيبقى فى الكاربراتير حوالى 1/4 لتر بنزين لبدء الدوارة قبل ماطرمبة البنزين تسحب بنزين من التانك عندك فيه الديفرام بيبخر البنزين اللى فى الكاربراتير فالعربية بتغيب عبال ماتسحب بنزين من التانك وعاوز تتاكد بص فى الكاربراتير بعد ماتدوس كام دوسة بنزين مش حتلاقى فية بنزين خالص وبعدين حط شوية بنزين صغيرين فى الكاربراتير لما تفك العمة ودور حتلاقى العربية دارت من اول تدويرة وتبطل فوديها لمتخصص فى الكاربراتير وخلية يغير الجوانات ويبص على الديفرام فى الكاربراتير وربنا يقويك !!