مشكلة تأخير الدوارة صباحا

**ابوابراهيم323** · 10-09-2013 11:56 PM

المشاركة الأصلية كتبت بواسطة aw2100

تأخير الدوارة فى الفليشيا بيبقى من الكاربراتير ازاى؟
بيبقى فى الكاربراتير حوالى 1/4 لتر بنزين لبدء الدوارة قبل ماطرمبة البنزين تسحب بنزين من التانك عندك فيه الديفرام بيبخر البنزين اللى فى الكاربراتير فالعربية بتغيب عبال ماتسحب بنزين من التانك وعاوز تتاكد بص فى الكاربراتير بعد ماتدوس كام دوسة بنزين مش حتلاقى فية بنزين خالص وبعدين حط شوية بنزين صغيرين فى الكاربراتير لما تفك العمة ودور حتلاقى العربية دارت من اول تدويرة وتبطل فوديها لمتخصص فى الكاربراتير وخلية يغير الجوانات ويبص على الديفرام فى الكاربراتير وربنا يقويك !!

كلام جميل
على فكرة نسيت حاجة كمان
اما تدور العربية اجى ازود بنزين تبطل
لازم اسيبها شوية وبعدين ازود بنزين

**aw2100** · 11-09-2013 12:40 AM

المشاركة الأصلية كتبت بواسطة ابوابراهيم323

كلام جميل
على فكرة نسيت حاجة كمان
اما تدور العربية اجى ازود بنزين تبطل
لازم اسيبها شوية وبعدين ازود بنزين

ده الكاربراتير مسدود محتاج بعد ماتدور العربية تقلب اسلاك بوجية 2 مكان 3 وتدور العربية حتدى كام مدفع من الكاربراتير وحتسلكة بعد كده رجع الاسلاك مكانها كل ده من وساخة البنزين اللى بنحطه انا باعمل كده كل لما الاقى العربية سحبها يضعف وتبدء تتكتم وطبعا الجكمان عندك مليان هباب عموما لو رحت لمتخصص كاربراتير حيريحك من الكلام ده كلة !!

**أحمد جودة** · 11-09-2013 02:38 PM

المشاركة الأصلية كتبت بواسطة ابوابراهيم323

انا بحط بنزين 92 على طول
هو كمان فيه مشاكل دا انا كنت ناوى احط 80
الاقى متخصص الكاربراتير ده فين ؟؟؟

والله يا باشا مبتفرقش دلوقتي 80 فيه رواسب والــ 92 فيه رواسب ....... الفكرة فى نضافة البنزينة اللى بتموت منها ......... اعرف بنزينة نضيفة واتعال معاها على طول ومتفولش من غيرها الا فى حالة الضرورة ........ انا شغال بـــ 80 وقبل كدة كنت بحط 92 ومن يوم تصنيع عربيتي بيتحطلها 92 وبفضل الله عرفت الـ 80 معايا ..... المهم ظبط الكاربيراتير كويس ونضفة هوة وفلتر البنزين وحط 80 وظبط الكهرباء على الــ 80

متابع

**sakr_skoda** · 11-09-2013 08:05 PM

مع احترامى لكل من افتى بان المشكلة مشكلة مارش فانا لا اؤيد هذا الحل نهائيا ....

المشكلة عند حضرتك حاجتن اثنين لا اكثر:-
اولا :الكاربرتير انا عامل درس ضمن السلسلة ياريت تحاول تطبق الدرس على الوقع ونظف كاربتير سيارتك بنفسك واستبدل الاجزاء التالفة كالجونات والبكات وياريت تخلى بالك من قاعدة الكاربتير غيرها بالمرة لأنها ممكن تسبب مشاكل على شكل تلك المشكلة ولو عاوز تعرف القاعدة مظبوطة ولا لاء دور السيارة وافتح الكابوت وحط ايدك مواجهة مع قاعدة الكاربرتير لو شعرت بتيار هواء ساخن يتدفق من ناحية قاعدة الكاربرتير يبقى غيرها....

ثانيا: ظبط الكهرباء بتاعت العاربية وعندك فى السلسة الدرس 14 حاول تتصفحة وطبق ما فى الدرس على الواقع لتصل لأفضل نتيجة....

صدقنى كل ما سبق نفذته انا شخصيا وكانت عندى تلك المشكلة ولاكن الأن اقوم بادرة المحرك دون ان اجلس على المقعد او افتح باب السيارة اصلا من الشباك احط المفتاح اتوكل على الله تلقط وتدور ولله الحمد والمنه....

نسيت اقولك انا باحط بنزين 80 واحياننا لما بتحص ازمة بحط مية طرشى هههههههههههه والحمد الله فيفورتى راضية وربنا يهديها عليا....

**EngAhmedSayed** · 12-09-2013 11:41 AM

المشاركة الأصلية كتبت بواسطة ابوابراهيم323

المشكلة يا اخى الكريم انا لسه معرفش اى حاجة فى الميكانيكا ومعنديش عده
بس كلامك ده والله حيخلينى اجرب وخلاص حيحصل ايه يعنى

و هو ده الهدف اللى بنسعى ليه انى حضرتك تتعلم معانا كل حاجة و برحتك بس انا عاوزك تقرا شوية فى القسم بمعنى اصح قراية جرايد و خد خلفية فى حاجة مش فاهمه اطلب و الحمد لله الناس هنا كلهم متعاونين و حاول اتعرف على عربيتك
وربنا يوفقك

**mehles** · 16-09-2013 02:34 PM

المشاركة الأصلية كتبت بواسطة aw2100

تأخير الدوارة فى الفليشيا بيبقى من الكاربراتير ازاى؟
بيبقى فى الكاربراتير حوالى 1/4 لتر بنزين لبدء الدوارة قبل ماطرمبة البنزين تسحب بنزين من التانك عندك فيه الديفرام بيبخر البنزين اللى فى الكاربراتير فالعربية بتغيب عبال ماتسحب بنزين من التانك وعاوز تتاكد بص فى الكاربراتير بعد ماتدوس كام دوسة بنزين مش حتلاقى فية بنزين خالص وبعدين حط شوية بنزين صغيرين فى الكاربراتير لما تفك العمة ودور حتلاقى العربية دارت من اول تدويرة وتبطل فوديها لمتخصص فى الكاربراتير وخلية يغير الجوانات ويبص على الديفرام فى الكاربراتير وربنا يقويك !!

السلام عليكم...........عايز اعرف ما هو الديفرام ومكانة فين..........الف شكر